Día a Día

A Xunta de Galicia vén de aprobar o Plan Reitor para o Monte Aloia. O instrumento de ordenación específico que detalla os obxectivos e criterios para xestionar os aproveitamentos públicos e privados do Monte. Belén do Campo, a directora xeral de Patrimonio Natural explica as actuacións que, contarán cun orzamento de 200 euros durante os dous primeiros anos.

Graves, son os datos da pobreza en Galicia onde as mulleres e, concretamente as maiores de 65 anos, son o colectivo máis afectado. Xosé Cuns, o director da Rede Galega contra a Pobreza achéganos máis datos sobre a soidade das persoas maiores, as pensións de viuvez e tamén da pobreza infantil.

Cáritas Diocesana de Tui- Vigo, cumpriu 50 anos, un aniversario que celebrou con diversos actos que culminaron onte coa clausura dos mesmos coa entrega de recoñecementos. Precisamente entre os recoñecementos outorgados está o entregado ao Concello de Tui, e recollido polo alcalde, Enrique Cabaleiro, e ás Voluntarias da Caridade de San Vicente de Paúl de Tui que foi recollido por Maribel Solla. Fal...

Do 26 de decembro ao 5 de xaneiro Piño Gómez, presidente de Conrazones, realizou unha viaxe solidaria a Marrocos na que repartiu diferente material coma mantas , deportivas e balóns. Hoxe falounos desta experiencia que leva a cabo por cuarto ano consecutivo e volverá realizar en abril.

O Concello da Guarda leva aos tribunais á Xunta pola denegación da subvención para a contratación dun socorrista. Toman a decisión tras completar a vía administrativa logo de que a Xunta desestimara o recurso contencioso-administrativo. Uns feitos que se remontan a maio de 2019 cando o Concello solicitou dita subvención. O alcalde da Guarda Antonio Lomba, detallaba os problemas que teñen os Concel...

Sabíades que unha estrela orixinou a viaxe máis grande de tres sabios magos? Esta é a historia de Melchor, Gaspar e Baltasar.

Varias novidades presenta este ano a Cabalgata de Reis de Tomiño coma explicaba a concelleira de Cultura Ana Fernández. O percorrido iniciarase ás 17 h no cruce do Supermercado Día para rematar na praza do Seixo. A comparsa Luces, Revolución Show e Virxe do Alivio confeccionaron as carrozas reais, e coma novidade os nenos que acudan a saudar aos nenos recibirán coma agasallo un xoguete de madeira....

Dende a Praza da Devesa até a Praza do Concello irá a Cabalgata de Reis en Salceda de Caselas. Melchor, Gaspar e Baltasar terán na súa comitiva a participación de sete asociacións da vila segundo avanzou a alcaldesa de Salceda, Loli Castiñeira.

Dende o Centro Cultural partirá o domingo ás 18 h a Cabalgata de Reis da Guarda que rematará na Casa dos Alonso onde haberá a recepción real. Melchor, Gaspar e Baltasar irán en tres carrozas realizadas por La Fiesta Escénica, e contarán coa acompañamento de distintas asociacións da vila coma explicou a concelleira de Cultura da Guarda, Montserrat Magallanes. Esta tarde os Magos de Oriente visitará...

Os Reis Magos sairán este domingo ás 11 h dende A Portela para realizar un percorrido, en dúas carrozas, por todo o municipio de Oia. Ás 17 h estará no CPI Manuel Garcés e ás 19.15 h rematarán no Centro Cultural de Mougás. A alcaldesa de Oia, Cristina Correa, deunos todos os detalles do percorrido real.

Cantos de Reis, xogos populares, chocolatada… son parte das actividades do Concello do Rosal para darlles a Benvida a Melchor, Gaspar e Baltasar, que percorrerán os barrios do concello este domingo.

O IKFEM está nominado aos Iberian Festival Awards 2020. Até o martes 7 está aberta a votación on-line o fallo do xurado darase a coñecer o 14 de marzo. Andrea González, directora do IKFEM amosou hoxe a súa satisfacción por esta nominación, Amais falounos da gravación que en marzo realizará con Warner Music da obra de Rosendo Salvado. E avanzou a viaxe que xunto co Seminario Menor van organizar a N...

Descubre como se celebra o Fin de Ano en EEUU, Brasil, Londres, Dinamarca, Rusia, Sudáfrica e China, con Yolanda Vázquez.

O Concerto de Fin de ano celébrase ás 21 h no Teatro Municipal de Tui e participan a Banda de Música Popular de Tui e as corais do Centro Sociocomunitario, Ponte das Febres e San Telmo. Abordamos este tema coa concelleira de Cultura, Sonsoles Vicente e a Cabalgata de Reis do próximo 5 de xaneiro.

Ás 21h no Teatro Municipal de Tui celebrarase o Concerto de Fin de Ano. Correrá a cargo de catro agrupacións tudenses: a Banda de Música Popular de Tui e as corais do Centro Sociocomunitario, Ponte das Febres e San Telmo. No repertorio primarán as panxoliñas e as composicións da familia Strauss. As entradas poranse á venda dende ás 19.30 h no despacho de billetes aos prezos de 5 € e 3 €.

Nova Iorque, Sucre en Bolivia, Bos Aires, Liverpool e Messina en Italia son os lugares que percorremos para coñecer como se celebra o Nadal no Mundo. É unha reportaxe de Yolanda Vázquez

O número 00083 vendido en Pony Express Saloon é o gañador da cesta de Nadal de Acitui. O sorteo realizouse esta mañá, aquí na radio municipal de Tui. Ademais,pódese cobrar a papeleta da Loteria de Nadal de Acitui. As persoas poden acudir a súa sede sede, na primeira planta do edificio Área Panorámica.

O temporal que aconteceu no Baixo Miño estes últimos días, desbordou o caudal do río Miño. Hoxe abordamos este tema con Fernando Ferreira, o presidente da Asociación de pescadores do río Miño. Tamén damos conta dos problemas que teñen os pescadores á hora de renovar a licencia de pesca.

A Igrexa de San Francisco acolle mañá ás oito da tarde o cuarto Concerto de Panxoliñas no que van participar as tres corais tudenses, a San Telmo, a do Centrosociocomunitario e a da Ponte das Febres de Ribadelouro. Tamén actuará o grupo Lirolai do Rosal. Falamos deste evento con Teresa Prieto, Ricardo Martínez, David González e Helena Ucha. Tamén falaron do concerto solidario previsto para a próxi...

O Rosal conta cunha ampla programación para este Nadal. Visita da Apalpadora, espectáculos musicais e concertos son algunhas das actividades programadas para estas datas. Concretamos máis detalles coa súa concelleira de Cultura, Sara Vicente.

O pórtico da Catedral, o retablo da Expectación no templo catedralicio ou o da Batalla de Lepanto na igrexa de San Domingos son algúns dos elementos do patrimonio tudense que recollen referenciaa do Nadal. Mañá ás 17 h sairá da praza de San Fernando unha visita por este patrimonio dentro da programación "Tui, o Camiño do Nadal, o camiño natural".

Un obradoiro de cociña de Nadal para os cativos, a presentación dun libro de Xoan Martínez Tamuxe e un Concerto de Panxoliñas forman parte da programación de Nadal do Concello de Oia. Abordamos hoxe estas actividades coa alcaldesa, Cristina Correa.

O Miño vén de acadar o nivel más alto da última semana no seu caudal. Así o confirmaba o comandante Naval do Miño, Juan Diaz quen recomendaba moita precaución e evitar a zona do Paseo Fluvial. Na pleamar prevista ao mediodía podería rexistrarse un novo incremento no nivel da auga. Insistía o Comandante Naval na precaución na beira do Miño

Preto dun centenar de participantes daranse cita o próximo sábado no oitavo Trofeo Natación Eurocidade. Será a partir das cinco da tarde hora galega, na Piscina Municipal de Valença. Falamos con Juanjo España do Club Actividades Acuáticas Alto Minho para coñecer máis detalles da competición e dos recentes logros do club.

A oitava Camiñada Solidaria celébrase en Tui este domingo ás dez da mañá. Os participantes sairán do Palco da Música no Paseo da Corredoira e recorrerán nove quilómetros. A inscrición é de balde, só é preciso traer alimentos non perecedoiros que serán doados a SOS Tomiño Baixo Miño.