Día a Día

A firma Somos Océano, metade tudense metade viguesa, remata o ano con novidades coma o deseño dunha nova caixa para os seus produtos e con novos plans para o 2020 coma a incorporación dunha nova deseñadora de Tui. Así nolo explicaron hoxe Ana Carpinteiro e Fran García. A piques de rematar o 2019 fan un balanzo positivo para a firma

Ludoteca, o Concerto de panxoliñas, tardes de xogos, barferencia ou a pista de xeo son algunhas da actividades na Guarda para o Nadal. Hoxe falamos delas coa concelleira de Cultura, Montserrat Magallanes. Tamén damos conta da iluminación e da decoración mariñeira que realizaron once asociacións.

Dende este xoves até o próximo 5 de xaneiro, as persoas que compren nos comercios asociados de Acitui, entrarán nun sorteo de 10 vales de 50 €. A compra mínima é de 10 €. Esta é a campaña de Nadal posta en marcha por Acitui que, aposta pola compra no comercio local.

Hoxe remata a exposición “Dereitos Humanos e Diversidade Afectivo-Sexual e de Xéneros”, na Casa dos Alonso, na Guarda. Unha mostra organizada polo Colectivo LGTBIQ+ Trans Miño, coa colaboración do concello da Guarda, Amnistía Internacional e a Federación Andaluza ARCO IRIS. Xorde co 70 aniversario da Declaración dos Dereitos Humanos para reflexionar e tomar conciencia sobre a homofobia, fobia e tr...

Música, deporte, obradoiros, actividades no Mercado, a Cabalgata de Reis...son parte das propostas que figuran na programación de Nadal do Concello de Tomiño. Hoxe falamos desta oferta festiva coa súa alcaldesa, Sandra González.

O "Conto de Nadal" de Charles Dickens, chega este sábado (21h) e o domingo (19h) ao Teatro Municipal de Tui. Faino da man da Escola de Danza Paula Cobián e do coro Mistura Vocal con Alfredo Rodríguez no papel de Scrooge nun espectaculo innovador e arriscado. Hoxe coñecemos todos os detalles.

Este mércores presentouse a cuarta edición do Calendario competencial do 2020 para Infantil e Primaria: “Aprendizaxes para a vida”. A orientadora e mestra Teresa Domínguez do CRA de Tui, foi e encargada de coordinar o proxecto. Este ano, doces mestras dos concellos da provincia ilustran o almanaque. De tui, a mestra representada é Clara Torres.

Dous autobuses sairán do Baixo Miño o luns cara o Parlamento Galego, en Santiago. O motivo é a concentración organizada polo Movemento Galego pola defensa das Pensións Públicas, Modepem. As persoas interesadas en acudir poden anotarse nos teléfonos 609 136 959 e 647 236 788.

Xoán Coya, Hugo Vicente, Beltrán García e Yago Souto son catro dos cinco alumnos do IES San Paio de Tui que, participaron a pasada fin de semana no Campionato Escolar de España de Orientación a pé. Unha competición celebrada en Hervás, Cáceres.

A corporación municipal da Guarda emitiu onte un comunicado conxunto no que esixe da Consellería de Sanidade unha solución aos problemas que a sanidade pública está ter na vila coa falla de cobertura de prazas vacantes dos facultativos no Centro de Saúde. Falamos co alcalde da Guarda, Antonio Lomba, desta situación.

O aceite de Altos de Torona, en Tomiño vén de recibir o selo que garante a súa elaboración con olivas exclusivamente galegas. Deste aceite, do Brut espumoso e do albariño falamos con José Torres, o director de Altos de Torona. Contounos a produción e elaboración dos produtos desta adega.

Este sábado, 14 de decembro, celébrase ás 21h na Sala de Exposicións da Área Panorámica o Desfile de Moda Solidario organizado por ACITUI. . Haberá moda infantil e complementos para nenos, moda en tallas grandes, moda xoven, roupa de películas e videoxogos manga, pixamas e batas, roupa deportiva, e por último vestidos de noiva e cerimonia. A entrada será un quilo de alimentos para SOS Tomiño Baixo...

Manuel Ángel Álvarez, é o novo presidente do Club Remo do Miño, na asamblea celebrada a comezos de mes. Manuel Ángel Álvarez ocupaba até o de agora o cargo de vicepresidente nun club ao que está ligado dende 1975. Hoxe falamos con el desta nova etapa que inicia ao fronte do Remo do Miño.

O Torneo de Nadal, Deputación Pontevedra organizado polo Club Bádminton de Tui celebrarase o próximo venres 20 de decembro. Será no Pavillón do IES San Paio en horario de tarde, de 16 a 21 h. Un torneo de carácter solidario, xa que os participantes deben levar o día da competición un quilo de comida, a favor de SOS Tomiño Baixo Miño. Haberá catro categorías: Sub11, Sub15, Absoluto e Recreativo. As...

Dispoñible o calendario solidario da Asociación de afectados do síndrome de deleción 1p36. Os nenos e nenas da asociación posando xunto a varios famosos, son os que ilustran o calendario do 2020 Silvia Jato, Alex Ubago ou Luis Zahera colaboraran neste proxecto solidario que, ten coma obxectivo dar visibilidade ao síndrome de deleción 1p36.

Hoxe sorteáronse os 5 vales de 100 euros de Acitui. Ademais, o próximo sábado 14 ás 21 h, a sala de exposicións no edificio da Área Panorámica, acolle o desfile de Acitui.

Com so 21 anos, o cetreiro tudense José Gregores 21 é o campion na modalidade de Baixo voo Harris. Xunto con "Simba", a súa aguia, participan esta fin de semana no campionato de cetrería, en Sevilla.

Este xoves ás 19 h será inaugurado o Mercado Sustentable de Nadal no Paseo da Corredoira de Tui. Até o domingo 40 postos ofrecerán produtos vinculados ao Nadal dende decoración, artesanía, agasallos, gastronomía... Haberá tamén unha ludoteca e distintas actuacións musicais e un obradoiro de menú de Nadal

Ana Comesaña é a primeira muller en dirixir a Joven Orquesta Nacional De España. O Instituto Nacional das Artes Escénicas e da Música ven de nomear á violinista que substitúe a José Luis Turina. Incorporase o próximo 1 de marzo.

Este venres, sábado e domingo celébrase o rastrillo solidario en Tui a favor do albergue de San Vicente de Paúl. As persoas interesadas poden achegarse en horario de 11 a 14 h e de 17 a 20 h até o antigo Colexio da Milagrosa, fronte á Catedral.

O sexto Trofeo de Baile Deportivo Eurocidade celébrase mañá sábado no Pavillón Municipal de Valença. As portas abriranse ás 11 h e a entrada ten un prezo de 7 euros. O campionato é a 5º proba do circuíto Galicia-Norte de Portugal. Ademais é puntuable para o ranking da Federación Española de Baile Deportivo.

Caimáns, esquíos ou coenllos son as miniaturas agochadas no Belén artesanal de 15 m² que, Mingos Méndez e a súa muller, realizan cada Nadal.

Este domingo comeza a programación de Nadal "Tui, o Camiño de Nadal, o camiño natural" organizada polo Concello de Tui. A concelleira de Cultura e Ensino, Sonsoles Vicente, explicaba hoxe queo obxectivo desta programación e as novidades que presenta coma a decoración sostible e interactuva que haberá en distintas rúas.

A corporación municipal de Tui aprobou onte por unanimidade a concesión de 662 mil euros en axudas a 12 afectados de Paramos para a reconstrución das súas vivendas na zona cero, ao abeiro da ordenanza municipal. A concelleira de Facenda, Yolanda Rodríguez, explicaba hoxe a tramitación realizada nestas axudas, que serán agora notificadas aos interesados e antes de final de ano serán aboadas.

Acitui Asociación de Comerciantes e industriais Tui celebra mañá o Black Friday con descontos e cunha novidade: repartirán unhas rifas para o sorteo de 5 vales de 100 euros. O sorteo realizarase o próximo mércores 4 de decembro ás 11 h , na Radio Municipal. Unha iniciativa para #promocionar o comercio local.