Día a Día

Dentro da rolda de conversas cos grupos políticos da corporación municipal que comezamos o 1 de outubro hoxe falamos con José Manuel Palacín, voceiro de C21.

As socialistas de Tomiño amosan o seu estupor polo que goberno do BNG se apropiou segundo din a proposta socialista sobre a situación da sanidade no municipio. No pleno o tema non saiu adiante, e para sorpresa dos socialistas, o luns o BNG iniciou unha recollida de sinaturas. Así o explicaba a voceira socialista, Violeta de Santiago.

As instalacións deportivas municipais teñen sido obxecto de distintas obras de mellora. Hoxe o concelleiro de Deportes, Rafael Estévez, explicaba no programa Día a Día os traballos realizados.

Con Laureano Alonso, concelleiro de En Marea e membro do goberno municipal abrimos hoxe unha nova rolda de conversas cos grupos políticos presentes na corporación municipal.

IKFEM, o Festival de Teclado da Eurocidade Tui-Valença, comeza este venres co concerto inaugura no Teatro Municipal de Tui. Unha edición que ofrecerá dez días de actividade na que combinará os concertos presenciais con outros online. Desta edición marcada pola COVID19 falamos hoxe coa directora do IKFEM, Andrea González, e a concelleira de Cultura, Sonsoles Vicente.

Raimundo Martínez "Rai" presenta este xoves, ás 20 h na Sala de Exposicións Municipal no edificio Francisco Sánchez (Área Panorámica) o seu libro “Memorias dun pobo, Santiago de Malvas e as súas xentes (1159-2020)” . Esta actividade forma parte dos actos conmemorativos do 50 aniversario da biblioteca.

73 casos activos por coronavirus rexistra Valença tras rexistrar un brote no centro de día da Cruz Vermella con 16 usuarios e 5 traballadores con covid 19. A situación preocupa ao presidente da Cámara de Valença, quen por outra parte indicaba que os brotes están localizados.

Ás 21.00 h comezará a actividade, Cinema Percorridos, na que vídeo artistas galegos encherán de imaxes en movemento o centro histórico da cidade de Tui. Un roteiro cinematográfico en grupo pola zona monumental de Tui. Esta mañá falamos con Miriam Rodríguez e Adrián Canoura, que presentarán dúas destas cinco propostas no lavadoiro de San Domingos e no cárcere vello.

Eloy Domínguez Serén dirixiu o obradoiro "En primeira persoa" en Play Doc. No mesmo veciños e veciñas de Tui e da contorna achegaron a súa visión audiovisual sobre a actual pandemia. Eloy Dominguez contounos coma foi a experiencia. Tamén falamos con Sofía Dagá, unha das participantes.

Motonáutica Mañá celébrase en Tomiño a última proba do Campionato Galego de Motonáutica coa participación de 7 ou 8 equipos. Marcos Casaleiro e Carlos Estévez, vogais da Federación GAlega de Motonáutica, déronnos todos os detalles da proba .

Valoración moi positiva das dúas primeiras xornadas de Play Doc, a que realizaba hoxe Ángel Sánchez, director do festival xunto a Sara García. Por diante agora unha intensa fin de semana da que tamén nos deu todos os detalles.

Laura Lamontagne e Pico Amperio (Pedro Cuntín) ofrecerán hoxe ás 20.30 h o concerto inaugural de Play Doc. Con eles falamos hoxe deste proxecto musical que presentan esta noite en directo.

Mañá mércores ás 20.30 h comeza oficialmente Play Doc, o Festival Internacional de Documentais de Tui. Hoxe Ángel Sánchez, codirector do festival, contounous coma vai ser o acto de apertura ás 20.30 h no Teatro Municipal. As entradas e a programación completa están accesibles en www.play-doc.com

Unha aula de 3 anos do CEIP nº2 de Tui está confinada logo de que un dos alumnos dera positivo por COVID 19. No centro activouse o protocolo establecido, e fan un chamamento á tranquilidade e responsabilidade. Así o explicaba o director do centro, Luís Ruíz Santos.

A actualidade deste martes, 22 de setembro de 2020, en Noticias 13:30 h

Esta fin de semana celébrase La Icónica no Baixo Miño unha proba que mestura sendeirismo e marcha nórdica. Serafín Martínez, organizador da proba, explicaba que o obxectivo era facer unha actividade diferente entre Tui e A Guarda. O sábado a ruta será polo Camiño da Costa dende Oia á Guarda, e o doming pola senda do Miño da Guarda a Tui. A participación limítase a 100 prazas, e a inscrición pode r...

Protección Civil de Tui organiza unha recollida de plásticos no río Miño dende Caldelas até Areas para o sábado 3 de outubro. O obxectivo é recoller todo o lixo que se atope tanto na beira coma no propio río. Juan Manuel González, presidente da Agrupación de Voluntarios de Protección Civil de Tui explicaba hoxe na nosa sintonía coma xurdiu esta iniciativa.

Con tranquilidade comezou o curso escolar 2020-21 no CRA Mestra Clara Torres, adaptado coma os outros centros educativos ao protocolo covid 19. Falamos deste inicio do curso coa directora do CRA, Teresa Domínguez, a quen tamén preguntamos sobre a postura do centro con respecto á aula de Caldelas.

A previsión de choiva obriga ao Festival Internacional de Documentais de Tui, Play Doc a trasladar a actividade prevista na praza do Pracer ao Teatro Municipal. Nalgúns casos faise un reaxuste horario, e en todas as sesión trasladadas se incrementa o aforo. Explicaba estes cambios Ángel Sánchez. Por outra parte esta tarde porán á venda dous novos horarios para as rutas polo conxunto histórico que...

A praza do Pracer será o escenario inaugural da décimo sexta edición de Play Doc, o festival Internacional de Documentais de Tui. Será o próximo mércores ás 20.30 h. O festival comeza xa hoxe en Filmin. Das primeiras proxección de "A Media Voz" e "Dorothé na vila" falamos hoxe con Ángel Sánchez, codirector, e do apoio do comercio local e do desplegable que editan con Pablo Comesaña, productor.

Noelia Porto de Guláns, Ponteareas, debuta esta noite no concurso Recantos do Luar. Intepreterá dúas cancións, unha en solitario, buscando o seu pase á seguinte fase. É a representante da zona comprendida entre Arbo e A Guarda. Estudou Arte Dramático e toca o requinto na Banda de Guláns. Esta mañá acompañounos no programa Día a Día.

En Tui hai arestora 18 casos positivos por covid-19, e 45 persoas están en corentena por contacto con estes pacientes. Así o confirmou onte o conselleiro de Sanidade ao alcalde de Tui, na reunión telemática que mantiveron. O rexedor tudense insistía no chamamento á responsabilidade.

Ainhoa Arteta ofrecerá un concerto o 7 de outubro no Teatro Municipal de Tui dentro do IKFEM, o Festival de Teclado da Eurocidade Tui-Valença. É a primeira das confirmacións do festival. Andrea González, a directora do IKFEM, daba os detalles do concerto e explicaba coma está a ser a organización do edición deste ano.

Abigail Cohen impartirá esta tarde na aula da UNED, no antigo convento de San Domingo unha charla-obradoiro sobre a repostería Sefardí no marco das Xornadas Europeas da Cultura Xudía que se están a celebrar na Eurocidade Tui-Valença. Hoxe explicounos as características destes postres que desenvolve no seu taller situado agora en Toledo.

Anarela incorpora ás súas sesións de psicoloxía, logopedia, nutricionista o servizo de intérprete de lingua de signos, pero amais ofertará talleres de lingua de signos para nenos, adultos e de conversación. Amais mañá venres o sábado realizarán unhas charlas para pais e nais sobre a ensinanza de lingua de signos en bebés. Nolo contaron hoxe Ana Vila, Nerea Álvarez, e Iria Márquez.