Día a Día

Comprobar as melloras que se están a executar no CEIP nº1, nº2 e no CRA Mestra Clara Torres foi o obxectivo da vistia que onte realizou a estes centros o xefe territorial de Educación en Pontevedra, César Pérez Ares. Tamén coñeceu da man dos equipos directivos a aplicación do protocolo anticovid para a volta ás aulas nestes centros educativos. Así nolo explicou esta mañá.

Co doutor Santiago Pose falamos hoxe da situación en Tui con respecto á Covid-19. Explicaba que hai uns días nun novo control nas residencias de maiores todos os resultados foron negativos. Facía un chamamento á mocidade a ter precaución.

Silvia Soutelo e Mercedes Fernández, veciñas de Caldelas, facían hoxe de novo eco na nosa sintonía do malestar que hai na parroquia tras o desmonte do acueduto do Pontillo. Unha construción da que hai lembranzas coma mínimo de 1913.

No día de hoxe, Fernando Ferreira, presidente da Asociación de Pescadores do Rio Miño, deixou o seu cargo tras 9 anos exercendo e despois de toda unha vida relacionado coa Asociación. Está mañá explicaba ás razóns da súa dimisión.

O alcalde de Tui, Enrique Cabaleiro, explicou hoxe na nosa sintonía que as pedras retiradas do acueduto do Pontollón en Caldelas pola CHMS están depositados no almacén municipal. Indicou amais que a actuación forma parte dun proxecto europeo para a recuperación da escala no río Casela. Así o indicaba.

Co concelleiro de Turismo de Tui, Laureano Alonso, coñecemos hoxe os datos referidos ao mes de xullo da Oficina de Turismo, en canto a número de turistas e peregrinos,marcados tamén pola actual situación. Coma responsable da área de Patrimonio tamén se referiu ao acueduto do Pontillón de Caldelas, e ao envío do PEPCHA á Xunta, tras solucionar problemas informáticos, que impediron remitilo con ante...

Maña sábado celebrarase en Tui a 49 edición do Descenso Internacional do Miño. Hoxe estivo con nos Diego Piña, presidente do Club Kaiak Tudense, que nos explicou como será a edición de este ano, marcada pola COVID-19, e con novidades importantes.

Este domingo, ás 22:00, na rúa Compostela poderemos gozar co espectáculo “Músicas do Camiño” de Roi Casal que chega a Tui no programa Musigal da Deputación e que ademais, forma parte da programación “Volvemos á rúa”. Para poder asistir a este concerto é necesaria a reserva previa en enterticket.es.

Malestar entre os veciños de Caldelas que onte viron coma desmontaban o acueducto do Pontillón, situado na parroquia e que se empregaba para levar auga aos campos de regadío. Persoal da Confederación Hidrográfica comezou onte o desmonte argumentando que estaba en desuso. Asi o explicaba Eduardo Dacuña, veciño de Caldelas.

Mergullar no fondo do mar, e coñecer o nome dos distintos peixes de xeito ameno e divertido é a proposta que fai Ghazafelhos no espectáculo Acuario. Ás nove desta tarde no Paseo da Corredoira terá lugar este espectáculo baseado no libro de poemas de María Canosa. Hoxe falamos cun dos integrantes da compañía, Pepablo Patiño:

O establecemento de preferencia peonil nalgúnhas rúas do centro urbano do Seixo, a aula de Estudo que se vai pór proximamente en marcha, a convocatoria de axudas para as traídas de auga e o remanente de tesourería son algúns dos temas que hoxe tratamos coa alcaldesa de Tomiño, Sandra González.

A Agrupación Musical do Rosal leva a música a diferentes puntos do termo municipal a través de 10 concertos co que tamén poñen en valor o traballo das persoas que formaron parte da historia da Agrupación. "O Rosal Cámara Fest" arranca ás 21 h no Campo De Balonmán de Novás co Brass Band "Jose Vicente Simeó".

Mañá mercores 12 de agosto, a sección de metal da Banda de Música Popular de Tui ofrecerá un concerto na Praza de San Fernando, ás 21:00 h. O concerto terá unha capacidade para 100 persoas e débese facer reserva previa de entradas en www.enterticket.es, cun máximo de tres localidades por persoas. Así nolo explicaba está mañá, Eloy Carrera, director da Banda de Música Popular de Tui

O alcalde, Enrique Cabaleiro, recoñecía esta mañá en declaracións á nosa sintonía que persoalmente non lle gusta o acordo con respecto o uso do remanente de tesourería entre o Goberno Central e a FEMP, á espera de ter un informe completo en canto a interventora municpial se reincorpore tras as vacacións. Considera que castiga aos concellos pequeños coma é o caso de Tui.

Do 23 ao 27 de setembro celebrarase unha nova edición de Play Doc. Precisamente o festival propón reflexionar sobre a actual situación que estamos a vivir. Faino a través dun obradoiro audiovisual que impartirá Eloy Domínguez Serén. Vai dirixido a á veciñanza de Tui e da comarca. O obxectivo é que a través de pequenas pezas audiovisuales acheguen a súa propia visión deste momento histórico provoca...

Hoxe tras sete días de actividade remata a décimo cuarta edición de Música no Claustro. Un evento que ao igual que moitos outros tivo que reinventarse debido á pandemia da COVID 19, e empregou precisamente a pandemia coma fío condutor. Hoxe ten lugar o derradeiro concerto a cargo de Miriam Latrece Quartet. Samuel Diz falounos deste eventos e fixo balanzo do festival.

A música volverá soar esta noite no Claustro gótico da catedral de Tui no festival Música no Claustro. Esta vez será con Gara Jazz Quartet, formado por: o guitarrista tudense Sergio Alonso, a tomiñesa Andrea González estudante de batería, o saxofonista coruñes Lois Rivera e o contrabaixista da Pobra do Caramiñal Miguel Piñeiro.

Cada noite desta semana o Claustro da Catedral convértese no escenario singular dos concertos do festival Música no Claustro. Hoxe no mesmo soará a música de clave interpretada por Inés Moreno. Esta mañá falamos con ela e con Samuel Diz, director do festival.

Os instrumentos de tecla son os protagonistas hoxe e mañá nos concertos de Música no Claustro, para os que xa non hai entradas. Hoxe será a quenda de Noelia González ao acordeón, e mañá de Inés Moreno á clave. Amais a conversa dixital de hoxe trata sobre a fuxida polo Miño de Joaquín Diaz-Canedo. Falamos deste eventos con Samuel Diz, director do festival.

Dende o sábado estase a celebrar o festival Música no Claustro cun aforo de 60 espectadores por concerto, o que está brindar eventos cunha nova percepción. Amais onte comezou o obradoiro de bordado sobre fotografia con Miria Banet, gañadora da beca Eloy Gesto da Fundación de Artesanía de Galicia. Falamos con Miria Banet e Beatriz Fontán, da organización.

Muller Tui é o nome do Programa Integral para mulleres vítimas de violencia de xénero e en situación de vulnerabilidade que vén de pór en marcha o concello de Tui. A concelleira de Igualdade, Ana Mª Núñez,explicou os obxectivos deste programa e a qué mulleres vai destinado.

Este sábado 8 de agosto vaise celebrar a VI Ruta histórica de Tui. Unha andaina nocturna organizada por AndaTui que terá a saída as nove da noite dende o palco da música na Corredoira- Esta maña esgotáronse as 40 prazas dispoñibles para esta andaina. Falamos da mesma con José Martínez Tato, presidente de AndaTui.

En menos dunha hora esgotáronse as 60 entradas dispoñibles para o concerto de apertura do Festival Música no claustro. A cita será mañá sábado ás 21.30 h con Gonçalo Cordeiro e Samuel Diz Preciasmente con Samuel Diz falabamos dos primeiros concertos deste ano, para os que cómpre reserva previa o día anterior de 10 a 14 h no 621 358 118.

Do 23 ao 27 de setembro Tui volverá concentrar as miradas do audiovisual coa celebración de Play Doc. Un festival que presenta unha edición adaptada as novas circunstancias, que amplía escenario e que brinda unha programación segura. Hoxe falamos con Ángel Sánchez, codirector do evento que se celebrará xa coa marca Rias Baixas Film Fest

Fantoches Baj - Inacio Vilariño e Carlos Quintá - presenta ás 21 h no Paseo da Corredoira "Os romeiros do Caracol". Un espectáculo de teatro de monicreques baseado na obra Romarías e Santuarios de Galicia de Antón Fraguas. As entradas poden reservarse até as 12 h enterticket.es Forma parte da programación Volvemos á Rúa