Día a Día

En Salceda a policía interveu esta fin de semana na zona de ocio nocturno, na rúa Pontevedra, xa que nas últimas fins de semana, tras o peche dos locais, a xente aglomérase na rúa impedindo o descanso dos veciños. Amáis esta fin de semana, na madrugada do sábado para o domingo, producíronse algúns destrozos e actos vandálicos no municipio.

Un policia local da Guarda resultou ferido sen gravidade na madrugada deste domingo por un grupo de mozos nunha zona de botellón, cando unha patrulla de dous axentes atopábanse facendo unha rolda de control do peche de locais do ocio nocturno ás 3 da madrugada. Contábanolo o alcalde da Guarda, Antonio Lomba.

Este domingo ás 18h no Novo Pavillón municipal de Tui enfrontaranse o Celta Zorka Recalvi de baloncesto fronte ao Recoletas Zamora nun partido amistoso. O aforo máximo permitido para este encontro será de 500 personas. Falamos con Carlos Colinas, director deportivo do equipo vigués.

Ata unha quincena de pilotos de Valencia, Murcia, Andalucía, Cataluña, Cantabria, Madrid e Galicia participarán mañá e pasado en Tui no Campionato de España de Radiocontrol Térmico. Carlos Estévez da Federación Galega de Motonáutica contábanos todos os detalles desta cita.

O oficial da Policía Local de Tui, Lino Martínez, explicaba como afectará a circulación o paso da Volta Ciclista a España por Tui. Cortarase puntualmente o tráfico só cando pasen os ciclistas (arredor das 14:20 h) e estará prohibido estacionar dende mañá ás 7 h nas rúas Marístas, Ourense, Martínez Padín e na Avenida de Portugal até o cruzamento coa N-551.

ORPAGU, a Organización de Palangreiros Guardeses, cumpre 25 anos dende a súa creación. Dende as 10.30 h comezaron os actos conmemorativos que se desenvolverán durante toda a xornada. Falábamos esta mañá co seu orgulloso presidente, Joaquín Cadilla.

O festival Play-doc celebrarase en Tui do 22 ao 26 de setembro, de mércores a domingo. Para falar do programa que están ultimando para eses días visitaba hoxe o programa Día a Día o seu codirector, Ángel Sánchez. Este ano continuarán as montaxes de videocreadores nas noites polo centro urbano.

Seguimos adentrándonos nas actividades programadas na Feira do Peregrino que se celebra en Tui esta fin de semana. Facémolo hoxe centrándonos no concurso de debuxo e no concurso de vestimenta de caracterización do peregrino. Visitan o programa día a día o presidente de Acitui, Juan Carlos Blanco, e Jose Manuel Díez.

O concelleiro de Turismo, Laureano Alonso, interviña esta mañá na nosa sintonía facendo balance positivo da afluencia de visitantes na cidade. Entre turistas e peregrinos pasaron 14.682 persoas durante o mes pasado pola Oficina de Turismo, unha cifra maior que a do mes de xullo e maior que a do mes de agosto de 2018. Aínda así é algo inferior á de agosto de 2019.

Falamos esta mañá co concelleiro de deportes do Concello de Tui, Rafael Estévez, sobre a recepción oficial que se lle fará ás 20 h a Gustavo Rodríguez na casa do concello. A continuación ás 20.15 h a cidadanía en xeral poderá transmitirlle os seus parabéns na praza do Concello se o tempo o permite. Se a afluencia de xente é alta o recibimento será na praza de San Fernando.

Esta fin de semana celébrase en Tui a quinta edición da Feira do Peregrino. Repasamos todas as actividades organizadas para o sábado e o domingo con Miguel Martínez, en representación de Acitui, da Asociación Cidade de Tui e de amigos del camino, e con Miguel Ángel García, presidente da Comisión Xestora da Entidade de Alfombristas do Camiño.

Novo tempo de radio no programa Día a Día co grupo Armonía de Tui da Asociación de Alcohólicos Anónimos. Teodoro e José deixáronnos hoxe a súa testemuña, a súa experiencia na Asociación.

A próxima fin de semana celébrase en Tui, na Aula da Uned no Convento de San Domingos, o Forum Peregrino 2021 organizado pola asociación Iacobus. Falamos das diferentes conferencias que terán lugar o sábado e o domingo coa presidenta de Iacobus, María Victoria Álvarez. Tamén interviña o escritor Alfonso Ferreira que presentará o domingo ás 12 do mediodía na Igrexa de San Domingos o libro "Lembranz...

Ás 18 h Pista Catro presenta o espectáculo itinerante “Mezzo. O fantástico circo de Insectos Xigantes do doutor Mezzo”. Un obra chea de corido da que nos falou Clara Gayo, membro da compañía.

Todo preparado en Caldelas para a dobre cita que temos esta tarde na ribeira. Ás 18 h será a quenda de Pista Catro con “Mezzo” e ás 22 h co CDG e CTB con “A Contenda do río Miño”. A concelleira de Cultura, Sonsoles Vicente, explicaba que será unha experiencia única a que poderemos gozar na Ribeira, tanto pola tarde coma á noite. Recomenda acudir coa debida antelación.

O tudense Gustavo Rodríguez coma guía de Héctor Catalá participa na madrugada deste venres ao sábado nos Xogos Paralímpicos en Toquio na modalidade de Triatlón. Falamos con eles dende a capital nipona de cómo afrontan esta competición olímpica.

LAMMARCA é o traballo discográfico que Manuel Madarnás presentou o pasado sábado, xunto ao seu primeiro videoclip. Con este álbume Manuel Madarnás marca un punto de inflexión na súa carrreira orientádose a música popular.

Mañá venres ás 20 h terá lugar no cárcere vello en Tui un concerto obradoiro denominado “Música nos Camiños” a cargp de Tres Tristes Tigres. É unha das actividades paralelas á Mostra do Traxe Tradicional que organiza a Asociación Cultural San Telmo e que até finais de mes se pode visitar neste lugar. Hoxe Luís Prego, profesor e membro de Tres Tristes Tigres, explicaba que neste obradoiro, convidan...

A “Responsabilidade, resistencia e rebeldía” serán os tres factores claves que estarán detrás da proposta e programación deste ano no Festival de Cans do 1 ao 4 de setembro. Así durante 4 días, celebraranse preto de 40 actividades diferentes. Coñecémolas nesta reportaxe de Alba Rodríguez.

O Club de Tiro con arco Arco Trasno de Tomiño realizará esta fin de semana unha xornada de portas abertas. Será no campo de fútbol de Amorín o sábado a partir das 16 h. Estarán presentes arqueiros de distintos puntos de España Nesta xornada farán entrega dos trofeos e das frechas de ouro aos 2 arqueiros do club que as gañaron na LITA, liga ibérica de tiro con arco.

Fran Núñez é o director do CDG e da obra "A contenda dos labradores de Caldelas ou entremés famoso sobre a pesca no río Miño". Hoxe falamos con el desta coprodución do CDG e a CTB que este venres ás 22 h poderemos gozar na Ribeira de Caldelas.

Este sábado ás 22 h na ribeira de Caldelas celebrarase o I Rocha Folk, Festival de Bandas de Gaitas Vila Termal de Caldelas. Contará coa participación das bandas de gaitasVila de Xixón, Coribantes de Ponte Caldelas, e Sao Tiago de Cardielos de Portugal, e da Escola de Gaitas e Percusión A Insua de Caldelas que se estrea neste evento. Alejandro Dacuña, presidente da Asociación Socio Cultural e Depo...

Os venres 27 de agosto e 3 de setembro terá lugar a terceira edición "Do Mar á Viña" unha experiencia de enogastroturismo e navegación no volanteiro O Piueiro. O guía turístico, Hugo Lage, falounos desta actividade promovida por Terras Gauda e Orpagu.

Do 22 ao 26 de setembro vaise celebrar unha nova edición de Play Doc, un festival que nos achega ás producións de realizadores internacionais sen perder de vista o local. Nese senso propón un obradoiro para a veciñanza no que retratar o entorno que habitamos. Será dirixido por Eloy Domínguez Serén. Así o explicaba hoxe Ángel Sánchez.

A ribeira de Caldelas vaise converter este venres nun teatro ao aire libre para acoller a representación de “A contenda dos labradores de Caldelas ou Entremés famoso sobre a pesca do río Miño”. Trátase dunha coprodución entre a Companhia de Teatro de Braga e o Centro Dramático Galego. Hoxe falamos co director da CTB, Rui Madeira.