Día a Día

José Manuel Palacín de Converxencia 21 estivo hoxe na nosa sintonía dentro dunha nova rolda de conversas cos grupos da corporación municipal de Tui. Con el abordamos tanto a situación actual derivada do COVID19 coma outros temas de actualidade.

Os veciños de Areas rexeitan a apertura de novas gasolineiras na parroquia. Así o explican en nota de prensa sinalando que catro empresas pretenden abrir outras tantas gasolineiras, o que sumada a que xa existe, faría que fosen un total de cinco as estacións de servizo na mesma parroquia tudense. Juan Carlos Boo, da Asociación de Veciños Monte do Seo, explicaba na nosa sintonía que consideran que...

O alcalde de Tui, Enrique Cabaleiro, xunto ao concelleiro de Servizos Sociais, Ismael Diz, e a traballadora social Carmen González, fixeron hoxe balanzo das actuacións levadas a cabo no concello de Tui durante os dous primeiros meses do Estado de Alarma.

Avanza o proceso de rehabilitación do Teatro Principal de Tui coa redacción do anteproxecto. Un traballo que o Concello de Tui encargou ao arquitecto César Portela, con quen falamos hoxe.

A Asociación de Afectados de Paramos e Guillarei paralizou onte ás máquinas que están a traballar nas obras de reurbanización do barrio da Torre tras coñecer que a catro vivendas non se lles ía conectar o saneamento público nin o abastecemento. Así o explicaba esta mañá Salvador García, presidente da Asociación de Afectados. O próximo 23 de maio cúmprense dous anos da explosión.

Durante o estado de alarma ACITUI ten realizado distintas xestión, informando de axudas, e mantendo contactos con distintos organismo, entre eles o concello de Tui. Así o explicaba hoxe o seu presidente, Juan Carlos Blanco e o vicepresidente, Manuel Santos.

O alcalde de Tui, Enrique Cabaleiro, deu conta hoxe das últimas medidas tomadas polo Concello coma a posibilidade de ampliar as terrazas e exonerar no pago das taxas. Tamén deu conta da axilización do proxecto de peonalización da Corredoira. Fixo un chamamento a non baixar a garda ante o COVID19.

Os veciños e veciñas do Concello de Oia gozan, dende o sábado pasado, da liberdade horaria para pasear ou facer deporte de 6 h a 23 h, ao tratarse dun municipio de menos de cinco mil habitantes. Mentres, a progresiva desescalada vívese no municipio con total normalidade e sen incidencias, segundo explicou a alcaldesa, Cristina Correa.

O Concello da Guarda comezará a prestar servizo presencial, con cita previa, a partir do vindeiro luns, aínda que seguirá primando o teletraballo na medida do posible. Así o comunicou, na nosa sintonía, o alcalde Antonio Lomba. Reabrirá tamén o punto Limpo con cita previa.

A veciñanza das parroquias do Concello de Tomiño poden a pasear ou facer deporte de 6 h a 23 h, por tratarse de núcleos de poboación de menos de 5 mil habitantes. Desta nova modificación comunicada pola Xunta de Galicia, falamos coa alcaldesa, Sandra González quen insitía na necesidade de seguir respectando as medidas de seguridade.

Manuel Arca, inspector xefe da Polícia Local de Tui acláranos as dúbidas máis frecuentes dos veciñas e veciñas á hora de saír ás rúas para facer deporte ou pasear

O Partido Popular de Tomiño votou en contra do expediente de recoñecemento de créditos que a semana pasada foi levado a pleno en Tomiño e aprobado coa maioría do equipo de goberno. Esteban González Miranda, voceiro do PP en Tomiño, explicou na nosa sintonía porque votaron en contra deste expediente.

Cuarentecla Ibérica é un vídeo musical no 40 pianistas españois e portugueses interpretan a rapsodia para orquestra “España” do compositor Emmanuel Chabrier, arranxada para 2 pianos e 8 mans por Camille Chevillard. A directora do IKFEM, Andrea González explicounos como naceu esta iniciativa musical.

O tudense José Leiras xogará a próxima temporada na Liga Asobal co seu equipo o Cisne Los Sauces. A Real Federación de Balonmán deu onte por finalizada a liga, que en División de honra Masculina, estaba moi apretada e aberta, e coa clasificación que había o Cisne vén de ser proclamado campión de Liga e por tanto ascende a próxima temporada. José Leiras, explicaba hoxe que a Liga no momento da susp...

A prevalencia do COVID 19 en Tui e Tomiño está sendo baixa segundo o os test que se están a realizar. Do mesmo xeito o test realizados nas dúas residencias San Telmo e Paz e Ben, teñen sido todos negativos. Así o explicaba o doutor Santiago Pose.

Oia inicia a desescalada coas saídas dos veciños e veciñas ás rúas sen franxas horarias, por ser un municipio de menos de 5 mil habitantes. O que si se debe respectar son as instrucións do goberno central, tal como explicaba a súa alcaldesa Cristina Correa.

A alcaldesa do Rosal, Ánxela Fernández daba conta da normalidade rexistrada nas primeiras saídas dos veciños e veciñas do municipio esta fin de semana. Lembrou tamén que ao tratarse dun municipio de máis de 5 mil habitantes, débense respectar as franxas horarias establecidas para deporte e paseo.

O Concello de Tomiño prevé destinar 30 mil euros ao Plan de Reactivación Económica que buscará consensuar unha serie de medidas co comercio local para paliar a crise económica. Así o explicaba a alcaldesa, Sandra González, quen apelaba á responsabilidade e a prudencia da veciñanza co inicio da fase 0 da desescalada.

Tui traballa nun Plan de Reactivación Económica, do que daba conta o alcalde, Enrique Cabaleiro. Contemplará unha serie de medidas para axudar directa ou indirectamente ás empresas e comercio.

A plataforma “Tui entre todos”, formada por comerciantes tudenses, nace da necesidade de aportar solucións e ideas para afrontar o que será o final do estado de alarma e a nova normalidade no país. Danos máis detalles José Luis Varela, un dos membros.

Uxío Benítez, director do Agrupamento Europeo de Cooperación Territorial do Río Miño, reuniuse esta semana cos dirixentes do territorio miñoto para analizar o impacto do COVID-19 na rexión. Concluíron a necesidade de coordinación na desescalada entre España e Portugal.

O Concello da Guarda eliminará a taxa das terrazas este 2020. Unha medida que aplicarán aos bares, cafeterías e restaurantes, a partir da fase 1 da desescalada. Disto e da reunión que hoxe mantivo cos portavoces municipais falamos co alcalde, Antonio Lomba.

O alcalde de Tui, Enrique Cabaleiro, deu conta do lanzamento hoxe na web municipal da Oficina COVID de asesoramento para PEMEs ,autonómos e traballadores. É unha das medidas acordadas pola corporación para facer fronte á crise. Por outra parte facía un chamamento á prudencia e á responsabilidade municipal ante o inicio da desescalada.

Hoxe ás 19 h a corporación de Tomiño celebra pleno ordinario a porta pechada cun expediente de recoñecemento de créditos para poder pagar facturas pendentes e dispoñer das aportacións económicas municipais para dúas subvencións. Por outra parte Tomiño iniciará un proxecto para reactivar a economía. Así o explicou a alcaldesa, Sandra González.

Das 220 probas do test de prevalencia realizados a pacientes de Tui e Tomiño no Centro de Saúde de Tui só un deu positivo. Así o explicaba hoxe o doutor Santiago Pose, quen lembraba que a proba mide os anticorpos do virus. Por outra parte nestes momentos teñen 27 pacientes positivos por coronavirus.