Día a Día

O pasado venres o Balneario de Caldelas inaugurou un novo servizo, pioneiro a nivel estatal, trátase do Centro Zoolóxico Termal “El Arca". Falamos hoxe con Ana Rodríguez, xerente do Balneario de Caldelas, que nos explicou as características deste novo centro.

En Tomiño arranca esta fin de semana a programación de verán e a primera actividade chegará mañá co concerto que ofreza a música e vocalista Guadi Galego. Será na Praza do Seixo ás 22:30 h. Entrevistabámola esta mañá.

Dentro do programa do I Festival da Cultura Tradicional e Folk, o gaiteiro Anxo Lorenzo e a súa banda ofrecerán un concerto mañá ás 23:00 no Pórtico da Catedral de Tui. Un espectáculo deseñado de principio a fin para un escenario tan especial coma este. Anxo Lorenzo estivo hoxe no programa Día a Día.

Carmen Freiría, profesora do IES Antón Alonso Ríos en Tomiño, presentou hoxe na nosa sintonía a oferta formativa do centro de cara ao vindeiro curso.

A Sala Municipal de Exposicións do Concello de Tui acolle, ata o vindeiro 10 de xullo, a mostra “Espazo do Eu”, realizada pola moza tudense Cora Novoa. Explicábanos esta mañá a súa obra que permite acercanos ao concepto do “Eu” a través de esculturas que representan fragmentos do corpo.

Coñecemos a labor de Modepen a través de tres dos seus integrantes. Un movemento que busca a defensa das pensións públicas, e axuda aos colectivos máis perxudicados neste eido.

Mañá comeza o I Festival da Cultura Tradicional e Folk aquí en Tui. Un evento organizado pola Asociación Cultural Deportiva Recreativa Xuvenil San Telmo de Tui. Para falar de todas as actividades deste evento pasaban hoxe polo programa Día a Día, Conchi Sales, o gaiteiro Anxo Lorenzo, e Miguel Ángel Pena de O Fiadeiro.

Este xoves preséntanse en Santiago as guías de turismo de Tui, Monforte de Lemos e Ribadavia, as tres cidades galegas integradas na Rede de Xuderías. Unhas guías sobre o patrimonio xudeo realizadas pola especialista Alejandra Abulafia que se poden consultar xa en https://redjuderias.org/. Contábanolo esta mañá o historiador Rafael Sánchez Bargiela.

O concelleiro de Medio Ambiente, Ismael díz, e o apicultor Julian Iglesias presentaron no programa Día a Día un novo plan para previr a presencia de velutinas en Tui e nas parroquias. Un acordo entre apicultores e o Concello de Tui para instalar 150 trampas en lugares públicos.

A Quinta de Tui, en colaboración coa concellería de Deportes do Concello de Tui, organiza a 5º edición do seu Campús de Fútbol Sala que se celebrará do 2 ao 13 de agosto en horario de mañá. Inscrición aberta até o 10 de xullo no 690 058 579 Falamos do campus co concelleiro de deportes, Rafael Estévez, e co adestrador Xacobo Morais.

Zona Franca impulsa a construcción aquí en Tui, en Ribadelouro, dun novo parque empresarial de 670.000 metros cadrados cunha inversión de 20 millóns de euros. O alcalde de Tui, Enrique Cabaleiro, valoraba esta mañá, na nosa sintonía, esta noticia.

Xosé Manuel Álvarez e Sonia Pérez, profesores do IES Indalecio Pérez Tizón nos presentron hoxe a oferta formativa do centro de cara ao vindeiro curso.

Esta tarde ás 20.00 terá lugar na praza de Frómista o recital poético “Xela Arias no século XXI”, a homenaxeada este ano no Día das Letras Galegas. Falamos hoxe coa escritora Marga do Val, unha das compañeiras de xeración de Xela Arias que estarán no acto.

Os magos Javier Argüelles e Samuel Moreno preséntanos hoxe o festival de maxia "Baiona pinta maxia" que terá lugar este sabado e domingo nesa localidade. Haberá actuacións na rúa, no auditorio e no Museo da Carabela Pinta, onde terá lugar tamén un obradoiro de maxia para nenas e nenos. Actividades gratuitas até completar o aforo.

Este domingo celebrase en Tui, no novo pavillón deportivo municipal a partir das 10:30, o VII Campionato Ibérico de Kung Fu Eurocidade. Eduardo Méndez Sanjurjo, o presidente do Di-Som Tui, interviña hoxe na nosa sintonía para falar deste evento. Poderá seguirse en streaming na canle de Youtube da Federación Galega de Kung Fu.

Esta mañá interviña na nosa sintonía o alcalde de Tui, Enrique Cabaleiro, para valorar o investimento no Cárcere Vello de 329.859,49 € do Plan Nacional Turístico Xacobeo, co obxectivo de converterlo nun centro de acollida e interpretación de peregrinos e visitantes. Referíase amáis a recuperación do Conxunto Histórico-Artístico de Tui e avanzanza que nas vindeiras semanas aprobarase a inclusión de...

O festival do teclado da eurocidade Tui- Valença celebrase d o18 ao 22 de agosto.. Como antesala do festival, o organista Thomas Ospital ofrecerá un concerto na Catedral de Tui este sábado 26 de xuño ás 21 h. Falamos coa directora do evento, Andrea González, que avanzaba que o programa do festival anunciarase dentro de dúas semanas.

O pasado xoves comezaba nos institutos da nosa localidade, o programa “Tui Con Orgullo” co gallo do Día Internacional do Orgullo LGTBIQ, que se celebra o 28 deste mes. Música, contacontos infantís, encontros escolares e charlas informativas compoñen este programa co que pretende celebrar a diversidade e loitar contra a LGBTIfobia. Para falar desta programación pasaba esta mañá polo programa Día a...

A asociación de Alcohólicos Anónimos celebra en Tui reunións na Sala Félix Rodríguez, na Área Panorámica, para aquelas persoas que poidan ter un problema co alcohol. Son os martes de 10 a 11.30 e os xoves de 20 a 21.30 h. Dúas mulleres explicaban hoxe a súa experiencia na asociación.

Volve a iniciativa solidaria por San Xoán entre Flores Rita e Sos Tomiño Baixo Miño. Pódense recoller as Herbas de San Xoan este mércores nos exteriores da floristeria na rúa Ourense a cambio dun pequeno donativo ou a cambio de alimentos para a asociación. Tamén se pode colaborar entregando estas flores na propia tenda. Así o explicaba Rita Álvarez, propietaria de Flores Rita, e a vogal da ONG, El...

O misterio é unha das novidades que incorpora Buguina Turismo as súas visitas guiadas. “Misterios misteriosos e outros casos curiosos” é o título do novo percorrido que realizarán caracterizados, polo centro histórico de Tui. Serán os martes, venres e domingo ás 22.45 h, comezando este venres. Amais as visitas ao conxunto histórico serán os luns, martes, mércores, sábados e domingo, ás 11 h e 12.3...

Hoxe no Club de Emprego, que desenvolvemos xunto coa concellería de Emprego do Concello de Tui, participou Beatriz Pardo, directora de recursos humanos de Plaintec. Con ela coñecemos un pouco mellor a empresa que conta con 65 empregados actualmente. Deu conta da formación que realizan, e dos postos de traballo en oficios que precisan cubrir. Tamén abordou cómo elaborar un curriculum

Dentro da campaña #NonnosXulgues de Igaxes para acabar co estigma que padece a mocidade tutelada, hoxe coñecemos a experiencia de Monse.

Corenta e un deportistas menores de 11 anos participarán mañá sábado no pavillón do IES San Paio no Campionato Autonómico Sub11 de bádminton. Polo programa Día a Día pasaban hoxe a presidenta e o secretario do Club Badminton Tui, Marisa Giráldez e Javier Argüelles. No club teñen escola base para nenos e tamén para adultos. Continuaran coa súa actividade en verán aquí en Tui e amáis porán tamén en...

Coa alcaldesa de Tomiño, Sandra González, iniciamos hoxe a rolda de conversas que manteremos cos rexedores dos concellos da nosa zona para valorar os dous primeiros anos desta lexislatura.