Día a Día

Experiencias Blue Ways é o título do programa de actividades entorno ao río Miño que se vai desenvolver no Parque de Nosa Señora da Cabeça en Valença do 16 ao 28 de xullo. Serán gratuítas e non será precisa inscrición previa. Haberá paseos en bicicleta, kaiak, barco, paddleboard... Así nolo contaron hoxe José Monte, vereador de Desporto de Valença, e Guti Martín de Sherpa Project.

Esta fin de semana celébrase no Rosal a XVII Feira do Viño que contará como pregoeira con Almudena Alberca, a primeira Master of Wine española. O acto inaugural correrá a cargo da alcaldesa e do conselleiro do Medio Rural, e numerosas autoridades confirmaron xa presenza. Presentarase a Confraría de Cabaqueiros do Viño do Rosal que nomeará aos seus primeiros confrades. Da feira falamos hoxe coa alc...

Este xoves ás 23 h na Guarda, dentro da programación do Encontro de Embarcacións Tradicionais o cantautor guardés Tino Baz presenta en concerto o seu novo traballo "Se cantan es tí que cantas". Hoxe presentounolo no programa Día a Día.

A Comunidade de Montes de Areas organiza para este sábado, 13 de xullo, a Andaina Nocturna coa lúa chea. Sairá ás 23h dende o Centro Cultural de Areas, para realizar un percorrido dunha hora polo monte veciñal. Ao remate os participantes gozarán dunha chocolatada con rosca. Forma parte do programa Verán no Monte.

Está en marcha a programación de verán do Concello de Salceda que arrancou coa Feira Medieval e o Entroido de Verán. Mañá haberá cinema ao aire libre como explicaba o concelleiro de Cultura, Alex Rodríguez, quen avanzaba tamén os pratos fortes desta proposta.

José Manuel Quintana, un home vinculado ao Tyde en moi diversos ámbitos, destacou hoxe na nosa sintonía o éxito do equipo que vén de ascender á Primeira Rexional. Trátase, explicaba, do éxito de toda unha xeración de xogadores nados na canteira do club que foi progresando ano a ano, e que a próxima temporada xogará en Primeira.

A Asociación San Telmo coa colaboración do Concello de Tui organiza dous eventos esta fin de semana. Mañá ás 20.30h no Pórtico da Catedral celébrase o V Concurso de Gaita e Tamboril, e o domingo ás 20.30 h no Paseo da Corredoira o VI Día da Muiñeira. O sábado no certame renderase homenaxe ao gaiteiro tomiñés Manuel Fernández. Hoxe falamos con el e tamén con Conchi Sales e Verónica Morais da Asocia...

120 judocas de Portugal e Galicia van participar mañá no pavillón municipal de Valença no V Open de Judo Eurocidade dende ás tres da tarde hora española. Déronnos os detalles Argentina Sousa , presidenta, e Rui Ferreira, adestrador do JuValença

Esta fin de semana celébrase o 1º Clinic Internacional de Entrenadores de Baloncesto Eurocidade Tui-Valença nos pavillóns municipais de Tui e Valença- Trátase dunha iniciativa da Asociación de Viana do Castelo e do CB Tui á que se sumaron a Eurocidade e a Federación Galega de Baloncesto.

A fronte das áreas de Ensino e Cultura no goberno municipal de Tui está Sonsoles Vicente Solla, quen hoxe indicou que está emocionada e ilusionada nesta etapa coma concelleira. Hoxe deu conta dos obxectivos que plantexa nestes dous departamentos.

Alberto Magno Pereira de Castro presentará este sábado ás 16 hora española na Biblioteca Municipal de Valença o seu 18º libro titulado “Páginas Soltas de História de Valença do Minho. As instituçoes, as pessoas e os lugares”. No mesmo compila parte dos artigos publicados con carácter quincenal no Valenciano, e nos que aborda a historia de Valença. Así nolo explicaba esta mañá.

Estase a celebrar en Tui o Campus de Fúbol Sala Toñin Martín coa participación de máis dun centenar de nenos e nenas. Contáronnos como se están a desenvolver Toñin Martin e Xacobe morais.

José Ramón Magán é o concelleiro de Persoal, Seguridade e Protección Civil. Repite ao fronte destas áreas que xa dirixiu en 2015. Hoxe contonounos as prioridades que fixa para estes 4 anos.

5 Special é o nome da empresa especializada en roupa e accesorios de motos Vintage dos tudenses Lucía e Alberto Vázquez. Tras dous anos no mercado con deseño e fabricación dos seus produtos hoxe nos contaron en qué momento están. Veñen de estar nun evento de referencia en Francia, onde presentaron a súas creacións.

Rafael Estévez é o concelleiro de Deportes e Medio Rural do concello de Tui. Hoxe falamos con el no programa Día a Día, destas dúas áreas, dos obxectivos e prioridades.

O CD Caldelas realiza este sábado unhas Xornadas de Portas Abertas para dar a coñecer a actividade que realizarán de cara a próxima temporada, na que van incorporar un equipo de xuvenís. Contan xa con 120 nenos no club e buscan novas incorporacións coma explicaba o coordinador Ismael Rodríguez.

O alcalde de Tui, Enrique Cabaleiro, salientaba hoxe que a remodelación da Avenida de Portugal, dará cumprimento a unha vella demanda da cidade, e será a antesala do inicio das humanizacións que o goberno municipal proxecta no entramado urbano, onde os peóns serán a prioridade. O proxecto contempla a eliminación de aparcamentos nunha das beirarrúas da avenida. O alcalde explicaba que están en cont...

Este sábado e domingo celébrase o Encontro Intercultural Luso Galaico dos pobos da raia do río Miño no Parque de Merendas de Friestras, en Valença, no que van participar os veciños de Fiestras, Caldelas, Verdoejo, Paramos, Ganfei e Guillarei. Hoxe coñecemos os obxectivos e o programa previsto.

Hoxe o alumnado do IES Indalecio Pérez Tizón falounos da súa experiencia no Programa Erasmus +. Estiveron traballando en Italia e Portugal tras completar a súa formación no instituto. Xosé Manoel Álvarez, vicedirector do IES Indalecio Pérez, viu acompañado de Estefanía Lago, Cristina Míguez, Miguel das Dores e Hanns Heironimus.

A falla de persoal municipal e a situación dos orzamentos, esgotados en moitas partidas, son dúas das cuestións ás que se referiu hoxe Yolanda Rodríguez, concelleira de Urbanismo, Facenda e Parques e Xardíns, na nosa sintonía.

A Guarda celebra esta fin de semana a XXIX Festa da Lagosta e da Cociña Mariñeira da Guarda. A concelleira de Turismo guardesa Bea Lomba, explicounos os detalles desta cita gastronómica na que haberá amais da lagosta outros 20 pratos. O pregoeiro deste ano será Moncho Borrajo. O sábado actuará Luís Zahera, tamén haberá serán mariñeiro, actividades infantís...

O Club Náutico San Telmo organiza a I Semana Náutica a Vela Eurocidade Tui-Valença que se vai celebrar do 15 ao 26 de xullo. Consistirá nun curso de vela para rapaces e rapazas de 8 a 14 anos que se impartirá de luns a venres de 10 a 13.30 h. O prezo do curso é de 50€ no que se inclúe a licenza, monitores, seguro, camiseta e gorra. Os interesados poden inscribirse no 670 50 84 99 ou no 657 878 716

O Pavillón da Carballa en Tomiño acolle este sábado o Festival Solidario da Asociación Vontade. A partir das 5 da tarde terá lugar unha masterclass de zumba co instrutor Vladimir e ademais haberá outros invitados como o guitarrista flamenco Salito, Zumba Stars, o grupo de baile Xamaraina e o Grupo de Gaitas Treboada Baixo Miño.

Mañá celébrase a segunda Festa Agro LGTBI, organizada polo voluntariado da oficina de Información Xuvenil, que pretende con dar visibilidade ó colectivo LGTBI no entorno rural. A festa será no Mercado de Tomiño e dará comezo ás 11.30h cunha sesión vermú. Haberá ademais unha charla, talleres infantís, espectáculos e concertos.

Bodegas la Val fixo entrega esta mañá dun cheque solidario á Asociación Aspanaex co importe da comercialización de 200 botellas resultado dunha xornada de vendima dos membros da asociación que tivo lugar o pasado mes de setembro. O recadado irá destinado ó proxecto “Axúdanos a construír un soño”, para a construción dunha unha residencia.