Día a Día

Tres membros da plantilla da Policía Local de Tui está afectados polo COVID 19 nestes momentos. Así o confirmaba hoxe o inspector xefe Manuel Arca. Un dos axentes que dera positivo hai unhas semanas deu xa negativo nos test, pero outro presentou síntomas. Polo momento en canto a inicio da desescalada dende a Policía Local agardan información concreta sobre as primeiras medidas.

Portugal finalizará o estado de emerxencia este sábado seguindo as medidas de seguridade. Disto falounos Manuel Lopes, o presidente da Cámara Municipal de Valença quen incidiu no proceso lento e seguro que se iniciará no municipio luso. Avanzou amais que o mercado municipal abrirá o próximo mércores.

O Concello da Guarda traballa para iniciar o proceso de recuperación do municipio ante o inicio da desescalada. Así o explicaba o alcalde, Antonio Lomba. O rexedor apelaba, na nosa sintonía, á responsabilidade individual para poder frear os contaxios polo COVID-19 e superar con éxito as catro fases da desescalada.

A corporación municipal de Tomiño celebrará mañá pleno para facer un recoñecemento extraxudicial de créditos, para deste xeito acurtar o pago a proveedores e a achega municipal a distintas subvencións que recibiu o concello, e o importe para o Plan de Reactivación Económica. Outro dos asuntos será a proroga da concesión da empresa de limpeza. Así o explicaba hoxe a alcaldea de Tomño, Sandra Gonzál...

Onte reuniuse no Concello de Tui a Comité de Coordinación desta crise, na que se constatou a ausencia de incidentes salientables, segundo o alcalde, Enrique Cabaleiro Coma consecuencia da actual crise o Concello de Tui está prestando axuda a 60 familias, pero os primeiro cálculos estiman que a cifra podería chegar ata as 300. O Concello de Tui vai preparar tamén a desescalada a nivel municipal.

Continúan as actividades e os xogos nas redes sociais do Concello do Rosal co obxectivo de entreter e informar á veciñanza. Mentres no Concello seguen traballando para reactivar a situación do municipio unha vez finalice o estado de alarma. De todo isto falamos coa alcaldesa, Ánxela Fernández.

A Guarda permitirá dende hoxe o acceso ás praias e a espazos públicos coma o Castelo de Santa Cruz e o parque do Cancelón para o paseo diario dos nenos, lembrando o cumprimento sempre das medidas de seguridade. Por outra o alcalde, Antonio Lomba, enviaba unha mensaxe tranquilizadora sobre os produtos empregados para a desinfección no municipio, sempre con produtos certificados, e seguindo as recom...

O Concello mercou dúas máquinas para a desinfección con ozon de instalacións públicas. Baralla agora mercar máis unidades e outros elementos de protección en edificios públicos e estuda as medidas de acceso a tomar cando comece a desescalada.

A alcaldesa de Tomiño Sandra González apela á responsabilidade da veciñanza para que respecte as normas de seguridade, se a partir do sábado se permite tamén aos adultos saír a pasear ou facer deporte. Continúa o reparto de máscaras para a poboación nos comercios locais.

Co relato “Historia do vello Xoán” o tudense Alfonso Ferreira, membro de Iacobus, é o gañador do concurso de relatos curso “Relatos no Camiño” convocado polo Museo das Peregrinacións co obxectivo de visibilizar o camiño neste momento de confinamento. Hoxe falounos precisamente do seu relato e leunos o final.

Os voluntarios e voluntarias de Protección Civil continúan a realizar diversos traballos no Concello do Rosal. Reparto de alimentos ou material escolar son algúns dos labores que realiza este equipo e que valoraba hoxe a alcaldesa, Ánxela Fernández.

O alcalde da Guarda, Antonio Lomba reunirase hoxe, como cada luns, coa Comisión de Seguimento do COVID-19 para barallar, entre outros asuntos, a posibilidade de permitir pasear ou facer deporte polo Castelo de Santa Cruz e polas praias do municipio, unha vez o estado de alarma permita estas actividades.

A saída dos nenos e nenas á rúa por vez primeira neste Estado de Alarma realizouse onte con normalidade en Salceda. Así o confirmou a alcaldesa, Loli Castiñeira. O pasado xoves comezaron en Salceda tamén a realizarse os test do estudo de prevalencia, que continuarán até o 5 maio. Participarán 125 persoas.

No Concello de Tomiño iníciase hoxe o reparto das 1000 mascarillas de protección no comercio local elaboradas por 20 costureiras voluntarias. Trátase dun traballo conxunto no que tamén participa o Concello, o comercio local a través da Asociación de comerciantes Adeto e Protección Civil. Así o sinalou a alcaldesa, Sandra González quen mostrou o seu apoio ao tecido local para poder reactivar a econ...

O alcalde de Tui, Enrique Cabaleiro, vai manter esta mañá unha reunión telemática cos grupos da oposición. Nos últimos días reuniuse tamén a Mesa de Comercio para avaliar a situación do sector. Por outra parte referiuse á normalidade rexistrada onte no primeiro día permitido de saída dos nenos e nenas.

Hoxe coñecemos a situación neste estado de alarma no Concello de Mos. Fixémolo da man da súa alcaldesa, Nidia Arévalo. Avanzou a nova plataforma "Botemos un pulso" que poñen en en marcha xunto á Axencia de Colocación e AEMOs.

O BOE recolle hoxe as instrucións do Ministerio de Educación e Formación en relación ao presente curso escolar que se está a desenvolver a distancia. Directrices de actuación que daban a coñecer a semana pasada. Disto falamos coa directora do CRA Mestra Clara Torres de Tui, Teresa Domínguez.

Dous axentes da Policía Local seguen dando positivo por COVID e un terceiro agarda os resultados da proba. O primeiro dos axentes afectado por Coronavirus continua no seu domicilio con síntomas mellorando lentamente, mentres os outros dous están asintomáticos. Así o explicaba o inspector xefe da Policía Local de Tui, Manuel Arca. Manuel Arca lembraba as condicións nas que os nenos e nenas poderán...

A empresa Ingamark do tudense José Manuel Caballero realizou unha doazón dunha bobina jumbo de lámina de plástico ao grupo Escudo 19 co que fabricaron máis de 5000 máscaras que foron entregadas na Delegación da Xunta en Vigo para a súa distribución en centros hospitalarios, residencias…. José Manuel Caballero quixo facer unha defensa do plástico incidindo na política da súa empresa baseada nas tre...

Un total de 5 mil máscaras cirúrxicas repartirá o Concello de Salceda entre cidadanía a vindeira semana. Este pedido súmase ás 4.500 máscaras que solicitaron á Xunta de Galicia e que serán distribuídas aos veciños e veciñas respectando as medidas de seguridade. Información que destacou na nosa sintonía a alcaldesa, Loli Castiñeira.

A rexedora rosaleira Ánxela Fernández destacou na nosa sintonía os espazos públicos abertos onde os nenos e nenas poderán pasear, camiñar e xogar dende este domingo, respectando sempre as medidas de seguridade. Apuntou tamén a alcadesa o lanzamento dun novo xogo para os nenos e nenas en #EuQuedoNaCasa.

Comezaron xa no Centro de Saúde de Tui a realizar as primeiras probas ás persoas seleccionadas para realizar un estudio de prevalencia impulsado pola Xunta para coñecer a incidencia do COVID 19. Así o explicaba o doutor Santiago Pose. Trátase dunha proba sinxela que conta con todas as medidas de seguridade.

A alcaldesa de Tomiño, Sandra González definiu a saída á rúa deste domingo dos nenos e nenas como unha oportunidade para pasear e desfrutar da natureza. Informou amais que aproximadamente veciños do municipio participarán no estudo epidemiolóxico da Xunta de Galicia co obxectivo de definir a dimensión do COVID-19.

Este domingo os nenos e nenas menores de 14 anos poderán saír á rúa, acompañados por un adulto, en paseos cortos dunha hora. Unha oportunidade para desfrutar ao aire libre no municipio guardés explicaba hoxe o alcalde Antonio Lomba que lembraba que os parques continúan pechados.

As dúas velocidades no confinamento e na desescalada que poden darse a unha e outra beira do Miño preocupa aos mandatarios dos concellos galegos e portugueses, tanto dende o punto de vista sanitario coma económico. Así o explicaba o alcalde de Tui, Enrique Cabaleiro. Este domingo os nenos e nenas poderán saír da casa cumprindo as condicións establecidas, a como máximo un quilómetro da casa, un máx...