Día a Día

Dende hoxe e até o domingo a Asociación Cultural Santa Columba de Ribadelouro celebra o seu Festival de Verán no campo da festa. Hoxe será coa noite de playbacks e baile moderno, mañá con música e baile tradicional e o domingo cunha tarde de festa. Así nolo contaron Natividad Romero e Ana Valcárcel da AC Santa Columba.

A colección homenaxe á revista Hola polo seu 75 aniversario, xunto a deseño relacionados coa música e sorpresas de Agatha Ruíz de la Prada serán os que poderemos ver esta noite na pasarela na que se converterá a Vella Ponte Internacional co gallo do Fashion Brigde que presenta o IKFEM. Así nolo explicaba Cristina Palomares de Ágatha Ruíz de la Prada. O desfile comezará ás 21 h e o acceso ao públic...

Este sábado, 20 de xullo, ás 19 h celébrase no torreiro de Malvas o VI Festival Arume de Malvas. Participarán as bandas de Gaitas Arume de Malvas e O Mosteiro de Pexegueiro e o grupo folk Fol-K de Coiro como hoxe nos explicaban Aurelio Bargiela e Diego Alonso.

As corais "O Son dos Cantares" e "Son de Acacias" ofrecerán esta tarde un concerto benéfico no claustro do Seminario Menor de Tui. Forma parte do programa do IKFEM 2019 e do actos do 60º aniversario do Seminario.

Cunha visita nocturna á Cabeciña este sábado comezan as visitas guiadas á Costa dos Castros en Oia, organizadas pola asociación do mesmo nome. Os martes haberá visitas ao Arrabal e os xoves como novidade á Chavella e A Valga. Patricia Múñoz é a coordinadora de Costa dos Castros.

Ás 22 h o IKFEM presenta na Catedral de Tui a La Ritirata en Concerto. Daniel Oyarzábal abrirá o concerto interpretando a Buxtehude e Bach no órgano barróco do templo Catedralicio. E logo xunto a Josetxu Obregón e Tamar Lalo farán un trío con clave para tocar a Telemann e Bach.

Andrea González, directora do IKFEM, fixo hoxe balanzo positivo na nosa sintonía dos Concertos no río Miño que se celebraron coma preámbulo do festival. Convidou á inauguración oficial do IKFEM 2019, que terá lugar esta noite no Teatro Municipal, e deunos os detalles prácticos para acudir ao desfile Fashion Brigde previsto para este venres, ás 21 h, na vella Ponte Internacional.

O festival IKFEM arranca oficialmente ás dez desta noite no Teatro Municipal de Tui co espectáculo A viaxe de José do Campo da man de O Fiadeira e a ESADG. A entrada ten un prezo de 5 euros, 4 con desconto, e se poden retirar dende ás 21h no despacho de billetes. Rafa Crespo, director de O Fiadeiro, falounos do espectáculo.

O Concello da Guarda, a través da Concellería de Turismo, ofrece dúas visitas guiadas até o 15 de setembro. Teñen carácter gratuíto e sairán ás 12h da Oficina de Turismo na praza do Reló. Terán unha duración aproximada dunha hora. Os mércores celebrarase a visita “Prazas antigas e novas” e os xoves a visita “Castelo de Santa Cruz”. Falounos das mesmas a concelleira de Turismo, Beatriz Lomba.

Estase a celebrar o 2º Campus Urbano do Club Baloncesto Tui que dende comezos de mes ofrece diversas actividades deportivas, de lecer, excursións... Hoxe comezou a segunda quenda, para a que quedan prazas vacantes. Hoxe falamos do campus con María González, coordinadora das actividades acutáticas, Carla Vicente, adestradora de baloncesto, e Sonia Santos, directiva do CB Tui.

Ás 21 h na Fortaleza de Valença Concerto a cargo “Mineus Dúo” formado polo tenor Jorge Prego e o pianista Miguel Campinho. O concerto titúlase “Cruzandoo Miño: cancións de Galicia e Portugal”.Hoxe falamos con eles. Este evento forma parte da programación de "Concertos no río Miño" do IKFEM

Dentro do circuito de Andainas Saudables da Eurocidade Tui-Valença este sábado realizarase a Andaina Nocturna do Monte Faro ao Aloia. Será menos de 19 quilómetros de percorrido, como hoxe explicaba José Martínez Tato do club Andatui. O punto de partida será o Monte Aloia á 23.30 h onde os participantes deixarán os seus vehículos para ir en autobús até Valença, onde comezará a andaina no Monte Faro...

Este venres ACITUI, a Asociación de Comerciantes e Industriais de Tui, celebra a Noite Aberta coa participación dunha véntena de locais. Tamén haberá distintas actividades de animación. E os que realicen as súas compras de 20 a 23 h entrarán no sorteo dun vale de 150€ para mercar no comercio local.

Davide Salvado presenta hoxe ás 21 h na rúa Olímpicos Tudenses fronte ao Centro Interfederado o seu espectáculo "Amarelo". Farao xunto a Pedro Pascual e Pablo Pascual. Este evento musical chega a Tui dentro dos Concertos do Miño do IKFEM.

Esta tarde, ás 20 h, comezan as visitas guiadas ao conxunto histórico de Tui centradas este anos na xudería. Realizaranse durante o verán cada venres, sábado e domingo ás 20 h con saída dende a praza de San Fernando. Faláronnos das mesmas Laureano Alonso, concelleiro de Turismo, e Suso Vila, historiador que guiará os percorridos.

Esta fin de semana celébranse en Baldráns as Festas na honra ao Santísimo Cristo da Agonía que comezarán mañá ás 20 h coa XXVI Romaría do Polbo á Feira onde a tapa terá un prezo de 10€. O pregón correrá a cargo do alcalde, Enrique Cabaleiro. Non faltarán as verbenas e os actos relixiosos até o luns como explicaba a presidenta Rosana Rodríguez.

Por vez primeira na historia do motor un tramo dun rallie transcorrerá por uns viñedos privados. Será mañá nun dos tramos do Rallie Sur do Condado que pasará polos viñedos de Marqués de Vizhoja. Así nolo contou Cris Márquez, explicando que haberá espazos habilitados para que o público poida disfrutar do rallié na súa adega.

Esta fin de semana celébrase o Rallie Sur do Condado, que este sábado poderás seguir en directo na nosa sintonía. Hoxe coñecemos todos os detalles dos tramos e as recomendacións para o público seu director de carreira Nacho Dávila.

O Liceo Casino de Tui programou para o sábado 20 de xullo unha festa de verán aberta ao público en xeral, e traballa xa nunha oferta de actividades para a próxima temporada. Así nolo contaron hoxe Lola Soto, presidenta, e Arancha Giráldez.

O IKFEM tende ponte musicais entre Galicia e Portugal. Dende hai sete ano faino entre Tui e Valença, e neste 2019 tamén entre Tomiño e Cerveira. A música de instrumentos de tecla soará dende este domingo 14 até o domingo 21. Pero tamén haberá outras actividades coma cinema, mesas redondas, obradoiros,...e un desfile de moda na vella Ponte Internacional.

Este domingo comeza a IV Aula Internacional de Saxofón organizada polo Conservatorio Profesional de Música de Tui. Unha véntena de persoas participarán nas clases previstas a cargo de Xosé Luis Miguélez, Rafael Yebra e Kyle Horch. Cada noite haberá concertos na praza de San Fernando, na igrexa de San Domingos e no Palco da Música na Corredoira.

Hai 26 anos que comezou a celebrarse o Encontro de Embarcacións Tradicionais que este ano recala na Guarda da man de Culturmar. O seu presidente, Manuel García Sendón, explicaba hoxe o singular da edición que hoxe comeza na vila guardesa.

A Guarda vive dende hoxe e ata o domingo o XIV Encontro de Embarcacións tradicionais, onde precisamente este barcos, fondeados xa no porto, son os grandes protagonistas. Está previsto un amplo programa de actividades con concertos, presentación de publicacións, visitas guiadas... O pobo está engalado para a ocasión con elementos mariñeiros. Así nolo contou Joaquín Cadilla, presidente de O Piueiro.

Hai menos dun mes que Ana Mª Núñez Álvarez está ao fronte de Emprego, Formación, Igualdade e Xuventude, Comercio e Mercadono Concello de Tui. Hoxe contounos cales son os obxectivos e prioridades en cada un destes departamentos.

Mistura Vocal participará no Gran Premio Nacional de Coros logo de gañar esta fin de semana o Certame da Canción Mariñeira en San Vicente de la Barquera. Tamén levaron o premio do público. Hoxe Aloia Martínez, directora do coro, e Rami García, un dos integrantes, contáronnos a experiencia vivida na fin de semana.