Día a Día

José Ángel Fernández, voceiro do PP, valoraba hoxe a última sesión plenaria ordinaria da corporación municipal de Tui. Indicaba que ao pleno de xullo levábanse cuestións decisivas nalgúns asuntos, pero precisaba que todos os plenos son importantes.

O compromiso por divulgar o legado cultural da Catedral afinazouse aínda máis na décimo quinta edición de Música no Claustro que rematou o pasado sábado. Así o explicaban hoxe Samuel Diz e Beatriz Fontán, ao facer balanzo do festival deste ano.

Eva Ara, Ainhoa Castro e Laura Fernández do Penedo Te Importa forman parte da Selección Española de Kaiak Polo. O equipo nacional preparará esta fin de semana en Tui o Campionato de Europa que en outubro se vai celebrar en Sicilia. Falamos desta concentración e do campionato con Eva Ara.

Laureano Alonso, voceiro de En Marea, facía balance hoxe do pleno celebrado no mes de xullo pola corporación municipal de Tui. No seu parecer foi un pleno tranquilo no que se aprobaron asuntos de gran importancia para Tui.

Con Jose Manuel Palacín de C21 continuamos hoxe a rolda de conversas para valorar o pleno celebrado o pasado mes de xullo pola corporación municipal de Tui. Destacaba o voceiro de C21 que foi en liñas xerais un pleno de consenso.

Luís Prego será o responsables do obradoiro de instrumentos musicais que este venres ás 19 h se vai celebrar no cárcere vello. É unha das actividades paralelas á Mostra do Traxe Tradicional que até o día 31 se pode visitar neste espazo. Está organizada pola Asociación San Telmo coa colaboración do Concello de Tui.

O sábado 4 e domingo 5 de setembro celebrarase a V Feira do Peregrinos en Tui. Busca render unha homenaxe aos peregrinos que cada ano pasan pola cidade. Falamos deste evento con Juan Carlos Blanco, presidente de ACITUI, e Miguel Martínez da Asociación Turismo Cidade de Tui.

Bea e Marián, membros da Asociación de Alcohólicos Anónimos de Tui acompaáaronos hoxe de novo no programa Día a Día.

O Tyde F.C. afronta a nova temporada con folgos renovados tras un ano complicado debido á pandemia. Elías Vieiro, presidente do club, e José Manuel Quintana, director da escola deportiva, explicáronnos hoxe coma preparan a nova temporada.

Manuel González Vázquez, voceiro de Ciudadanos na corporación municipal de Tui, valorou hoxe o pleno ordinario do mes de xullo da corporación municipal. Estas eras as súas palabras.

A artista extremeña Chloé Bird estrerá en concerto o seu novo disco “Flores y Escombros” mañá ás 21.30 h no Claustro da Catedral, nun evento musical que pecha a edición deste 2021 de Música no Claustro. Hoxe contounos coma é este novo disco que marca un novo rumbo na súa carreira

Estes días as rúas de Tui viven un ir e vir de visitantes e peregrinos que aproveitan para coñecer a cidade Esta afuencia de visitantes queda reflectida nos datos de atención ao público da Oficina municipal de Turismo con máis de 8 mil consultas en xullo. O concelleiros de Turismo. Laureano Alonso, valoraba estes datos.

Aldara Andrés, África Rodríguez e Cristina Fernández participaron nos campionatos de Galicia e de España de Natación, logrando bos resultados. Falamos con elas e co responsable do Club de Natación Baixo Miño Eurocidade, Juanjo España.

“Pequeña tempestad” é o título do concerto que ofrecerán Pablo Cantalapiedra, Rita Rodríguez e Moisés Maroto. Eles forman Serendipia Ensemble, un grupo dedicado á interpretación historicamente informada de músicas do Barroco, do Renacemento e da Idade Media que mañá ás 21.30 h actuará en Tui no festival Música no Claustro.

Este sábado ás 12 h na praza do Seixo a Plataforma en Defensa da Sanidade Pública de Tomiño convoca unha concentración demandando melloras na atención sanitaria no municipio. O pasado sábado houbo xa unha concentración en Goián reivindicando amais a reapertura do consultorio desta parroquia. Así nolo contou hoxe Violeta de Santiago.

"4 veces 20.Senderos de las palabras" é o título do libro que o tudense José Antonio Giráldez vén de publicar. Hoxe coñecemos da súa man esta obra na que brinda ao lector reflexións e vivencias que levan aparecendo ao longo da súa vida.

O músico italiano Davide Bucci está a realizar unha residencia artística na Catedral no marco de Música no Claustro. Mañá xoves ás 21.30 h ofrecerá un concerto no órgano da catedral que vén de ser posto a punto polo obradoiro de Grenzing. Desta actuación falamos con Daniel Goberna, prefecto de música da Catedral

Demandar a mellora da atención sanitaria no municipio foi o obxectivo das 1.200 sinaturas presentadas esta semana na delegación da Xunta en Vigo pola Plataforma en Defensa da Sanidade Pública do Rosal. Hoxe falamos coa alcaldesa, Ánxela Fernández, e coa médica do centro de saúde do Rosal, Blanca Fernández.

Terceira xornada de Música no Claustro hoxe coa poesía de Fernando Beltrán e a música do galego Saúl Puga. A cita será ás 21.30 h. Xa non hai entradas en reserva previa pero ofreceranse 25 máis que se cubrirán por orde de chegada. Será un encontro único, un encontro entre palabra e música ao contrabaixo coma nos explicaba o director de Música no Claustro, Samuel Diz, e o propio Fernando Beltrán.

O pasado venres presentouse a V Feira do Peregrino que se vai celebrar en Tui o sábado 4 e o domingo 5 de setembro. Poderase gozar neses días de todo tipo de actividades dende cinema, teatro, entretemento infantil ou artesanía. Tamén haberá un ciclo de conferencias sobre o Camiño de Santiago Portugués. O evento naceu no ano 2016 da man de ACITUI. Así o contamos en #Noticias1330.

Onte domingo deu comezo o festival Música no Claustro que terá lugar ata este sábado 7 de agosto no Claustro da Catedral de Tui. Hoxe ás 21:30 será a quenda da cantaora flamenca Angeles Toledano coa que falabamos hoxe xunto a Samuel Diz, director do festival. Quedan aínda prazas para o concerto de mañá Fernando Beltrán e Saúl Puga que se poderán reservar hoxe de 16 a 19 h no 644 035 055.

Onte domingo deu comezo o festival Música no Claustro que terá lugar ata este sábado 7 de agosto no Claustro da Catedral de Tui. Hoxe ás 21:30 será a quenda da cantaora flamenca Angeles Toledano coa que falabamos hoxe xunto a Samuel Diz, director do festival. Quedan aínda prazas para o concerto de mañá Fernando Beltrán e Saúl Puga que se poderán reservar hoxe de 16 a 19 h no 644 035 055.

Unha das novidades do XV Música no Claustro é o foro profesional de instrumentos musicais #RESONANCIAS que se vai celebrar o 4 e 5 de agosto. Elena Fabeiro, xerente da Fundación Pública Artesanía de Galicia, deunos conta do obxectivo desta actividade e da súa importancia.

Hoxe seguimos coñecendo o programa do festival Música no Claustro que dende este domingo celebra a súa XV edición na Catedral de Tui. Falamos hoxe coa oboísta galega Iria Folgado que este domingo ofrece un concerto como peche da súa residencia artística no festival. Unha cita na que o oboe será o protagonista, e no que estará acompañada pola violinista tudense Sara Areal, a violista Cristina Corde...

Este sábado celébrase no Paseo da Corredoira o 3x3 de Baloncesto organizado polo CB Tui. É unha das actividades coas que conmemora o seu 40 aniversario. Javier Niño, director técnico do club, deunos conta de todos os detalles deste torneo que buscar sacar o baloncesto á rúa.