Día a Día

O tudense Gustavo Rodríguez coma guía de Héctor Catalá participa na madrugada deste venres ao sábado nos Xogos Paralímpicos en Toquio na modalidade de Triatlón. Falamos con eles dende a capital nipona de cómo afrontan esta competición olímpica.

LAMMARCA é o traballo discográfico que Manuel Madarnás presentou o pasado sábado, xunto ao seu primeiro videoclip. Con este álbume Manuel Madarnás marca un punto de inflexión na súa carrreira orientádose a música popular.

Mañá venres ás 20 h terá lugar no cárcere vello en Tui un concerto obradoiro denominado “Música nos Camiños” a cargp de Tres Tristes Tigres. É unha das actividades paralelas á Mostra do Traxe Tradicional que organiza a Asociación Cultural San Telmo e que até finais de mes se pode visitar neste lugar. Hoxe Luís Prego, profesor e membro de Tres Tristes Tigres, explicaba que neste obradoiro, convidan...

A “Responsabilidade, resistencia e rebeldía” serán os tres factores claves que estarán detrás da proposta e programación deste ano no Festival de Cans do 1 ao 4 de setembro. Así durante 4 días, celebraranse preto de 40 actividades diferentes. Coñecémolas nesta reportaxe de Alba Rodríguez.

O Club de Tiro con arco Arco Trasno de Tomiño realizará esta fin de semana unha xornada de portas abertas. Será no campo de fútbol de Amorín o sábado a partir das 16 h. Estarán presentes arqueiros de distintos puntos de España Nesta xornada farán entrega dos trofeos e das frechas de ouro aos 2 arqueiros do club que as gañaron na LITA, liga ibérica de tiro con arco.

Fran Núñez é o director do CDG e da obra "A contenda dos labradores de Caldelas ou entremés famoso sobre a pesca no río Miño". Hoxe falamos con el desta coprodución do CDG e a CTB que este venres ás 22 h poderemos gozar na Ribeira de Caldelas.

Este sábado ás 22 h na ribeira de Caldelas celebrarase o I Rocha Folk, Festival de Bandas de Gaitas Vila Termal de Caldelas. Contará coa participación das bandas de gaitasVila de Xixón, Coribantes de Ponte Caldelas, e Sao Tiago de Cardielos de Portugal, e da Escola de Gaitas e Percusión A Insua de Caldelas que se estrea neste evento. Alejandro Dacuña, presidente da Asociación Socio Cultural e Depo...

Os venres 27 de agosto e 3 de setembro terá lugar a terceira edición "Do Mar á Viña" unha experiencia de enogastroturismo e navegación no volanteiro O Piueiro. O guía turístico, Hugo Lage, falounos desta actividade promovida por Terras Gauda e Orpagu.

Do 22 ao 26 de setembro vaise celebrar unha nova edición de Play Doc, un festival que nos achega ás producións de realizadores internacionais sen perder de vista o local. Nese senso propón un obradoiro para a veciñanza no que retratar o entorno que habitamos. Será dirixido por Eloy Domínguez Serén. Así o explicaba hoxe Ángel Sánchez.

A ribeira de Caldelas vaise converter este venres nun teatro ao aire libre para acoller a representación de “A contenda dos labradores de Caldelas ou Entremés famoso sobre a pesca do río Miño”. Trátase dunha coprodución entre a Companhia de Teatro de Braga e o Centro Dramático Galego. Hoxe falamos co director da CTB, Rui Madeira.

Mañá sábado Descenso, tanto o popular coma o internacional, volverán encher o Miño de piraugas. No eido deportivo o Descenso Internacional contará con destacados padeeiros, moitos clasificados para o Mundial de Maratón, que marcarán un alto nivel. Así o explicaba o presidente do Kaiak Tudese, Diego Piña.

“Estridentismo” é o título do concerto que hoxe Mecánica Poular con Eugenio Muñoz e Luis Delgado ofrecerán ás 22.30 h na rúa Olímpicos Tudenses no marco do IKFEM. Luís Delgado avanzaba coma será o concerto desta noite.

No cárcere vello, na rúa Sanz, continúa até finais de mes a Mostra do Traxe Tradicional organizada pola Asociación Cultural San Telmo. Esta tarde poderemos coñecer con máis detalle a vestimenta tradicional tanto de home coma de muller, no acto previsto ás 20 h da man de Luís Prego. No patio do cárcere combinarase a explicación de cada peza da vestimenta cunha peza musical dedicada precisamente a e...

“Ao sur do Jazz” a cargo de Andrés Barrios e Marco Rodrigues. As entradas están esgotadas. A actuación de hoxe suporá unha fusión entre o fado de Marcos Rodrigues e o flamenco de Andrés Barrios. Así o explicaba, Andres Barrios.

Pleno moi importante con moito contido cun carácter máis técnico que político. Así o explicaba o alcalde de Tui, Enrique Cabaleiro, na valoración da sesión plenaria de xullo. Tamén se referiu a outros asuntos da actualidade municipal.

Os tres ballet máis representativos de Stravinsky serán os que interpreten hoxe Marta Zabaleta e Miguel Borges ao piano no concerto inaugural do IKFEM. Será ás 22 h na rúa Olímpicos Tudenses. Precisamente hoxe Marta Zabaleta explicaba coma será o concerto., para o que xa non hai entradas.

Adaptada as actuais circunstancias dende este venres celébrase na ribeira de Caldelas a Semana Cultural organizada pola Asociación Cultural A Insua con tres xornadas nas que haberá maxia, música, animación… Eduado Dacuña, membro da Asociación Cultural A Insua, explicaba precisamente as actividades previstas

Carmen Núñez, voceira do BNG, interviu hoxe dentro da rolda que estamos a manter para valorar o pleno da corporación municipal de Tui do mes de xullo. Un pleno cargado de contido, dicía, e aproveitaba para reclamar a celebración de sesións plenarias mensuais.

O próximo martes ás 10 h terá lugar a primeira andaina saudable organizada pola Cruz Vermella en Tui. Será pola ruta dos Muíños do Tripes. Está aberta a inscrición no 986 61 46 09 ou no correo laguardia@cruzroja.es

Dende mañá ata o 22 de agosto terá lugar na Eurocidade Tui-Valença a IX edición do IKFEM. Andrea González, directora do IKFEM, axudounos a coñecer máis de cerca as novidades que traerá este ano o festival, o cal porá en valor diferentes tipos de arte como a música ou a moda.

Abrimos hoxe de novo no programa Día a Día o tempo de radio do grupo Armonía de Tui da Asociación de Alcohólicos Anónimos. Fernando e Key deixáronnos hoxe a súa testemuña, a súa experiencia na Asociación, e do "abandono de ideas antigas" sobre o alcoholismo.

Que mellor lugar para ver as Perseidas que o Monte Aloia? Estes días a coñecida fada do Aloia está a organizar unhas visitas nocturnas ao parque natural. Nestas noites máxicas, os visitantes van acompañados desta fada que ensinaralles dos misterios astronómicos. Natalia Lago, a nosa fada, explicaba o obxectivo destes percorridos.

Esta tería que ser a fin de semana grande das Festas do Monte da Guarda, pero debido á pandemia mañá non haberá o desfile de bandas mariñeiras nin o domingo a tradicional subida ao monte. Ao longo da semana estanse a celebrar algunhas actividades con todas as medidas de seguridade. Falamos co alcalde da Guarda, Antonio Lomba.

Hoxe a noite a Praza de San Fernando viaxará a unha Galicia intemporal e máxica, grazas a "Leira" un espectáculo de Nova Galega de Danza. Terá lugar ás 21:00h e haberá un total de 120 prazas que se cubrirán por orde de chegada. O espectáculo entra dentro do programa “Propulsa Danza + Paisaxe + Patrimonio” da Xunta de Galicia, e forma parte da programación cultural do verán do Concello de Tui.

Un pintor e un escultor serán hoxe os protagonistas ás 21h en Goián coa inauguración dunha escultura do pintor Antonio Fernández, na praza que leva o seu nome, realizada por Magín Picallo. Dobre homenaxe o que rende así o concello de Tomiño coma explicaba hoxe a súa alcaldesa, Sandra González. Na entrevista que mantivemos con ela comezaba lembrando a Manuel Leirós falecido no día de onte.