Día a Día

A partir de mañá volverá a celebrarse o mercadillo semanal dos xoves, suspendido dende o pasado 27 de xaneiro. A concelleira de comercio, Ana Núñez, fixo hoxe un chamamento a prudencia e responsabilidade da poboación. Pediu colaboración a veciñanza no cumplimento das normas sanitarias establecidas.

O concelleiro de deporte do Concello de Tui indicou esta mañá que xa contactou con todos os representantes dos clubes pola reapertura das instalacións deportivas para adestramento no deporte federado. Os vestiarios permanecerán polo momento pechados.

O alcalde de Tui, Enrique Cabaleiro, anunciou fai uns minutos que o Concello de Tui verase obrigado a acudir a xustiza se na comparencia de hoxe o presidente da Xunta anuncia o peche perimetral individual de Tui. Unha medida, asegurou, que non é efectiva se o resto dos concellos da contorna non van estar pechados tamén de xeito individual.

Carmen Núñez, voceira do BNG na corporación municipal de Tui, considera que os orzamentos aprobados inicialmente en xaneiro como "decepcionantes xa que non hai ninguna medida de calado nin se buscou ninguna medida de consenso coas diferentes forzas políticas". Fai amais unha valoración negativa das partidas destinadas as parroquias ou ao transporte público, entre outros asuntos.

Ponte…nas ondas! convida ás escolas a participar no Día Mundial da Radio a través do portal ESCOLAS NAS ONDAS www.escolasnasondas.com Emitiranse os programas e podcasts que se reciban do alumnado galego e portugués.

José Ángel Fernández, voceiro do PP na corporación municipal de Tui, considera que os orzamentos aprobados inicialmente en xaneiro non responden as expectativas que tiñan e chegan con retraso. Fan amais unha valoración negativa, entre outras cuestións porque consideran que levan pouco investimento. Así nolo contaba esta mañá.

Hoxe falamos co CEO de Meebox Marketing, David Varo, sobre o Bitcoin. Adentrámonos esta mañá, da man deste experto en sistemas de mercadeo online, no universo das criptomoedas.

Co xerente do San Xerome coñecemos hoxe todos os detalles do proxecto "Fogares SanXe" que vai converter o antigo colexio das Carmelitas na Guarda en fogares inclusivos

Coñecemos a opinión do voceiro de Ciudadanos na corporación municipal de Tui, Manuel González, sobre os orzamentos de 2021 aprobados inicialmente en pleno no pasado mes de xaneiro.

Mañá martes será cando as farmacias da provincia, entre elas 17 da nosa zona que se inscribiron (seis delas de Tui) comecen a raelizar as probas PCR mediante saliva. Coñecemos cómo é a proba co farmacéutico Jorge López da farmacia da Rúa González Besada.

O xornalista da Radio Vale do Minho, Miguel Rocha, falou hoxe da situación da Covid-19 en Portugal e nas cámaras do norte. A situación está a mellorar pero as cifras seguen sendo moi preocupantes. Amáis indicou que o goberno portugués estuda ampliar horarios en todos os pasos fronteirizos.

O alcalde das Neves, Xosé Manuel Rodríguez, cualificaba a extinción da concesión do salto de Sela coma "unha boa noticia para todo o territorio miñoto que tardou tantos anos en chegar tras moitas reivindicacións".

O presidente de ANABAM, a asociación naturalista do Baixo Miño, Agustín Ferreira, cualificaba a extinción da concesión do salto de sela coma una "excelente noticia". Lembraba que coma nos 90 se organiza unha plataforma contra esta salto en Tui.

Adegas Altos de Torona do Rosal, acaba de recibir a certificación internacional V- LABEL que garante que en todo o proceso de produción dos seus viños só se utilizan materias primas vexetais. Amáis esta adega tamén segue, no eido da sostenibilidade, un sistema de produción integrado nas súas viñas respetuoso, convertendo esta fermosa paisaxe do Monte Galeno nun espazo de diversidade única.

Play Doc, o festival internacional de documentais de Tui, xa ten datas para a súa edición deste 2021. Será do 22 ao 26 de setembro. Así nolo contaba hoxe con optimismo e ilusión o codirector do Play-Doc, Ángel Sánchez.

Falamos está mañá co alcalde de Tui, Enrique Cabaleiro, sobre o peche dos pasos fronteirizos con Portugal e as retencións que está a ocasionar na Ponte Internacional da A-55 ao ser o único paso aberto as 24h. Mañá haberá un acto reivindicativo as 9:30 h dos alcaldes e presidentes das cámaras portuguesas, para solicitar aos dous estados a revisión desta medidas.

Abordamos a situación epidemiolóxica en Tui co doutor Santiago Pose. Amais avanzou que no mes de abril comezará a funcionar no Centro de Saúde de Tui, unha unidade de saúde mental.

O Concello de Tui presentou ante o IGVS a solicitude para que o conxunto histórico sexa declarado Área Rexurbe. Hoxe coñecemos qué esta Área Rexurbe, e cales serán os seus beneficios e vantaxes. Explicáronolo o concelleiro de Patrimonio, Laureano Alonso, e o membro do equipo redactor do documento de solicitude para a declaración da Area Rexurbe, Luciano Alfaya.

A semana pasada foron aprobados inicialmente en pleno os orzamentos de 2021 do concello de Tui. Hoxe coñecemos o parecer do voceiro de C21, José Manuel Palacín, sobre os mesmos.

Uxío Benítez valoraba esta mañá o peche das fronteiras con Portugal até o 14 de febreiro. Lamentaba que só mantéñase en funcionamento as 24h a Ponte Internacional de Valença o que xa está a provocar nesta xornada importantes retencións polos controis alí establecidos.

O alcalde de Tui, Enrique Cabaleiro, destacou hoxe os orzamentos municipais aprobados onte en pleno inicialmente coma instrumento fundamental no funcionamento municipal. Tamén se referiu á RPT que se retirou da orde do día ao contar con informes técnicos negativos. Por último valorou o peche das fronteiras acordado polo goberno portugués.

O distribuidor e revisor de gas, Ramón Areses, esta mañá no programa Día a Dïa aconsellábanos sobre cómo podemos evitar as estafas e enganos que están a producirse coas revisións de gas, xa que na actualidade algúns técnicos non autorizados ou directamente falsos, visitan os domicilios tratando de enganar aos usuarios, especialmente a xente maior.

A portavoz do Partido Socialista de Tomiño denunciou hoxe que a Policía Local do concello está a vivir unha situación crítica. Están intentando manter o servizo con tan só dous efectivos, causando problemas na veciñanza.

Hoxe falamos de innovación, de innovación con selo tudense, no eido das aplicacións para a xestión dos negocios e tendas. Trátase dunha app para reservas de cita previa dirixido a calquera negocio que desexe xestionar a súa axenda, evitando así as visitas e chamadas dos clientes.

A concelleira de comercio, Ana Núñez, confirmaba esta mañá a suspensión do mercado semanal dos xoves en Tui. Espérase que retome a súa actividade o 17 de febreiro, cando rematen as novas restricións decretadas pola Xunta.