Día a Día

Mañá sábado ás cinco da tarde na Volta da Moura, entre Tui e Salceda, será reinagurado o monumento ás vítimas, coa plantación de tres oliveiras, nun acto no que tamén haberá música e poesía, segundo explicaba Manuel Vázquez de la Cruz, de Levada Libre, colectivo que está a organizar os Días da Memoria no Baixo Miño, Louriña e Condado.

Esta mañá coñeceuse a decisión de José Ángel L. Taboada de dimitir como presidente do PP de Tui. Durante a mañá falamos con distintos membros do PP con cargos de responsabilidade para coñecer a súa valoración da situación, o cencelleiro José Prada foi un deles.

Esta mañá coñeceuse a decisión de José Ángel L. Taboada de dimitir como presidente do PP de Tui. Durante a mañá falamos con distintos membros do PP con cargos de responsabilidade para coñecer a súa valoración da situación, o deputado no Parlamento Galego Moisés Rodríguez foi un deles.

Os deportistas do Club Atletismo Tui-Thermalia que estabana a adestrar na tarde de onte nas pistas da Macoca foron expulsados das instalacións polo presidente da Entidade Menor de Pazos de Reis, Enrique Pérez Martínez. Estivemos a falar sobro o sucedido con Rafael Pérez, presidente do Club Atletismo Tui-Thermalia, que lamenta verse en medio a desacordos políticos que non teñen nada que ver co depo...

O judoca tudense, Lino Martínez, participa esta fin de semana Xenebra no Campionato de Europa de Judo Veterano na modalidade de judo tradicional na categoría M6, onde o ano pasado xa se proclamara campión de Europa en M5, e posteriormente campión do mundo. O obxectivo para esta nova temporada é revalidar estes títulos.

O CPA Ribex viaxa mañá a Avilés para participar no Campionato de España de Grupos Show Sénior, cita onde estarán os 25 mellores equipos a nivel nacional. Estivemos a falar coa súa adestradora, Carolina Figueroa, que nos explicou cales son as súas aspiracións nesta competición.

Ás 20h a sala de audicións do Conservatorio Profesional de Música de Tui acollerá un concerto de guitarra a cargo do mestre Tomás Camacho. Interpretará obras de Bach, Ravel, Albéniz e Granados. A entrada é gratuíta, até completar a capacidade do local. Estivemos a falar con el e con Rubén López, director do Conservatorio e da Escola de Música.

Mañá xoves a Casa da Cultura Castelao en Sanceda acolle a segunda proposta de Levada Libre dentro dos seus Días da Memoria, será unha conferencia do historiador Xosé Álvarez sobre "Educación e República". O sábado terá lugar o acto central na Volta da Moura coa inauguración dun novo monolito, música e poesía.

Hoxe mantivemos unha nova conversa co gallo do 8M. Charo Varela é avogada, probablemente a muller tudense con máis experiencia no mundo da avogacía despois de trinta anos na profesión, período no que teñen cambiado moitas cousas.

Novo tempo de libros no Día a Día. Hoxe May Acebes tróuxonos nas súas recomendacións literarias dous título. A proposta en castelán é a obra de Nell Leyshon "Del color de la leche" e en galego falounos de "Cartas de inverno", escrito por Agustín Fernández Paz.

Na RMT de Tui imos dedicar a semana ás mulleres con gallo do 8 de marzo e hoxe comezamos unha rolda de conversas con mulleres tudenses de distintos ámbitos da sociedade. A actriz Laura Villaverde foi a encargada de inaugurar esta semana da muller.

A Axencia Tributaria está comezando a enviar novos requerimentos aos emigrantes retornados que reciben pensións do extranxeiro para que declaren eses ingresos e tributen por eles tras dous anos de tranquilidade. Falamos con Benito Alonso sobre a situación destes pensionistas e sobre o que lles reclaman dende Facenda.

Tui acolle mañá a primeira actividade dos Días da Memoria de Levada Libre coa representación teatral de “A Lola” de Avelaíña Teatro, unha historia que fala de todas as mulleres que sobreviviron aos seus familiares asasinados durante o franquismo. A cita será ás 19.30h no salón de actos do Instituto San Paio.

Este domingo terá lugar a VII BTT Eurocidade. Con saída dende a piscina municipal de Valença contará con dous posibilidades de percorrido de 42km ou de 74km. Trátase dunha proba organizada pola Eurocidade Tui-Valença coa colaboración de Biciosos Rías Baixas e que está entre as máis importantes da BTT en Galicia.

Hoxe ás 21.30h chega ao Teatro Municipal de Tui o espectáculo "Falar sen cancelas" con Isabel Risco, Fran Rei e Pedro Brandariz. É unha proposta de hora e media de humor sobre a galeguidade, a lingua, as nosas costumes e ritos; unha festa de gags cómicos e situacións nas que veremos o mellor (e o peor) de nós mesmos.

Maxia, humor, comedia…é a proposta que da man do mago Cayetano Lledó chega este sábado, 3 de marzo, ás 19h ao Teatro Municipal de Tui no espectáculo "Sherlock Holmes". Estivemos a falar con el.

Mañá sábado COXAPO celebra no Auditorio de Goián a xornada técnica " A Auga no Rural", na que se falará de temas como os lans hidrolóxicos e as regulacións recollidas no plan da seca, tamén da problemática do gas Radón en Galicia ou das necesidades dunha óptima xestión da auga no agro.

A Asociación de Comerciantes e Industriais de Tui comeza mañá unha campaña que se desenvolverá durante os catro primeiros venres e sábados do mes de marzo. Esta mañá estivemos a conversar co seu presidente, Juan Carlos Blanco, sobre este e outros proxectos da asociación. Amais contamos coa presenza de Arán Feijoo, que se incorpora como colaborador da Asociación para participar nas súas iniciativas...

O pintor italiano Giuseppe Rea, afincado en Guillarei, amosará dende mañá venres, 2 de marzo, a súa obra na sala de exposicións municipal na Área Panorámica ata o 17 de marzo. Presentará unha trintena de cadros

A cita máis importante co agro no Baixo Miño terá lugar esta fin de semana na Mostra de Cultivos organizada por ACUBAM co apoio do Concello de Tomiño e da Deputación de Pontevedra, e que chega á súa edición número 15 en plena forma. Este ano será un punto de inflexión de cara á profesionalización da Mostra dentro do sector do agro. Estivemos a falar máis polo miúdo sobre este evento con Patricia R...

Ás 11h desta mañá na aula CEMIT, da Área Panorámica, será presentado o programa DepoIntegra Xove da Deputación de Pontevedra, que busca mellorar a empregabilidade dos mozos e mozas de 16 a 30 anos da provincia. Así o explicaba Montserrat Magallanes, deputada de Emprego. Para o Baixo Miño está previsto o desenvolvemento dun itinerario formativo de "Confección e publicación de páxinas web".

A Comunidade de Montes de Caldelas levará a cabo o próximo martes, 6 de marzo, unha plantación de árbores autóctonas no monte comunal fronte o colexio de Caldelas, á que convidaron ao alumnado do centro. Así o explicaba esta mañá Rosendo Pena Besada, presidente da Comunidade de Montes de Caldelas. Amais da plantación os nenos terán unha pequena charla a cargo de técnicos do Distrito Forestal. Tamé...

O novo pavillón de deportes de Tui acollerá o Campionato Galego de Grupos Show Xuvenís e Cuartetos, organizado polo propio CPA Ribex, en colaboración coa Federación Galega de Patinaxe e o Concello de Tui. Falamos con Carolina Figueroa, entrenadora do CPA Ribex.

Como cada fin de semana a Asociación Cultural Betún ten programación musical. Esta noite a partir das 23h habe´ra sesión Discobeta e mañá terán actuación en directo con Miriam Sandoval Trío. Estivemos a falar con ela sobre as súas versións do folclore latinoamericano e temas inéditos de poetas galegos que viviron na inmigración. Amais tivemos ocasión de escoitala en directo.

Álvaro Siza, Javier Zubía e Paula Teles ou Ginés Garrido son os autores veñen de copar os tres premios do concurso de ideas celebrado pola Deputación de Pontevedra para elixir o deseño da nova ponte peonil sobre o río Miño entre Tomiño e Vila Nova de Cerveira. Sandra González, a alcaldesa de Tomiño, amosa a súa satisfacción polo nivel dos finalistas.