Día a Día

42 bicicletas repartidas en grupos de 7 para cada concello das Eurocidades Tui-Valença, Tomiño Cerveira e Salvaterra-Monçao son as que haberá nas estacións de intercambio de bicicletas tranfronteirizas que estarán en funcionamento antes do verán. É unha iniciativa do AECT Río Miño. Falamos da mesma co seu vicedirector, Uxío Benítez.

Este xoves, 11 de marzo, ás 18:30 h Baobab Teatro presenta “O lobo e a lúa”, unha obra dirixida a público familiar de Óscar Ferreira e Andrea Bayer e interpretada por Xosé Manuel Esperante e Cora Sayers. Falamos coa directora sobre o argumento da obra.

Falamos co médico tudense Adrián Sousa Domínguez. Foi un dos médicos que estiveron na primeira liña de batalla fronte a Covid-19 cando chegaron os primeiros casos aos hospitais.

A Asociación de Voluntarios de Protección Civil de Tui necesita máis voluntarios para continuar coa súa labor altruista. Falamos dos requisitos e da labor da asociación co seu presidente co que se debe contactar para ser voluntario.

As 12h desta mañá presentábase na casa do concello de Tui o III Plan Municipal de Igualdade. Foi o primeiro dos actos programados co gallo do 8M, o Día Internacional da Muller. Ana Núñez adiantaba que o luns se poderá seguir en directo ás 12h nas redes sociais do Concello de Tui, un acto institucional reivindicativo no que haberá moitas sorpresas.

Sobre a situación da aula de Areas falamos esta mañá con Rocío Varela, a directora do CRA Mestre Clara Torres. Necesitan conseguir un alumno máis como mínimo para poder seguir coa súa actividade nesta aula. O prazo remata o 22 de marzo.

Mañá, ás 19.30 h chega ao Teatro Municipal de Tui a comedia “O Premio” con La Quintana. A obra está dirixida por Marian Bañobre e interpretada por Raquel Espada, Xurxo Cortázar e Victoria Teijeiro Álvarez. Con esta última falabamos hoxe do argumento desta peza teatral. Os prezos son de 6€ e 5€. Pódense mercar até mañá ás 18.30 h en tui.gal.

Este mércores tivo lugar na Casa do Concello de Tomiño a sinatura dun convenio de colaboración entre a Real Federación Galega de Motonáutica e a empresa operadora de internet e móbil Fibralar. O acordo pretende potenciar a implantación do rebautizado Campionato Galego Inclusivo Fibralar de Motonáutica que comeza o 27 de marzo.

Xa están a venda máscaras cirúrxicas fabricadas en Tui pola empresa AEPROTEC. Hoxe no programa día a día falamos co seu xerente, Roberto Lira. Adicábanse ao campo da impresión dixital e se reinventaron coa fabricación de mácaras cirúruxicas de gran calidade.

Maxia, ilusionismo, mentalismo, sombras chinescas... nun espectáculo no que nada é o que parece é o que poderemos gozar mañá no Teatro Municipal de Tui. 2 Mind Combined, con Ian Hamilton e Elisa Alfaya, presenta "Maxia sen trucos". Coñecemos os detalles deste evento con Elisa Alfaya. Entradas á venda en tui.gal.

España e Portugal presentarán unha candidatura conxunta ante a Unesco para que se inclúa no seu Rexistro de Boas Prácticas de Salvagarda, na categoría de Patrimonio Cultural Inmaterial, a Asociación Ponte nas Ondas.

A Asociación patrimonial e etnográfica acueducto de Caldelas denuncia verquidos incontrolados en distintos puntos desta parroquia, fundamentalmente na zona da antiga graveira. Denuncian entullos de obra ou incluso outros máis perigrosos como uralita ou cristais.

Este próximo sábado organízase en Tui, na aula da UNED no antigo convento de San Domingos na rúa Antero Rubín, unha xornada de promoción do Camiño Portugués da man da Orden del Camino de Santiago dentro do seu proxecto “Coñece os Camiños”. Será en horario de 11:30 a 17:30. Inscricións en info@ordendelcaminodesantiago.es

O AECT Rio Miño ven de comunicar as conclusións do seu estudo de impacto socieconómico da pandemia e do peche das fronteiras con Portugal encargado a UVigo. Falamos con Uxío Benítez este estudo que calcula perdas por valor de 92 millóns de euros nos 26 concellos transfronteirizos do miño durante o primer confinamento.

Esta semana comeza a programación cultural no Teatro Municipal de Tui. Está formada por seis espectáculos de maxia, cinema e teatro. A concelleira de Cultura presentaba na nosa sintonía a oferta cultural para este mes. Ian Hamilton de 2 Mind Combined, e Laura Villaverde de Artesa Cía. abrirán e pecharán, respectivamente, esta programación. As entradas poden adquirirse en tui.gal

Hoxe coñecemos Na Abada, unha empresa familiar que hai uns meses comezoua súa andaina no Baixo Miño ofertando froitas e verduras de produción propia, comercializándoos directamente. Patricia Rodríguez explicaba que os produtos van directamente da horta, situada en Tomiño, á casa dos clientes.

A alcaldesa de Tomiño lembraba hoxe a importancia de cumprir as medidas fronte a Covid-19. Tamén falamos con ela sobre melloras en sendas, camiños e instalacións deportivas. Anunciou a renovación do Parque infantil da Praza da Mina.

O alcalde de Tui, Enrique Cabaleiro, pedía prudencia esta mañá aos tudenses ante o fin do peche perimetral individual de Tui e a apertura da hostalería. Indicou que "é responsabilidade de todos seguir mantendo polo menos a situación epidemiolóxica actual para non volver a situación de partida".

O Tudense Jesús gonzález proclamouse Campión do Mundo de Remoergómetro en categoría de peso lixeiro este ano de xeito virtual. Explicabanos esta mañá no programa día a día como se desenvolveu este ano este campeonato e as súas próximas metas.

Falamos co alcalde da Guarda, Antonio Lomba, sobre a liña de axudas que está preparando o consistorio para a hostalería. Tamén sobre o proxecto do Polígono industrial entre A Guarda e o Rosal tras o inicio do estudo de viabilidade.

Sobre a situación da aula de Pexegueiro falamos esta mañá con Rocío Varela, a directora do CRA Mestre Clara Torres. Necesitan conseguir dous alumnos máis para evitar que peche esta aula o ano que ven. Falamos tamén cunha nai dun alumno de Pexegueiro.

Achegámonos á figura de Rosalía de Castro, e as actividades previstas en Tui con Rafael Sánchez Bargiela, director da Biblioteca Municipal.

Hoxe completamos a rolda de conversas cos grupos políticos tras a aprobación no pleno de xaneiro dos orzamentos para este ano 2021 co alcalde de Tui, Enrique Cabaleiro. Tamén valorou as novas medidas que entrarán en vigor este venres, e referiuse a distintos proxectos.

O concelleiro de novas tecnoloxías, Laureano Alonso, adiantaba esta mañá no programa Día a Día, as zonas do Rural nas que xa está dispoñible e preparada a rede de fibra óptica. Os usuarios desas zonas xa poden contactar coas operadoras que ofrezcan este servizo na zona para contratalo.

Gabriel, tudense, e Sara, nacida en Texas, é unha parella de Tui namorada da cultura e con ganas de descubrir mundo. Xuntos, tras unha longa viaxe por lationoamérica durante a pandemia, lanzaron “The Jungle Journal”, onde recollen historias persoais da xente autóctona dos lugares que visitaban.