Radio Municipal de Tui
Día a Día
Revista radiofónica da Radio Municipal de Tui conducida por Andrea Carrera e Chimo Cabreira. De luns a venres de 10 a 12.30 h recolle a actualidade local e comarcal, información, entretemento, curiosidades, deporte,...
Be sure to visit the podcast's website and support the creator: www.ivoox.com
Author
Radio Municipal de Tui
Category
Podcast website
Latest episode
Nov 19, 2026
Where to listen?
Podcasts in the app Replaio Radio Coming soonPodcasts are coming to the app soon. Install now and be the first to see a whole new take on podcasts
Episodes
Ent. Mila González, voceira CsT - Explosión Paramos e aprobación orzamentos 18.06.2018 18:34
Volver pouco a pouco á normalidade na medida do posible é un dos obxectivos que se fixan dende o Concello de Tui tras a explosión do pasado día 23 de Paramos. Considera que todas as administración deben remar no mesmo sentido e non se debe politizar esta traxedia. Mila González amosaba o agradecemento polas múltiples mostras de solidariedade que chegaron dende os primeiros momentos.
Ent. Juan Carlos Blanco e Miguel Martínez, de Acitui - Feira do Peregrino 15.06.2018 6:59
A Feira do Peregrino, que estaba prevista para o mes de xuño e que posteriormente foi cancelada en solidariedade cos afectados pola explosión no barrio da Torre, ten xa novas datas: será os días 7 e 8 de xullo. Esta mañá Juan Carlos Blanco, presidente de Acitui, e Miguel Martínez, un dos membros da asociación, déronnos conta de cal será o novo programa.
Ent. Jose Monte, vereador de Desporto de Valença - Pantalla xigante para o Mundial 15.06.2018 4:27
Hoxe estréanse no Mundial de Fútbol de Rusia as seleccións española e portuguesa e o fan precisamente enfrontándose. A cita será ás 20h Portugal -España. Este encontro poderá seguirse na pantalla xigante que a Cámara de Valença instala no xardin municipal para seguir os partidos da súa selección. Contounolo Jose Monte, vereador de Desporto de Valença
Santi Alonso, do CPA Ribex - Festival de Verán de Patinaxe Artística 15.06.2018 3:09
Este ano o Festival de Verán de Patinaxe Artística organizado polo CPA Ribex tamén terá carácter solidario, así nolo explicou coma responsable do club Santi Alonso. Terá lugar no Pavillón Municipald e Tui mañá sábado a partir das 19h e a entrada terá un prezo de 2€ íntegros paa os afectados pola explosión no barrio da Torre.
Ent. Teresa Domínguez, directora do CRA Mestra Clara Torres - Festa Solidaria da Piragua 15.06.2018 3:17
Este domingo o deporte tamén é solidario coa Festa da Piragua, que sairá dende a Ribeira de Caldelas ás 11h para facer unha baixada polo Miño ata Guillarei. Pódese participar con kaiak propio ou cun dos proporcionados pola organización e todo o racadado irá para os afectados pola explosión no barrio da Torre. As reservas pódense realizar no 619 04 73 72. Trátse dunha iniciativa da Comunidade De Mo...
Ent. Ismael Alonso, Miguel Muñiz, José Ángel Martínez, Nardo Fernández - Xantar Solidario do Codillo 15.06.2018 9:35
Este domingo no Monte das Penizas en Paramos terá lugar o Xantar do Codillo, que terá carácter solidario cos afectados pola explosión no barrio da Torre. Trátase dun xantar que xa estaba previsto nesta data e que decidiron transformar de festa a evento solidario despois da catástrofe. Teñen xa confirmadas arredor de 700 reservas.
Ent. Marta Álvarez, Martín Álvarez, Iria Moledo, Carlota Sío e Gabriel Gómez, CEIP Nº1 - Xornada Científico-Tecnolóxica 15.06.2018 9:47
Os alumnos do CEIP Nº1 realizarán o mércores 20 de 13.15h a 14h unhas xornadas científico-tecnolóxicas nas que mostrarán moitos dos proxectos que nos levan traballado e investigado durante todo o curso. Algúns dos nenos estiveron está mañá na RMT explicando en que consistirán os stands dos seus cursos xunto coa profesora e xefa de estudos do centro, Marta Álvarez. Martín Álvarez, de 2º, Iria Moled...
Ent. Marita Alonso, de Miscapisca - Quedada do Día Mundial de Tecer en Público 15.06.2018 6:02
Mañá sábado ás 16.30h terá lugar no Paseo Fluvial unha quedada polo Día Mundial de Tecer en Público. É un acto gratuíto aberto a todo aquel que desexe pasar un bo rato tecendo e compartido ideas, merendar, aprender estiramentos e participar nos sorteos organizados. Esta actividade está organizada por Marita Miscapisca, ARTElier e MyR Abalorios coa colaboración de Mercería Fiadeiras e Osteopatía Tu...
Ent. Miguel Capón, de ALT - Catástrofe de Paramos e Orzamentos 14.06.2018 20:22
Unha catástrofe das dimensións xurdida tras a explosión do pasado 23 de maio en Paramos supera a calquera goberno municipal. Así o afirmaba hoxe o voceiro de Alternativa Tudense, Miguel Capón, quen sinalaba a colaboración total da xunta de portavoces, onde dos distintos grupos xurdiron parte das acción que se están a realizar coma o Fondo de Emerxencia, a convocatoria da Xunta Local de Seguridade,...
Ent. Conchi Sales, Raquel Hernández, Verónica Morais e Juan José Alonso - Certame de gaita e tamboril e Día da Muiñeira 14.06.2018 15:23
A música tradicional será protagonista esta fin de semana en Tui coa celebración do IV Concurso de Gaita e Tamboril o sábado, e do V Día da Muiñeira o domingo. Ambos actividades están organizados pola Asociación Xuvenil e Cultural San Telmo, que traballa pola recuperación das tradicións, coa colaboración do Concello de Tui.
Ent. Sergio Alonso, do Betún, e Su Garrido en directo - Programación Betún 15 e 17 de xuño 14.06.2018 18:43
Esta fin de semana a Asociación Cultural Betún ten dúas novas propostas musicais. O prato forte será mañá venres a partir das 22h cun concerto de Su Garrido Pombo, coa que contamos hoxe na nosa sintonía para falar do seu disco "Quedo a vivir aquí", do que amais nos ofreceu algúns temas en directo. O domingo na rúa Cuenca estarán 16mm coa súa proposta de violonchelo e theremin.
Ent. María Esther Ruzo e Sonia Castiñeira - Escola de Hostelería do Baixo Miño 14.06.2018 9:38
Dúas emprendedoras están a poñer en marcha no Concello do Rosal, un proxecto para a creación da primeira Escola de Hostelería do Baixo Miño, que contará con espazos para aulas, degustación, demostracións e dúas exposicións permanentes de elementos etnográficos e de viños producidos na comarca. Estivemos a falar desta iniciativa con Esther Ruzo e Sonia Castiñeira.
Ent. Nando Álvarez, escultor - 3º Simposio de Escultura do Miño 14.06.2018 7:14
A 3º edición do Simposio de Escultura do Miño, unha iniciativa conxunta dos concellos de Tomiño e Vila Nova de Cerveira, está a desenvolverse dende hai uns días no Espazo Fortaleza de Goián. Alí, ata finais de mes seis recoñecidos escultores de distintos países están a traballar en vivo para o público en seis obras que pasarán a formar parte do patrimonio escultórico das dúas vilas.
Ent. Manuel Ángel Fálquez, director do CEIP de Pazos de Reis - Aloiada 2018 13.06.2018 3:34
Mañá comeza a Aloiada 2018 con máis de 200 alumnos de 6º de primaria e na que participarán por primeira vez todos os centros educativos de Tui. Estivemos a falar con Manuel Ángel Fálquez, directo do CEIP de Pazos de Reis, sobre como será o programa.
Ent. José Prada Álvarez, non adscrito - Traxedia Paramos e Orzamentos 2018 13.06.2018 17:23
José Prada, concelleiro e membro do grupo de non adscritos, defendeu a creación dunha comisión con toda a corporación para axilizar determinadas decisións relacionadas con Paramos, e neste senso asegurou que está a completa disposición do alcade dente o primeiro momento. Defendeu amais a contratación de profesionais externos para áreas como urbanismo ou servizos sociais, de modo que os departament...
Ent. Rubén López, dtor Conservatorio - Concerto de Fin de Curso 13.06.2018 5:33
Mañá ás 20.30h o Teatro Municipal de Tui acollerá o concerto de fin de curso do Conservatorio Profesional de Música de Tui. A apertura de portas para a retirada de entradas será ás 19h, e dende ás 19.15h os alumnos e alumnas do conservatorio poderán recoller as cualificacións do cursos. O concerto estará dedicado aos afectados de Paramos, e tamén ao profesor Jesús González que se xubila. Actuarán...
Mª Jesús da Silva, concelleira de Urbanismo e voceira de APTui - Traxedia Paramos e Orzamentos 2018 13.06.2018 15:34
María Jesús da Silva, voceira de APTui e concelleira de Urbanismo, asegurou hoxe que a prioridade do seu departamento dende a explosión no barrio da Torre é resolver a situación na zona. Neste senso apuntou que se traballa para formar un gabinete urbanístico externo dedicado en exclusiva a Paramos. Recordaba amais que ao existir un proceso xudicial aberto é a xuíza a que da as autorizacións e marc...
Ent. Uxío Benítez, deputado e director da AECT Río Miño - Constituída a asemblea da AECT 11.06.2018 17:17
A AECT Río Miño celebrou a pasada semana a súa primeira asembla na que foron aprobados os orzamentos para este 2018. Uxío Bénitez será durante dous anos o primeiro director desta Agrupación Territorial. Hoxe na nosa sintonía explicaba que o obxectivo inicial é acceder a fondos europeos e crear a marca Río Miño.
Ent. Laureano Alonso de Son de Tui - Traxedia Paramos e Orzamentos 2018 11.06.2018 18:47
A catástrofe de Paramos marcará a xestión dos gobernos municipais de Tui durante moito tempo, así o afirmaba hoxe o concelleiro de Son de Tui, Laureano Alonso. Este feito quedará moi marcado na historia de Tui, e agarda que as axudas dos distintos organismos poidan contribuír a recuperar as vida das persoas afectadas. Por último con respecto á aprobación dos orzamentos municipais no pleno de maio...
Ent. Sergio Alonso, de Betún, e Iván, contrabaixista de Pegas Negras - Programación Betún 8 e 9 de xuño 08.06.2018 5:56
Máis música na Asociación Cultural Betún para esta fin de semana. Esta noite comezarán coa habitual Jam Session e mañá contarán co grupo Pegas Negras e a súa proposta de temas propios cheos de cowntry, rock and roll e toques galaicos. Tivemos ocasión de falar cun dos seus membros.
Ent. Ramón Martínez, pte Comunidade de Montes de Randufe - III Romaría do Comuneiro 08.06.2018 6:43
Este domingo a Comunidade de Montes de Randufe celebra a súa II Romaría do Comuneiro, que pola posobilidade de chuvia terá finalmente lugar na Casa da Cultura. Estivemos a falar co seu presindente, Ramón Martínez.
Ent. Eriberto García, dtor IGVS - Axudas aos afectados de Paramos publicadas no DOG 07.06.2018 6:25
O Dog publica hoxe a orde coa bases que regulan a concesión de axudas aos afectados pola explosión de Paramos do pasado 23 de maio tanto para o alugueiro coma para a reconstrución das vivendas e enxoval doméstico afectados Esta mañá o director do IGVS, Eriberto García, lanzaba na nosa sintonía unha mensaxe de tranquilidade aos afectados indicando que van a colaborar en todo para a tramitación dest...
Ent. Carlos Estévez, do Club Sen Amarras - Proba do Campionato de Motonaútica inclusiva 07.06.2018 6:04
Este sábado Tui volve a ser sede dunha das probas do Campionato Galego Inclusivo de Slalom de Motonáutica, organizado polo Club Sen Amarras, coa colaboración da Federación Galega de Motonáutica e do Concello de Tui, no que participarán deportistas con e sen discapacidade.
Ent. Lupe Pérez, voceira Asociación Afectados Paramos Guillarei 07.06.2018 21:21
Lupe Pérez é a voceira da Plataforma de Afectados pola explosión en Paramos, recentemente constituída como Asociación de Afectados Paramos-Guillarei. Hoxe deunos conta das trabas burocráticas coas que se están a atopar para a solicitude das axudas, así como das súas reivindicacións ao Parlamento Galego ou da falta de coordinación entre as distintas administracións na xestión do acontecido.
Ent. Alberto Rajoy, párroco da Guía e formador do Seminario Menor de Tui - Vixilia de Oración por Paramos 06.06.2018 6:58
O arciprestazgo de Tui-Entenza celebrará este venres unha vixilia de oración polas persoas afectadas na explosión de Paramos. Terá lugar na igrexa de San Francisco en Tui a partir das 21.30h. Explicóunolo Alberto Rajoy, párroco da Guía e formador no Seminario Menor de Tui
Similar podcasts
Replaio is not a podcast publisher; show names, artwork and audio belong to their authors and are distributed through public RSS feeds.