Día a Día

Mañá sábado La Casa Taller acollerá de 11h a 20h un mercadiño con entrada de balde no que haberá cerámica, complementos, roupa ou pintura. Pero amais a xornada estará amenizada con concertos en sesión vermú e merenda ou con talleres para os máis pequenos. Estivemos a falar con Gemma Marqués.

A nosa compañeira Beti Rey será homenaxeada pola Agrupación Cultural Guardesa co gallo do Día das Letras Galegas nun acto que se celebrará hoxe ás 21h no Centro Cultural da Guarda. A homenaxe contará coa participación de José Font e coas actuacións musicais do Grupo de Pandeiretas da Agrupación Cultural Guardesa, do grupo Antorcha e do Grupo de Cámara da Agrupación Musical Guardesa.

A Asociación de Comerciantes e Industriais de Tui decidiu suspender a Festa do Peregrino que tiñan programada para o 9 e 10 de xuño en solidariedade cos afectados pola explosión de Paramos. Do mesmo xeito queda aprazada a Gala do Comercio. As actividades retomaranse na segunda quincena de xullo.

Arestora os rapaces do Tyde que participarán no Torneo Internacional de Fútbol de Versmold están a comezar a súa viaxa ata a cidade alemá. Esta mañá participaron nun acto de despedida no Concello co alcalde de Tui, Carlos Vázquez Padín, e amais tivemos ocasión de falar con Elías Vieiro, presidente do Club que os acompaña nesta experiencia á que van con idea de revalidar o título.

Lupe Pérez, voceira da Plataforma de Afectados de Paramos deu conta no programa Día a Día, do tratado na reunión de onte á noite.

Para este sábado a empresa de ocio e turismo activo Verdeazul ten organizada unha recollida de plásticos no río Miño. Está pensado como un paseo polo río e un modo tanto de achegarse ao entorno natural como de tomar conciencia da grande cantidade de residuos que producimos e de todo o que consumimos. Mercedes Martín, de Verdeazul, falounos desta iniciativa.

Os alumnos de 6º de primaria do Colexio Maristas realizaron a semana pasada un obradoiro sobre o consumo de tabaco como actividade previa ao Día Mundial sen Tabaco que se celebra hoxe. Cinco desde alumnos déronnos conta de todo o aprendido.

Esta fin de semana o Auditorio de Goián acollerá a estrea de “Xoscados”, a cuarta longametraxe producida polo grupo tomiñés San Roquiño. Contará con dous pases o sábado e dous o domingo, e amais a próxima semana proxectarase tamén no Auditorio do Rosal. Contóunolo Reme Carrera, que forma parte de San Roquiño.

Ás nove desta noite a Plataforma de Afectados de Paramos vai celebrar unha reunión no Centro Cultural de Paramos. Así nolo contou hoxe a súa voceira, Lupe Pérez.

Entre a grande cantidade de inicitativas solidarias cos afectados pola explosión de Paramos está fin de semana terán lugar dúas actividades na parroquia de Guillarei. Por unha parte o sábado terá lugar ás 18.30h un partido benéfico entre o Tyde e o Guillarei no campo da Gándara, e por outra o domingo ás 18h comezará unha Masterclass de Zumba no torreiro das Festas da Virxe das Dores.

Dende a empresa de fotografía Notblank contan cunha iniciativa solidaria para que os afectados de Paramos poidan comezar de cero cos seus recordos fotográficos. Xunto con outras empresas fotográficas da zona que se están a sumar á iniciativa ofrecen servizos de fotografía de familia de balde. Explicóunolo Pablo Nunes.

Son diversas as iniciativas solidarias que están a xurdir para axudar aos veciños de Paramos afectados pola explosición do pasado mércores no barrio da Torre. Este xoves as distintas comisións de festas venderán unha rifa solidaria para os afectados nos aparcamentos coindindo coa mercado semanal. O domingo haberá zumba solidaria en Guillarei, e estánse a concretar outras accións coma baixadas en p...

Esta fin de semana haberá máis música na Asociación Cultural. O venres terán unha nova sesión de Discobeta, pero o prato forte chega co concerto o sábado, a partir das 23.30h de Kely García e Rubén Reinaldo. Estivemos a falar con eles, que pasaron pola RMT para tocar en directo.

Música no Claustro celebrará o próximo mes de agosto – do 4 ao 10 – a súa décimo terceira edición tras un ano de paréntese. O festival regresa con novidades: sete días de programación e dobre sede.

Estivemos a falar con Miguel Santalices, director en Vigo e na súa Área Metropolitana de Repara tu Deuda, compañía especializada no que se coñece como Lei da Segunda Oportunidade. Miguel Santalices explicounos en que consiste esta figura apareceida en España en 2015 e que é o que pode ofrecer a compañía para axudar a aqueles que están nunha situación económica complicada.

Estivemos a falar sobre a sección da Escola Oficial de Idiomas de Vigo en Tui con dúas das súas alumnas. Mª Carmen Rodríguez é alumna de francés dende hai 5 anos, mentres que Elsa Méndez leva un ano estudando portugués. Elas contáronnos as súas boas experiencias e o funcinamento das aulas da EOI na cidade.

Miguel Ángel Rodríguez comezou hai uns anos un proxecto de ideas sostibles para a horta xurdido dunha colaboración co CEIP nº1 de Tui. Dentro dese proxecto está o cultivo de setas en borra de café, que agora participa nun concurso convocado pola empresa de produtos ecolóxicos NaturGreen.

O Rosal cumpriu esta fin de semana o soño de que o seu equipo, o Acanor Atlético Novás, milite na División de Honra Prata Masculina do balonmán. O seu soño fíxose realidade nunha intensa fin de semana na que O Rosal acolleu precisamente esta fase de ascenso, nun vibrante partido final no que o pavillón municipal estivo completamente ateigado de siareiros.

O padeeiro tomiñés do Club Kaiak Tudense regresa da Copa do Mundo de Szeged con dobre medalla e un record do Mundo. A primeira medalla lográbaa o venres no k1 1000metros onde foi bronce, e onte domingo no k1 500 bateu o record do mundo desta distancia cun tempo de 1:35.149 milésimas, e se fixo coa medalla de ouro. Amais foi quinto no k1 5000 metros.

O concelleiro non adscrito, José Prada, absterase no pleno deste mes maio na votación dos orzamentos de 2018, polo que as contas poderán ser aprobadas cos votos do equipo de goberno. Onte chegaba a este acordo co alcalde, Carlos Vázquez Padín.

O alcalde de Tui, Carlos Vázquez Padín, e o concelleiro non adscrito José Prada Álvarez, chegaron onte a un acordo para sacar adiante os orzamentos do concello de Tui para 2018. O alcalde amosaba hoxe a súa satisfacción por este acordo, ao tempo que explicaba que hoxe mesmo convocará a comisión informativa para ditaminar o proxecto de orzamentos - o mesmo que se presentou hai un mes - para levalos...

Esta fin de semana ten lugar a XVII Romaría Cabalo organizada pola Peña Valle del Louro, un evento único no que se dan cita miles de persoas e que conta con espectáculos recoñecidos a nivel español.

Esta fin de semana A Guarda conta con varias propostas relacionadas coa cultura galega. Mañá sábado terá lugar no exterior do Centro Cultural o Mostra do Traxe Galego organizada polo Concello e a Asociación pola Recuperación do Traxe Galego. Amais o domingo rematarán a semana das Letras Galegas cunha Fira do Libro na praza do Reló, con obradoiros, sesión vermú, xogos populares e concerto de Mamá C...

Esta fin de semana Oia celebra as súas Festas da Virxe do Mar, a Virxe do Carme e o Santísimo. Nesta ocasión a programación contará coa primeira edición do Festival de Música Atlánticas Emerxentes Omae, que reunirá mañá pola tarde a distintos grupos emerxentes galegos no enclave do Mosteiro de Oia.

SomosOcéano celebra o día das Letras Galegas cunha colaboración con Carrick. Así nolo contaron hoxe Ana Carpintero e o tudense Fran García, con quen tamén falamos da nova colección coma a camiseta de manga curta "Riquiña" ou da súa presenza en Bruxelas da man de Google.