Día a Día

O domingo 19 de xullo terá lugar a terceira marcha de sendeirismo popular Ultreia polo Camiño de Santiago, dende Tui a Pontevedra. Unha actividade física e de convivencia para desfrutar do patrimonio galego segundo explicou David Acevedo, un dos organizadores da proba. A inscrición estará aberta até este domingo na plataforma Cronotec.

No tempo de entrevistas que estamos a realizar con motivo das eleccións autonómicas do 12X hoxe falamos con Yolanda Rodríguez, nº14 pola provincia de Pontevedra da candidatura do PSdG-PSOE.

Os primeiros turistas e peregrinos camiñan dende hai uns días polas rúas de Tui. Este ano, debido á COVID19 a máscara e o xel hidroalcohólicos forman parte da equipaxe. Coñecemos cómo estan a ser estes primeiros días de xullo nesta reportaxe de Alba Rodríguez.

Dentro da rolda de conversas con candidatos da comarca das distintas formación políticas que concorren aos comicios deste domingo hoxe falamos con Laureano Alonso, nº8 por Pontevedra de En Marea - Compromiso por Galicia - Partido Galeguista Marea Galeguista.

Xosé Manuel Méndez, é o nº8 da lista por Pontevedra do BNG ás eleccións ao Parlamento Galego que se celebran este domingo, 12 de xullo. Esta mañá falamos con el.

Coñecer o patrimonio histórico - artístico de Tui e da contorna é o obxectivo das visitas guiadas que organiza historiadora de arte, Sara Quintana. Forman parte das actividades culturais que oferta a empresa de xestión cultural, Artexprés.

Dentro da rolda de conversas cos grupos políticos da corporación municipal que iniciamos hai unhas semanas hoxe foi a quenda de Carmen Núñez, voceira do BNG.

Todos os parques do municipio que se encontran en boas condicións de uso volven a abrir hoxe. Fano cunha serie de medidas conforme á normativa en vigor debido á pandemia da COVID19, e publicadas no DOGA. Dos detalles daba conta a concelleira de Parques e Xardíns, Yolanda Rodríguez.

Logo de máis de tres meses do reestablecemento das fronteiras debido á pandemia da Covid-19, esta noite levantáronse as restricción entre España e Portugal. Un momento histórico que comentamos co rexedor tudense Enrique Cabaleiro.

Virtual é a XVIII Feira do Viño do Rosal. Un acto que tivo que readaptarse á nova normalidade e no que participarán as 9 adegas D. O. Rías Baixas da subzona do Rosal. O evento contará coa súa propia páxina web onde seguir a programación.

O novo Centro de Saúde de Salceda é xa unha realidade. Tras 12 anos de loitas e revindicacións, na xornada de onte, iniciaba o seu funcionamento no municipio. Así o lembrou a alcaldesa Loli Castiñeira.

As discotecas e os bares de ocio nocturno poderán volver a abrir, mañá 1 de xullo. Unha reapertura con medidas e restricións excepcionais. O empresario e xerente das discotecas de Tui, Metropol e Anubis, José Diz cóntanos o novo sistema de purificación de aire que instalará nos seus locais para garantir a seguridade dos asistentes.

Dende hoxe e até o 8 de agosto poderá visitarse na Sala de Exposicións Municipal na Área Panorámica a mostra antolóxica "Amenceu outra vez" de Darío Álvarez Gándara. Reúne a súa obra pictórica, fotografías e tamén documentos familiares. Esta mañá falamos con Carlota Álvarez, filla do médico tudense e comisaria da exposición. A apertura hoxe ás 20.30 h.

Este ano non se van celebrar as Festa do Monte Santa Trega, debido á crise provocada pola COVID-19. Unha decisión que toma o Concello da Guarda, logo de reunirse coa comisión de festas e as bandas mariñeiras e co fin de priorizar a saúde das persoas. Así nolo confirmou o alcalde, Antonio Lomba quen explicou que haberá alternativas a esta celebración.

O tomiñés Carlos Lago, coñecido como Brokktt, lanza o seu último sinxelo "Blindao". Unha canción producida por Chus Santana, creador de éxitos coma "Alocao" de Omar Montes e Bad Gyal. Hoxe falamos con el.

O club Andatui celebra o sábado 11 de xullo a XVII Andaina Tudense Solidaria, polo Monte Aloia. Será a favor de SOS Tomiño Baixo Miño. A actividade, cun límite de participación de 150 persoas, ten un prezo de 10 € . O prazo para anotarse na web do club remata o mércores 8 de xullo. Así nolo confirmou, José Martínez Tato o presidente de AndaTui.

Co arquitecto César Portela coñecemos os pormenores do anteproxecto de rehabilitación do Teatro Principal de Tui. Manterá o teatro, salas de usos múltiples, e incorpora coma novidade unha cafetería mirador. Falamos con el tras a presentación realizada no día de onte.

O Concello de Tomiño chega aos 14 mil habitantes. Cifra que salientamos coa alcaldesa Sandra González. Abordamos outros temas de interese como a reapertura dos pasos na fronteira entre Galicia e o norte de Portugal para os traballadores da "raia" e a peonalización das rúas do núcleo urbano do Seixo.

O confinamento deixa pezas musicais coma "I think what i am feeling is love". O single composto por Javier Casal acompañado, entre outros, pola voz da solista Laura Palomo. Cada un gravou dende a casa a súa parte e logo fixeron a composición.

O número 5.850 é o agraciado no sorteo realizado por SOS Tomiño Baixo Miño dunha escultura solidaria doada por Xabier Garrido. Venderon un total de 2 mil rifas, e os fondos recadados destinarannos á compra de alimentos. Para facer o sorteo estiveron na nosa sintonía Pili Álvarez e José Montes.

Máis de 90 puntos recibiron os viños da Adega do Vimbio, por parte da revista “The Wine Advocate”. Figura entre as adegas emerxentes destacadas pola publicación. Hoxe falamos con Martín Crusat, biólogo e vinicultor de Adega do Vimbio.

Este domingo celébrase o Día Internacional do Ioga. Por iso o domingo ás 10.30 h no Paseo Fluvial haberá unha actividade de ioga e meditación, a cargo de Vanesa Rodríguez. Está organizada polo Concello de Tui. Poderán participar as primeiras 25 persoas que cheguen, que deberán levar unha esteira.

Con moita ilusión e disposta a colaborar afronta Pilar Besada Barahona a súa próxima toma de posesión coma concelleira de corporación municipal de Tui, tras a renuncia de Juan Miguel Diz Guedes. Avanzaba que seguirá a mesma liña de diálogo mantida polo seu predecesor. Tamén indicaba que Tui precisa apoio para afrontar os retos que temos por diante.

O mercado do xoves volveu celebrarse hoxe en Tui, pero na zona de Camfran. Un cambio de emprazamento que non agrada a todos os vendedores, así o confirmou a presidenta da asociación de mercaderes ambulantes de Vigo e comarca, Begoña Martínez. Hoxe concentráronse na Corredoira.

Este ano en Tui, non se celebrarán campamentos de verán. Así o confirmou o alcalde, Enrique Cabaleiro. Tamén lembrou que os parques infantís continúan pechados, ao non poder garantir o cumprimento das medidas hixiénico-sanitarias establecidas.