Día a Día

Mañá volverase celebrar o mercado semanal dos xoves en Tui. Será nun novo emprazamento na zona de Camfran. É un espazo máis amplo que a tradicional ubicación do mercado que permitirá regresar ao 100% dos postos cumprindo as medidas de seguridade. Así o explicaba a concelleira de Comercio e Mercado, Ana Mª Núñez.

O Concello de Tui mantén pechados os parque infantís xa que polo momento non se poden abrir coas garantís sanitarias necesarias. Así o explicaba o alcalde, Enrique Cabaleiro, indicando que están traballando de cara a esa reapertura.

Hoxe abordamos a situación dos traballadores transfronteirizos na actual situación co peche das fronteiras, e documentación que precisan para poder cruzar á outra beira. Falamos con Teresa González Ventín, coordinadora do Eures Transfronteriza, precisamente tamén ela é traballadora transfronteiriza.

A Federación pola Igualdade da provincia de Pontevedra, Femupu organiza as primeiras xornadas xurídicas virtuais, sobre violencia de xénero. Un total de 68 persoas participarán durante 15 días nestas xornadas conducidas por xuristas especializados en violencia de xénero e igualdade. Disto falamos con Kim Llobet e Manuel Varela Rivadulla de Femupu.

A piscina do ximnasio Di Som en Tui pecha a súa actividade. Despois de máis de trinta anos de servizo, a piscina bota o cerre debido á imposibilidade de realizar o servizo na actual realidade post covid-19. Con esta cambio, o ximnasio Di Som acometeu obras de reforma e ampliación que, explicou o seu director Eduardo Méndez Sanjurjo.

Coordinar cunha única voz que defenda o territorio do Miño foi o traballo da AECT Rio Minho na súa loita por reivindicar a apertura de máis pasos, na fronteira entre Galicia e o norte de Portugal. Uxío Benítez o director da AECT consideraba unha victoria para o territorio a reapertura de tres novos pasos na fronteira.

O alcalde de Tui, Enrique Cabaleiro, valoraba hoxe a apertura de tres novos pasos fronteirizos - Tomiño-Cerveira, Salvaterra-Monçao, e Arbo-Melgaço - a partir do luns para traballadores transfronteirizos de luns a venres de 8 a 22 h. Unha noticia agridoce porque dende Tui aspirábase tamén á apertura da vella Ponte Internacional.

AFAGA, a Asociación de Familiares de Enfermos de Alzheímer e outras demencias de Galicia, iniciou hoxe no programa Día a Día un novo espazo semanal. Hoxe o presidente de AFAGA, Juan Carlos Rodríguez, e a psicóloga, Maxi Rodríguez, abordaron as consecuencias do confinamento e da crise derivada da pandemia da COVID19 nas persoas que sofren Alzheimer ou outros problemas.

Hoxe publícanse no BOPPO as bases do programa Reactiva Tui, aínda que o prazo de presentación de solicitudes non comezará até que se publique o extracto das bases. Así o explicaba hoxe a concelleira de Comercio Ana Mª Núñez. Tamén deu conta do inminente lanzamento de É Tui, dos case 130 comercio que forman parte da Guía Comercial, da Oficina COVID19, e do mercado semanal dos xoves.

Este verán non abrirán as piscinas municipais de Tui. Tampouco o farán ás de Arbo, As Neves, Crecente, Mondariz, O Porriño , Salceda de Caselas e Salvaterra de Miño, coma medida preventiva ante a COVID19. Hoxe falamos desta complicada decisión con Rafael Estévez e Edgar Martínez, concelleiros de Deportes de Tui e Salvaterra.

Hoxe coñecemos cómo foi o proceso de gravación de Ligia Elena de Rubén Blades por parte do centenar de alumnos e alumnas da Banda e do Coro do Conservatorio. Este traballo de fin de curso podemos disfrutalo xa on line. Esta mañá falamos con Rubén López, director do CMUS Tui, e Jacobo González, profesor.

Este sábado o río Miño será o escenario da xornada solidaria sendeirismo e kaiak de Verdeazul Aventuras, a favor de SOS Tomiño Baixo Miño. Coñecemos os detalles con Mercedes Martín, xerente de VerdeAzul, e Pilar Álvarez, de SOS Tomiño Baixo Miño.

Recuperar o muíño do Mañoco, o máis antigo do Tripes e un dos máis antigos de Galicia, centra arestora o traballo da Asociación Muiñeiros do río Tripes . Javier Álvarez Rivadulla, membro da asociación, deunos conta desta iniciativa.

O sector turístico galego poderá resolver as dúbidas sobre seguridade sanitaria, no teléfono gratuíto 900 81 53 34 habilitado pola Xunta de Galicia. Desta iniciativa, que forma parte do Plan de reactivación do sector turístico Galego, falamos con Nava Castro, directora de Turismo de Galicia.

Xa hai data para a celebración do Play Doc 2020, o Festival Internacional de Documentais de Tui. Será do 23 ao 27 de setembro. A pandemia da COVID19 obrigou a súa suspensión a finais de abril. Agora adáptanse as novas medidas, coma explicaba o seu codirector Ángel Sánchez.

Unha plaga de termitas afecta dende hai anos ao conxunto histórico de Tui. Por este motivo o Concello de Tui puxo en marcha un plan de erradicación a 5 anos tal e coma explicou hoxe na nosa sintonía o concelleiro de Patrimonio, Laureano Alonso. Solicitan a colaboración cidadá chamando á RMT 986 60 37 47 alertando da presenza de termitas.

Cáritas Diocesana Tui-Vigo é a encargada da recollida de roupa usada, calzado e complementos en Tui a través dos 12 contedores colocados no termo municipal. É así grazas ao acordo acadado entre o Concello e Cáritas. Do mesmo faláronnos o concelleiro de Servizos Sociais e Medio Ambiente, Ismael Diz e o secretario de Cáritas Diocesana Tui. Vigo José Antonio García.

Juan Miguel Diz Guedes anunciou a semana pasada no pleno ordinario a súa renuncia ao cargo de concelleiro na corporación municipal. O voceiro de Ciudadanos explicou hoxe que foi unha decisión, nada doada, que tivo que tomar por responsabilidade.

Continuando coa rolda de conversas cos grupos políticos da corporación de Tui hoxe acompañounos o voceiro do Grupo Popular, José Ángel Fernández. Abordamos entre outros asuntos o aparcamento soterrado, a peonalización da Corredoira e a situación post-COVID-19.

Esta semana empezaron os labores de limpeza para a recuperación dos petróglifos nas Fontiñas de Randufe en Tui. Un traballo que porá en valor o patrimonio histórico tudense e que explicaba, Ramón Martínez, presidente da Comunidade de Montes de Randufe.

Hoxe ás 20.30 h comercio local está convocado a unha reunión virtual a través de Zoom para presentarlles a plataforma comercio É Tui. É unha iniciativa do concello de Tui para impulsar o sector comercial apostando pola dixitalización e a venda on line. Trátase dunha plataforma con identidade propia que permitirá recibir no mesmo día os pedidos que realicemos na mesma. A próxima semana estará xa ac...

Cómo se plantexa a promoción turística e acollida de visitantes neste verán é un dos temas que abordamos hoxe co concelleiro de Patrimonio e Turismo . Tamén tratamos a situación do PEPCHA, o proxecto para a rehabilitación do cárcere vello, e a ampliación do prazo para solicitar as axudas da ARI.

O sábado cumpríronse dous anos da explosión no barrio da Torre, en Paramos. Por este motivo a asociación de Afectados de Paramos e Guillarei tiña previsto un pequeno acto, que non se poido celebrar finalmente. Hoxe coñecemos cal é a situación dos anos despois neste barrio que volve pouco a pouco á vida. Unha conmemoración que, tivo que ser aprazada por no contar coas autorizacións pertinentes xa q...

O Concello de Tui continúa recibindo doazóns de material de protección. Neste caso a Asociación musulmá El Nor doou un total de 500 máscaras de protección FPP2 e, nos próximos días tamén recibirán luvas. Falamos con Abdessamad Cherti Oulhassi, un dos representantes de El Nor.

Dende o decreto do estado da alarma, a única vía que teñen os traballadores fronteirizos do territorio do Miño, para chegar aos seus postos de traballo, é cruzar polo paso Tui-Valença. Uxío Benítez, director da AECT, indícanos por que está situación está resultando insostible. Xunto coas 3 Eurocidades do Miño reclaman abrir máis pasos na fronteira.