Día a Día

Hoxe preséntase oficialmente Play Doc que comeza o próximo mércores. Falamos con Ángel Sánchez, codirector do festival deste acto e tamén das 9 películas galegas que forman este ano parte da programación.

Ás oito desta tarde o cronista oficial de Tui, Ernesto Iglesias Almeida presenta novos libros da súa autoría. Son “Historia militar de Tui a través dos séculos” e “Os muíños do Concello de Tui”. A presentación estaba prevista a comezos de ano pero tivo que ser aprazada pola pandemia. Hoxe a cita será na Área Panorámica na Sala de Exposicións.

O próximo mércores, 23 de setembro comeza oficialmente Play-Doc. O festival adaptou a súa programación e o seu desenvolvemento á actual situación de pandemia. As entradas para os distintos eventos están xa á venda en www.play-doc.com e dende este venres na plataforma Filmin poderanse ver 40 títulos do festival. Así nolo explicou Ángel Sánchez, codirector de Play Doc.

Un total de 34 casos activos por COVID 19 teñen na actualidade en Valença. Así o confirmaba hoxe o presidente da Cámara, Manuel Lopes. Explicaba que boa parte dos afectados son asintomáticos e están xa controlados. Onte en Portugal entraban en vigor novas medidas pola a contención do coronavirus. Así entre as novidades está a apertura dos comercios ás 11 hora española, ou o peche dos restaurantes...

Un total de 20 mil euros destina o Concello de Tui ás axudas para a compra de material escolar e de comedor. Dende onte e durante vinte días naturais pódense presentar as solicitudes. Van dirixidas ao alumnado de Infantil, Primaria e Secundaria para o curso 2020/21. Explicaba os detalles a concelleira de Ensino, Sonsoles Vicente.

Un total de 22 positivos por COVID-19 rexistra o Centro de Saúde de Tui. Deste total, 14 son de Tui, 7 de Tomiño e 1de Goián. Así nolo confirmou o doutor Santiago Pose, coordinador do Centro de Saúde de Tui.

Novos servizos son os que ofrece dende hai uns días o Punto Limpo de Tui situado en Guillarei. Así conta con contedor específico para a recollida de xeringas e agullas de uso doméstico, que debe ser depositadas polo usuario no propio contedor. A isto súmase un novo contedor para a recollida de radiografías. Así o explicaba hoxe o concelleiro de Medio Ambiente, Ismael Diz.

O ciclista tudense David Fernández Pérez proclamouse esta fin de semana Campión de España Junio no Campionato de España de Enduro en Castejón de Sos. A carreira constou de cinco tramos cronometrados nos que investiu un tempo de 28 minutos e 54 segundos. Esta mañá explicaba que foi unha proba dura.

Non hai novidades no Rosal, segundo nos sinalou a alcaldesa, Ánxela Fernández quen, apuntou que o importante non é tanto a cifra de positivos, senon frear o aumento de contaxios.

Situación tranquila é a que se vivíu esta fin de semana na Guarda, onde o venres pasado había 30 casos confirmados. Nolo explica o alcalde da Guarda, Antonio Lomba.

Repasamos como arrancou o curso 2020-2021, nos diferentes centros educativos de Tui.

O acto cívico do Alivio de Tomiño recoñerá o traballo do persoal sanitario, que estará representado pola enfermeira Ana María Fontanerosa. Con ela falamos hoxe.

Do 23 ao 27 de setembro celebrase en Tui o Festival Internacional de Cinema, o Play Doc. Contará con proxeccións, música e paseos nocturnos polas rúas de Tui, onde se reflexionará sobre a pandemia da COVID-19, coa participación da veciñanza.

Remata a celebración do Alivio en Tomiño. Será mañá co acto cívico e co concerto da Agrupación Musical de Goián, na Praza do Seixo. Este ano, a homenaxe vai para todas as persoas que colaboraron durante a crise da COVID-19. Disto e doutros asuntos demos conta esta mañá coa alcaldesa de Tomiño, Sandra González.

Consolidar a marca turistica Río Minho con actividades de ecoturismo adaptadas ás demandas da nova normalidade é o obxectivo de "Vive o Río Minho". Haberá sendeirismo, rutas en bici e caiac, percorridos históricos..., que se desenvolverán polos concellos galegos e portugueses, até o 4 de outubro. A inscrición poden formalizarse na web da Deputación de Pontevedra.

O Concello de Tui vén de realizar obras de mellora en todos os centros educativos do municipio. Foron acometidas con fondos propios do Concello e da Deputación de Pontevedra. Damos conta das mesmas coa concelleria de Ensino e Cultura, Sonsoles Vicente.

A Guarda rexistra varias persoas contaxiadas pola COVID-19. A día de hoxe, a situación está controlada, segundo nos explicou esta mañá a tenente de alcalde do Concello da Guarda, Montse Magallanes.

O Rosal ten activos 3 brotes por COVID-19, segundo os datos da Consellería de Sanidade, que hoxe nos confirmou a alcaldesa, Ánxela Fernández. Dous están vinculados ao ámbito familiar e un ao laboral. O Sergas xa ten activado os protocolos de rastrexo.

Tui recibiu máis de 12 mil persoas entre turistas e peregrinos durante os meses de xuño, xullo e agosto, segundo os datos rexistrados na Oficina de Turismo e que, está mañá concretamos co concelleiro de Turismo e Patrimonio, Laureano Alonso. Tamén, demos conta das Xornadas Europeas da Cultura Xudía, que se están a desenvolver na Eurocidade Tui - Valença.

Un total de 17 casos activos por COVID-19 rexistrou durante o último mes, o Servizo de Atención Primaria de Tui. Deste total, 9 son de Tui, 6 de Tomiño e 3 de Goián, segundo os datos facilitados polo doutor Santiago Pose, coordinador do Centro de Saúde de Tui.

A partir deste xoves dará comezo o curso 2020-2021 en Galicia, coa incorporación progresiva do alumnado. Primeiro será o de 4º e 5º de educación infantil 1º, 2º e 3º de primaria e educación especial. Un curso marcado pola pandemia da COVID-19 e con novas medidas e protocolos sanitarios. Esta mañá acompañounos a nai e bióloga, Edit Huía Castro, para falar desta volta ás aulas.

Recentemente na nosa sintonia, estivo Bryan Fernández, quen está a ofrecer varios concertos nos que versiona clásicos coma o blues de Robert Johnson, "Sweet home Chicago" ou os temas da banda británica The Who.

Un total de 16 casos positivos por COVID-19 rexistra o Servizo de Atención Primaria de Tui. Deste total, Tui rexistra 8 persoas contaxiadas e, por agora, non hai localizado ningún brote activo na cidade. O alcalde de Tui, Enrique Cabaleiro, achegounos a situación epidemiolóxica da cidade.

Volve May Acebes e a súa sección Recomendacións Literarias. Faino coa novela "A corazón abierto" da escritora e xornalista Elvira Lindo con que falamos hoxe. Un libro persoal que narra a historia de Antonia e Manuel, os pais da escritora, ao longo dun século de grandes cambios. Unha homenaxe ás persoas que permaneceron na España na inmediata posguerra.

Mañá sábado ás 20 h, no Espazo Fortaleza en Goián o compositor e pianista Alberto Vilas presentará o seu último traballo, “Naialma”. O disco máis persoal e íntimo do artista co que hoxe falamos. Alberto Vilas - Música