Día a Día

Loli Castiñeira, candidata a alcaldía por Movemento Salceda, tralo anuncio da renuncia de Marcos Besada, deu conta do primeiro encontro entre Movemento Salceda e o Partido Socialista, asegurando que o primeiro de todo e Salceda e os intereses dos seus veciños, primando o sentido común.

En pleno proceso de negociacións para formar equipo de goberno, esta mañá falamos con Verónica Tourón, voceira do PSOE de Salceda, sobre como están a transcorrer as reunións cos demais partidos.

Carlos Vázquez Padín, actual alcalde en funcións, foi o candidato á alcaldía de Tui por C21, tras o resultados obtidos o 26 de maio renuncia a súa acta de concelleiro e deixará a política activa. Hoxe recoñecía que eses resultados, cun só concelleiro, foron malos. Afirmaba que agardaban un resultado mellor tras o traballo realizado o último ano e medio, onde afirmaba se sentaron as bases para un c...

Esta fin de semana celébrase o II Forum Peregrino organizado pola Asociación Iacobus. Será na antiga cárcere de Tui, na rúa Seixas. Esta mañá o secretario e o presidente de Iacobus nos detallaron a programación.

A alcaldesa en funcións de Tomiño, Sandra González, viaxará mañá a Londres para participar 10ª Conferencia Internacional de Mercados Públicos. Este foi un dos asuntos dos que falou hoxe no programa Día a Día con Jose Font, onde tamén fixo balanzo dos resultados do 26M e deu contra doutros proxectos en marcha.

Este ano o CEIP número 1 celebra o seu 50 aniversario polo que levan todo o curso traballando en varias actividades. Concretamente este mércores teñen unha xornada de festa e reencuentro con varias actividades o longo de todo o día.

Laureano Alonso, nº1 de En Marea, valorou hoxe os resultados das eleccións municipais do 26M, onde obtiveron un concelleiro na próxima corporación. En Marea acordou o pasado venres en asemblea a constitución dunha comisión negociadora integrada por 3 persoas para establecer diálogo co Partido Socialista tras o ofrecemento realizado polo seu líder, Enrique Cabaleiro, para formar parte do goberno mu...

Tralos resultados obtidos o pasado domingo nas eleccións municipais, nas que o PP obtiña 6 concelleiros, Movemento Salceda 4 e o PSOE 3, o candidato a alcaldía por Movemento Salceda anunciou a pasada semana a súa renuncia a súa acta de concelleiro de cara a tomar de posesión do 15 de xuño.

Co gallo do Día Mundial sen Tabaco, o Servizo de Prevención de Drogodependencias do Concello de Tui levou a cabo unha serie de obradoiros nos centros educativos, traballando precisamente sobre este día. Hoxe puidemos escoitar na voz do propio alumnado unha serie de cartas que elaboraron dirixidas a algúns familiares. Mauro, Claudia, e Alba.

O tudense Víctor Coyote presentou hoxe no programa Día a Día o adianto do seu novo disco. O avance chega en forma de EP baixo título de "Cumbia de Milagro" con tres cancións "Cumbia de Milagro", "Costa Nova" e "Es tarde".

Mozos e mozas de entre 14 e 30 anos poderán desfrutar en Tui de tres xornadas de cultura urbana impartidas pola asociación Vella Escola. As modalidades que se van a impartir son as referidas ó hip hop, cunha xornada centrada no Beatbox, outra de Dj e outra de rap.

Julia Rodríguez participará mañá novamente no programa Luar da TVG na segunda rolda da quinta fase do concurso Recantos. Interpretará o "Vals das bolboretas" sobre á 1.15h. Queda unha rolda máis na que se decidirán aos finalistas.

Juan Miguel Diz Guedes, nº1 de Ciudadanos, valorou hoxe o resultado das eleccións municipais do pasado domingo onde lograron 2 concelleiros. Recoñecía que agardaban maior apoio con até 4 representantes.

A artista plástica María Meijide estivo esta mañá na nosa sintonía para falar da súa exposición que recolle obras como o calendario da Eurocidade Tui- Valeça e o seu proceso de elaboración entre outras. A exposición remata este sábado.

O Partido Popular logrou este domingo nas eleccións do 26M dous concelleiros, perdendo dous con respecto á representación que obtivera en 2015. Hoxe o seu nº1 José Ángel Fernández valoraba estes datos.

Co gallo do Día do Medio Ambiente que se celebrará o vindeiro 5 de xuño, a empresa Verde Azul Aventuras organiza a segunda campaña de recollida de plásticos no Río Miño este sábado día 1. Pola mañá limparase a beira do río a pé e pola tarde en kaiak.

Este sábado a Asociación Iacobus celebra dúas andainas en colaboración con Andatui nas que percorrerán o Camiño portugués no seu tramo de Caminha a Tui. Haberá dúas modalidades, unha de 30km, que irá dende Caminha até Tui e outra de 17 km de Vilanova de Cerveira até Tui.

O Partido Socialista gobernará con maioría absoluta nos próximos catro anos en Tui tras lograr este domingo uns resultados históricos con 9 representantes. Valoraba hoxe Enrique Cabaleiro, o seu nº1, estes resultados.

Na mañá de hoxe a Asociación 1Máis e Anarela estiveron na nosa sintonía para falar do campamento de verán "Xacobeo para todos. Este verán faite voluntario ou voluntaria". A próxima semana comezarán con charlas sobre voluntariado na Sala Félix da Área Panorámica de Tui.

O novo pavillón de deportes de Tui acolle este sábado e domingo a fase final da Copa División de Honra Xuvenil Masculina de balonmán. O sábado 10.30h xogaranse as semifinais entre o Cisne Colexio Los Sauces - Seis do Nadal, e ás 12.30 horas Club Balonmán Tui- Laber Xiria. A final será o domingo ás 12.30h. Martín Peralta do Club Balonmán Tui facía un chamamento a encher o pavillón.

Hoxe completamos a rolda de conversas cos candidatos á alcaldía de Tui con José Ángel Fernández o candidato do Partido Popular.

Mañá día 24, celébrase na discoteca Anubis a Gala en Pé Paramos. Serán preto de 4 horas de espectáculo no que haberá música, baile e humor.

Hoxe cúmprese un ano da catástrofe de Paramos. Eran as 16.23 h do 23 de maio de 2018 cando unha explosión cambio a vida no barrio da Torre en Paramos. Hoxe Salvador García, presidente da Asociación de afectados, fixo un balance deste ano e dos actos previstos para esta tarde.

Este sábado e domingo Tui acolle a fase final do concurso “Matemáticas na raia” organizado pola Asociación Galega de Profesores de Matemáticas, AGAPEMA, e a Asociación de Profesores de matemática de Portugal, APM. Participarán 43 alumnos e alumnas de 9º da Escola Básica de Aroes de Santa Cristina de Portugal e de 3º da ESO do IES Nº1 de Ordes.

Enrique Cabaleiro, candidato á alcaldía de Tui, polo Partido Socialista foi entrevistado esta mañá na nosa sintonía na quenda de conversas que estamos a manter cos nº1 dos partidos políticos que se presentan a estes comicios en Tui.