Día a Día

Unha combinación de poesía, música e imaxe será o concerto que esta noite, ás 21 h, poderemos distrutar en AFundación TV, dentro da programación do IKFEM. Será con Juan José Bustos Pérez, músico multinstrumentista, presentando Versos Versus Virus.

Miguel Abraira, profesor de historia do IES San Paio de Tui, nominado na categoría de Educación Secundaria e Bacharelato á IV edición dos premios Educa Abanca, Mellor docente de España 2020. O 10 de xaneiro do próximo ano 2021 publicaranse as puntuacións obtidas por cada un dos finalistas, obtendo o título de Mellor Docente de España 2020 o profesor que consiga a maior puntuación.

Até este sábado SOS Tomiño Baixo Miño ten en marcha unha campaña de recollida de alimentos a través da súa web www.sostomino.org.ou nos carros situados nos supermercados Froiz de Tui, O Rosal e Tomiño, no Lidl de Areas, e no Día de Tomiño. Falamos da mesma con Pilar Álvarez e Jose Montes de SOS Tomiño Baixo Miño

Eva González, que durante 33 anos foi a delegada de Faro de Vigo en Tui e na comarca do Baixo Miño xubilouse oficilamente o pasado 15 de setembro. Con ela compartirmos esta mañá no programa a Día a Día as vivencias destes tres décadas.

“Cancións do recordo” é o título do concerto que a soprano Ainhoa Arteta ofrecerá ás 21 h no Teatro Municipal xunto ao pianista Javier Carmena. As entradas están esgotadas, e amais de en directo o concerto poderase seguir tamén a través de AFundación TV. Ainhoa Arteta intepretará un repertorio integrado por cancións destacadas nos seus máis de 30 anos de traxectoria artística desenvolvida por todo...

Na rolda de conversas cos grupos políticos presentes na corporación municipal hoxe acompañounos José Ángel Fernández, voceiro do Partido Popular.

Hoxe temos nova cita co IKFEM a través de AFundación TV. Será ás 21 h co concerto Emilio Villalba & Sara Marina titulado “Música Encerrada” Música Encerrada é un concerto para coñecer as obras dalgúns personaxes da nosa historia que produciron arte encerrados entre 4 paredes. É un espectáculo de música, narracións e poesía. Así nolo contaba hoxe Emilio Villalba

O Bar Pancho acolle até finais de mes a II Feira de Melóns e Cabazas da Eurocidade. Na mesma reúnense máis de 1.500 cabazas así nolo explicou hoxe Telmo Alfaya.

O próximo luns, 12 de outubro, ás 19.30 h terá lugar no Paseo da Corredoira un concerto a cargo da Banda de Música Popular de Tui e da Orquestra Malabares. O aforo é limitado e as entradas están accesibles en enterticket.es. Falamos deste evento con Eloy Carrera, director da Banda, e con Sandra Pérez, percusionista.

Na rolda de conversas cos grupos políticos presentes na corporación municipal de Tui, hoxe foi a quenda de Carmen Núñez, voceira do BNG. Con ela falamos esta mañá.

O IKFEM prosegue hoxe coa cuarta xornada da súa oitava edición. A proposta de hoxe é dentro do IKFEM Dixital a través de AFundación TV. Ás 21 h Pablo Lesuit ofrecerá un concerto titulado “A canción coma ferramenta de conexión”. É froito dunha viaxe que iniciou en 2017 e que foi creando de xeito itinerante. Pablo Lesuit é un músico galego multi-instrumentista, cantante e compositor.

Manuel González Vázquez é o voceiro de Ciudadanos na Corporación Municipal de Tui. Con el falamos da situación política na cidade dentro da rolda que estamos a manter cos distintos grupos.

42 persoas voluntarias participarán mañá sábado na recollida de plásticos polo río Miño dende Areas a Caldelas que organiza Protección Civil de Tui. Sairán ás 16 h dende o Club Náutico com explicaba Juan González de Protección Civil.

O grupo de desenvolvemento Eu rural pesentou está mañá a campaña "Parte de tí" coa que vai pór en valor o produto local dos 13 concellos que forman parte deste GRD. A presidenta do GRD e alcaldesa de Tomiño, Sandra González, explicou en qué vai consistir.

En Tui hai tres puntos de compostaxe comunitaria na rúa Compostela, no aparcamento Municipal e na rúa Tenencia. Hoxe con Sara Luque, mestra composteira de Tui, falamos da compostaxe comunitaria, e coñecemos con David Guerao un dos usuarios destes centros de compostaxe.

Erea Blanco Balvís, clave, e Ângela Neto Domingues, violín barroco forman Eutherpe, o dúo que este domingo ás 21 h actuará na igrexa de San Domingos nun concerto no que achegan unha mirada ao barroco dos séculos XVII e XVIII con obras de Telemann, Castello, Corelli e Leclair.

O Quarteto Contratempus será o encargado ás 21h do concerto inuagural do IKFEM no Teatro Municipal de Tui. O grupo está formado por Teresa Nunes, Soprano, Crispim Luz, clarinete, Susana Lima, violonchelo e Brenda Vidal Hermida, piano. Con esta ultima falamos deste concerto.

Dentro da rolda de conversas cos grupos políticos da corporación municipal que comezamos o 1 de outubro hoxe falamos con José Manuel Palacín, voceiro de C21.

As socialistas de Tomiño amosan o seu estupor polo que goberno do BNG se apropiou segundo din a proposta socialista sobre a situación da sanidade no municipio. No pleno o tema non saiu adiante, e para sorpresa dos socialistas, o luns o BNG iniciou unha recollida de sinaturas. Así o explicaba a voceira socialista, Violeta de Santiago.

As instalacións deportivas municipais teñen sido obxecto de distintas obras de mellora. Hoxe o concelleiro de Deportes, Rafael Estévez, explicaba no programa Día a Día os traballos realizados.

Con Laureano Alonso, concelleiro de En Marea e membro do goberno municipal abrimos hoxe unha nova rolda de conversas cos grupos políticos presentes na corporación municipal.

IKFEM, o Festival de Teclado da Eurocidade Tui-Valença, comeza este venres co concerto inaugura no Teatro Municipal de Tui. Unha edición que ofrecerá dez días de actividade na que combinará os concertos presenciais con outros online. Desta edición marcada pola COVID19 falamos hoxe coa directora do IKFEM, Andrea González, e a concelleira de Cultura, Sonsoles Vicente.

Raimundo Martínez "Rai" presenta este xoves, ás 20 h na Sala de Exposicións Municipal no edificio Francisco Sánchez (Área Panorámica) o seu libro “Memorias dun pobo, Santiago de Malvas e as súas xentes (1159-2020)” . Esta actividade forma parte dos actos conmemorativos do 50 aniversario da biblioteca.

73 casos activos por coronavirus rexistra Valença tras rexistrar un brote no centro de día da Cruz Vermella con 16 usuarios e 5 traballadores con covid 19. A situación preocupa ao presidente da Cámara de Valença, quen por outra parte indicaba que os brotes están localizados.

Ás 21.00 h comezará a actividade, Cinema Percorridos, na que vídeo artistas galegos encherán de imaxes en movemento o centro histórico da cidade de Tui. Un roteiro cinematográfico en grupo pola zona monumental de Tui. Esta mañá falamos con Miriam Rodríguez e Adrián Canoura, que presentarán dúas destas cinco propostas no lavadoiro de San Domingos e no cárcere vello.