Día a Día

Eloy Domínguez Serén dirixiu o obradoiro "En primeira persoa" en Play Doc. No mesmo veciños e veciñas de Tui e da contorna achegaron a súa visión audiovisual sobre a actual pandemia. Eloy Dominguez contounos coma foi a experiencia. Tamén falamos con Sofía Dagá, unha das participantes.

Motonáutica Mañá celébrase en Tomiño a última proba do Campionato Galego de Motonáutica coa participación de 7 ou 8 equipos. Marcos Casaleiro e Carlos Estévez, vogais da Federación GAlega de Motonáutica, déronnos todos os detalles da proba .

Valoración moi positiva das dúas primeiras xornadas de Play Doc, a que realizaba hoxe Ángel Sánchez, director do festival xunto a Sara García. Por diante agora unha intensa fin de semana da que tamén nos deu todos os detalles.

Laura Lamontagne e Pico Amperio (Pedro Cuntín) ofrecerán hoxe ás 20.30 h o concerto inaugural de Play Doc. Con eles falamos hoxe deste proxecto musical que presentan esta noite en directo.

Mañá mércores ás 20.30 h comeza oficialmente Play Doc, o Festival Internacional de Documentais de Tui. Hoxe Ángel Sánchez, codirector do festival, contounous coma vai ser o acto de apertura ás 20.30 h no Teatro Municipal. As entradas e a programación completa están accesibles en www.play-doc.com

Unha aula de 3 anos do CEIP nº2 de Tui está confinada logo de que un dos alumnos dera positivo por COVID 19. No centro activouse o protocolo establecido, e fan un chamamento á tranquilidade e responsabilidade. Así o explicaba o director do centro, Luís Ruíz Santos.

A actualidade deste martes, 22 de setembro de 2020, en Noticias 13:30 h

Esta fin de semana celébrase La Icónica no Baixo Miño unha proba que mestura sendeirismo e marcha nórdica. Serafín Martínez, organizador da proba, explicaba que o obxectivo era facer unha actividade diferente entre Tui e A Guarda. O sábado a ruta será polo Camiño da Costa dende Oia á Guarda, e o doming pola senda do Miño da Guarda a Tui. A participación limítase a 100 prazas, e a inscrición pode r...

Protección Civil de Tui organiza unha recollida de plásticos no río Miño dende Caldelas até Areas para o sábado 3 de outubro. O obxectivo é recoller todo o lixo que se atope tanto na beira coma no propio río. Juan Manuel González, presidente da Agrupación de Voluntarios de Protección Civil de Tui explicaba hoxe na nosa sintonía coma xurdiu esta iniciativa.

Con tranquilidade comezou o curso escolar 2020-21 no CRA Mestra Clara Torres, adaptado coma os outros centros educativos ao protocolo covid 19. Falamos deste inicio do curso coa directora do CRA, Teresa Domínguez, a quen tamén preguntamos sobre a postura do centro con respecto á aula de Caldelas.

A previsión de choiva obriga ao Festival Internacional de Documentais de Tui, Play Doc a trasladar a actividade prevista na praza do Pracer ao Teatro Municipal. Nalgúns casos faise un reaxuste horario, e en todas as sesión trasladadas se incrementa o aforo. Explicaba estes cambios Ángel Sánchez. Por outra parte esta tarde porán á venda dous novos horarios para as rutas polo conxunto histórico que...

A praza do Pracer será o escenario inaugural da décimo sexta edición de Play Doc, o festival Internacional de Documentais de Tui. Será o próximo mércores ás 20.30 h. O festival comeza xa hoxe en Filmin. Das primeiras proxección de "A Media Voz" e "Dorothé na vila" falamos hoxe con Ángel Sánchez, codirector, e do apoio do comercio local e do desplegable que editan con Pablo Comesaña, productor.

Noelia Porto de Guláns, Ponteareas, debuta esta noite no concurso Recantos do Luar. Intepreterá dúas cancións, unha en solitario, buscando o seu pase á seguinte fase. É a representante da zona comprendida entre Arbo e A Guarda. Estudou Arte Dramático e toca o requinto na Banda de Guláns. Esta mañá acompañounos no programa Día a Día.

En Tui hai arestora 18 casos positivos por covid-19, e 45 persoas están en corentena por contacto con estes pacientes. Así o confirmou onte o conselleiro de Sanidade ao alcalde de Tui, na reunión telemática que mantiveron. O rexedor tudense insistía no chamamento á responsabilidade.

Ainhoa Arteta ofrecerá un concerto o 7 de outubro no Teatro Municipal de Tui dentro do IKFEM, o Festival de Teclado da Eurocidade Tui-Valença. É a primeira das confirmacións do festival. Andrea González, a directora do IKFEM, daba os detalles do concerto e explicaba coma está a ser a organización do edición deste ano.

Abigail Cohen impartirá esta tarde na aula da UNED, no antigo convento de San Domingo unha charla-obradoiro sobre a repostería Sefardí no marco das Xornadas Europeas da Cultura Xudía que se están a celebrar na Eurocidade Tui-Valença. Hoxe explicounos as características destes postres que desenvolve no seu taller situado agora en Toledo.

Anarela incorpora ás súas sesións de psicoloxía, logopedia, nutricionista o servizo de intérprete de lingua de signos, pero amais ofertará talleres de lingua de signos para nenos, adultos e de conversación. Amais mañá venres o sábado realizarán unhas charlas para pais e nais sobre a ensinanza de lingua de signos en bebés. Nolo contaron hoxe Ana Vila, Nerea Álvarez, e Iria Márquez.

Hoxe preséntase oficialmente Play Doc que comeza o próximo mércores. Falamos con Ángel Sánchez, codirector do festival deste acto e tamén das 9 películas galegas que forman este ano parte da programación.

Ás oito desta tarde o cronista oficial de Tui, Ernesto Iglesias Almeida presenta novos libros da súa autoría. Son “Historia militar de Tui a través dos séculos” e “Os muíños do Concello de Tui”. A presentación estaba prevista a comezos de ano pero tivo que ser aprazada pola pandemia. Hoxe a cita será na Área Panorámica na Sala de Exposicións.

O próximo mércores, 23 de setembro comeza oficialmente Play-Doc. O festival adaptou a súa programación e o seu desenvolvemento á actual situación de pandemia. As entradas para os distintos eventos están xa á venda en www.play-doc.com e dende este venres na plataforma Filmin poderanse ver 40 títulos do festival. Así nolo explicou Ángel Sánchez, codirector de Play Doc.

Un total de 34 casos activos por COVID 19 teñen na actualidade en Valença. Así o confirmaba hoxe o presidente da Cámara, Manuel Lopes. Explicaba que boa parte dos afectados son asintomáticos e están xa controlados. Onte en Portugal entraban en vigor novas medidas pola a contención do coronavirus. Así entre as novidades está a apertura dos comercios ás 11 hora española, ou o peche dos restaurantes...

Un total de 20 mil euros destina o Concello de Tui ás axudas para a compra de material escolar e de comedor. Dende onte e durante vinte días naturais pódense presentar as solicitudes. Van dirixidas ao alumnado de Infantil, Primaria e Secundaria para o curso 2020/21. Explicaba os detalles a concelleira de Ensino, Sonsoles Vicente.

Un total de 22 positivos por COVID-19 rexistra o Centro de Saúde de Tui. Deste total, 14 son de Tui, 7 de Tomiño e 1de Goián. Así nolo confirmou o doutor Santiago Pose, coordinador do Centro de Saúde de Tui.

Novos servizos son os que ofrece dende hai uns días o Punto Limpo de Tui situado en Guillarei. Así conta con contedor específico para a recollida de xeringas e agullas de uso doméstico, que debe ser depositadas polo usuario no propio contedor. A isto súmase un novo contedor para a recollida de radiografías. Así o explicaba hoxe o concelleiro de Medio Ambiente, Ismael Diz.

O ciclista tudense David Fernández Pérez proclamouse esta fin de semana Campión de España Junio no Campionato de España de Enduro en Castejón de Sos. A carreira constou de cinco tramos cronometrados nos que investiu un tempo de 28 minutos e 54 segundos. Esta mañá explicaba que foi unha proba dura.