Día a Día

O próximo 2 de outubro pasará por Tui un evento gravel "Grava&Polbo", unha modalidade de ciclismo que combina bicicleta de estrada e de montaña. Así o explicaba José Comesaña, un dos organizadores. A proba constará de 100 quilómetros cun desnivel de 1.800 metros. Tamén haberá unha opción máis curta de 54 quilómetros. A saída e meta estará en Gondomar. A inscrición está aberta ata o luns en www.mag...

En breve sairá á luz un libro titulado "Mozart á Galega". Este proxecto chega mañá a Tui en forma de concerto, ás 13 h no claustro da Catedral, da man de Atlantic Mozart Flute Quartets. O cuarteto está formado por David García, violín; Ioana Ciobotaru, viola; Luís Soto, frauta traveseira; e Millán Abeledelo, violonchelo. Luis Soto falounos hoxe deste proxecto.

O tudense Moisés Rodríguez volverá ao Parlamento Galego coma deputado. Moisés Rodríguez, exalcalde, exdeputado provincial, ocupou xa a pasada lexislatura unha das actas de deputado. Esta mañá en declaracións á Radio Municipal de Tui explicaba que é un privilexio que un tudense volva ao Parlamento Galego. Unha nova etapa que asume con ilusión para defender os intereses de Tui, do Baixo Miño e de Ga...

Esta fin de semana celébranse as rondas finais do VII Torneo de Tenis Eurocidade. Nas novas pistas de Areas, o domingo a partir das 12 h, terán lugar de xeito simultáneo as finais das categorías principais: a absoluta masculina, feminina e a junior. O bo nivel dos tenistas tudenses fixo que algúns deles estén clasificados para as finais.

Noelia Cedres, residente en Tui, presentou esta mañá no programa Día a Día o seu primeiro libro "Donde descansa la verdad". É unha historia de crónica negra baseado na dificultade de coñecer a fondo as persoas.

O médico e escritor tudense, Rosendo Bugarín, falábanos hoxe do seu último libro "Reflexiones en papel". É unha recompilación de pensamentos e recordos de diferentes épocas e contextos cun marcado fío condutor: a medicina e Tui.

Coñecemos da man dos doutores Mª Carmen Rodríguez e Jorge Ocampo as técnicas máis innovadoras para o tratamento facial, rexuvenecemento, estética e coidado da pel.

Seguimos repasando estes días as propostas que nos achegando dende o Play-Doc que arranca o mércores da próxima semana. Ata Tui chegarán invitados de moitísimos países. Ángel Sánchez, codirector do festival, falábanos dunha das dúas retoespectivas máis destacadas desta edición: a primeira retrospectiva española da cineasta de culto Bette Gordon, icona da contracultura de Nova York de finais dos an...

Tres cursos de extensión universitaria comezarán este mes de setembro na Aula da UNED de Tui. "Como pode crecer o comercio local na era de internet. O futuro das tendas físicas", "Guía práctica para a resiliencia e o autoconcepto de nenos de 3 a 10 anos: aplicando a teoría" e "A arte de reinventarse 3.0". Minerva Ojeda, coordinadora da aula de Tui, explicaba que se poderán seguir presencialmente,...

Este domingo na zona peonil do Paseo da Corredoira celebrarase a Feira de Oportunidades de ACITUI. Participarán unha véntena de comercio que ofrecerán roupa, calzado, complementos, mercería, xoguetes… Tamén estará presente a Protectora de Animais Aloia. Abrirán de 11 a 21 h e pola tarde contarán coa presenza do Pato Donald e Goofy. Así nolo explicaba hoxe Tania Otero de Cucadas. Será un evento seg...

Este xoves ás 11.30 h terá lugar no Teatro Municipal de tui a presentación de Play Doc 21. Correrá a cargo do codirector do festival, Ángel Sánchez, o alcalde de Tui, Enrique Cabaleiro, o secretario xeral de Cultura, Anxo Lorenzo, e a deputada de Cultura, María Victoria Alonso. Precisamente do festival a unha semana do seu comezo falabamos co seu codirector, Ángel Sánchez. Xa se iniciou a prevenda...

Novo tempo de radio no programa Día a Día co grupo Armonía de Tui da Asociación de Alcohólicos Anónimos. Marisa e Maica deixáronnos hoxe a súa testemuña, a súa experiencia na Asociación.

Tui contará cun obradoiro dual de Emprego co título Revaloriza Tui 2021 promovido pola Consellería de Emprego e Igualdade da Xunta. Disporá de dos módulos de Canteiría e Carpintaría para o arranxo de fontes, lavadoiros e muíños. A concelleira de Emprego de Tui, Ana María Núñez, valoraba esta mañá de xeito moi positivo esta noticia e daba conta tamén doutras actividades formativas que se levarán a...

Esta tarde, ás 17h, o cociñeiro e escritor Javier Zafra impartirá na aula da UNED un obradoiro sobre a cociña sefardí titulado “Sabores de Sefarad”. Está dirixido a profesionais da hostalería e restauración, e para cocineiros e chefs máis ou menos experimentados. Pretende incentivar o mantemento das técnicas culinarias da cultura xudea nos restaurantes das cidades pertencentes a Red de Juderías. F...

Máis de 5 mil persoas visitaron ao longo do mes de agosto a Mostra do Traxe Tradicional no cárcere vello. Estivo organizada pola Asociación do Traxe de Tui. A súa presidenta Conchi Sales e a Ana Pedreira fixeron hoxe balanzo da mesma. O concelleiro de Turismo, Laureano Alonso, agradecía o traballo realizado.

Estanse a celebrar as Xornadas Europeas da Cultura Xudía baixo o título de "Diálogos". Visitas guiadas, concertos, un xogo e propostas gastronómicas forman parte do programa a celebrar na Eurocidade Tui-Valença. Falamos das mesmas co concelleiro de Turismo e Patrimonio, Laureano Alonso, e co historiador e director da Biblioteca e Arquivo Municipal, Rafael Sánchez Bargiela.

Tras a aprobación onte polo Consello da Xunta de Tui coma Área Rexurbe hoxe falamos con Luciano Alfaya, redactor do proxecto presentado polo Concello de Tui á Xunta para lograr declaración. O ámbito de actuación será o conxunto histórico, o Paseo da Corredoira, e as rúas Bispo Lago e Martínez Padín.

Cada 15 días dende Modepen, Movemento Galego pola Defensa das Pensións e os Servizos Públicos, achegaranos a actualidade sobre este tema. Onte, Alfredo Hernández, coordinador no Baixo Miño desta asociación, e Antonio Pasarín, informático da mesma, introducían este novo espazo radiofónico.

Hoxe comeza, até o sábado, o MUMI 2021, o encontro profesional Músicas no Miño que se celebra na Eurocidade Tui-Valença. Falamos cunha das súas organizadoras, Emi Candal, sobre as experiencias que están xa compartindo, dende ás 10 da mañá, os 150 profesionais inscritos no evento. Tamén ofreceu máis dos detalles das actividades abertas ao público en xeral.

Tomiño continúa celebrando esta semana as súas festas patronais da Virxe do Alivio cunha programación cultural pensada para todos os públicos. Repasamos a programación coa alcaldesa de Tomiño, Sandra González, e falamos con Suso Montero, veciño da vila ao que se lle homenaxea este sábado, ás 20.30 h na praza do Seixo, polo seu compromiso con Tomiño e a súa axuda aos veciños.

Hoxe as nenas e nenos de Tui e de toda Galicia volven ao cole tras as vacacións de verán. Repasamos as obras acometidas este ano nos diferentes colexios da cidade e ademais anunciaba que o concello intentará levar a cabo a reforma da unitaria de Ribadelouro durante este curso.

Falamos co alcalde de Tui, Enrique Cabaleiro, tras coñecerse que hoxe a consellería de Medio Ambiente, Territorio e Vivenda leva hoxe ao Consello da Xunta a declaración de Tui coma Área Rexurbe. Un paso importante para impulsar a rehabilitación do Conxunto Histórico de Tui, do Paseo da Corredoira e das Rúas Bispo Lago e Martínez Padín.

Mañá chega o concerto de apertura do MUMI 2021 que será escenario da estrea absoluta da Orquestra Galego-Portuguesa de Liberación ás 21:30. Coa improvisación como nexo de unión e a vangarda como hábitat natural, a súa metodoloxía de traballo invocará músicas imposibles, inevitables e imprescindibles. Falamos esta mañá co seu director, Xacobe Martínez.

Estreamos hoxe unha nova sección para falar das accións formativas que se levan a cabo na aula da UNED en Tui no antigo Convento de San Domingos. Será un espazo de comunicación semanal na radio entre a cidadanía tudense e a UNED.

Seguimos repasando as diferentes propostas que nos achegan dende o MUMI 2021, o encontro profesional Músicas no Miño que se celebra dende mañá até o sábado na Eurocidade Tui-Valença. No evento haberá, por unha banda, actividades gratuítas para a cidadanía en xeral, con showcases localizados en espazos emblematicos de Tui (praza de San Fernándo e paseo da Corredoira) e de Valença (Fortaleza e Fonte...