Día a Día

O pasado sábado celebrouse en Tui a XXIII Feira do Libro Galego no Paseo da Corredoira. O pregón foi lido pola escritora Sonia Mirón. Interviron tamén o alcalde, Enrique Cabaleiro, e a concelleira de Cultura, Sonsoles Vicente.

Hoxe ás 20.30 h celebrarase un acto conmemorativo no barrio da Torre en Paramos cando se cumpren catro anos da explosición rexistrada no mesmo. Falamos do mesmo hoxe con Salvador García, presidente da Asociación. de Afectados de Paramos, quen nos explicou a situación actual do barrio.

Concerto especial para celebrar o Día das Letras Galegas a cargo da Banda de Música Popular de Tui, a Banda de Gaitas Lembranzas da Terra e o grupo folclórico Lembranzas da Terra. Do mesmo faláronnos Eloy Carrera e Alicia González. Estaba previsto para o martes 17 ás 21 h pero foi adiado debido á previsión de choiva.

A tudense Andrea González vén de presentar o seu novo disco “Salvado - Piano Works” publicado por Warner Music. No mesmo recupera a música de Rosendo Salvado tras dedicar oito anos a descubrir, estudar e interpretar a música para piano do que fóra bispo de Nova Nursia.

Dende hoxe e até o domingo celébrase a XIX Romaría Cabalar entre Ribadelouro e Pontellas organizada pola Peña Cabalar Val do Louro. Trátase dunhas as principais romarías destas características que se celebran en Galicia que reunirá a máis de 1500 cabalos.

Mañá ás 12 h será inaugurada a Feira da Artesanía que cunha trintena de postos de artesás e artesáns, obradoiros, oficios artesanais, actuacións musicias se vai celebrar até o próximo martes. Da feira falamos hoxe coa concelleira de Comercio e Mercado, Ana Mª Núñez.

O bispo da diocese Monseñor Luís Quinteiro Fiuza, acompañounos esta mañá no programa Día a Día para falar de distintas cuestións, entre elas, as obras para crear novo Museo Catedralicio. Tamén se referiu ás bodas sacerdotais que se celebran hoxe.

Este domingo, sobre ás 12.30 h, pasará por Tui a Copa de España de Ciclismo. Serán 180 quilómetros, seis portos de montaña, entre eles o Aloia, 4.100 metros de desnivel acumulado. Está organizada polo Club Ciclista Rías Baixas.

Alumnado do CEIP nº1 de Tui realizará mañá venres, dende ás 10 h , no Paseo da Corredoira a carreira "Quilómetros de solidariedade" de Save The Children. A recadación destes quilómetros solidarios destinarase a proxectos para loitar contra a desnutrición no corno en África. Así nolo contou Lucía Melo, profesora do CEIP nº1.

A “Importancia da saúde mental na adolescencia” é o título da charla que a psicóloga xeral sanitaria Sara Pérez Abraldes, ofrecerá ás 19 h no Seminario Menor. Esta actividade abre as Xornadas Educativas organizadas polas ANPAS de Tui.

Patrimonio vén de autorizar o proxecto de humanización do Paseo da Corredoira que suporá un investimento de preto de 1,5 millóns de euros e se executará en dúas fases. O alcalde de Tui, Enrique Cabaleiro, así o explicaba hoxe na nosa sintonía indicando que se trata dun proxecto clave para a cidade.

Este xoves comezan as Xornadas Educativas organizadas polas ANPAS de Tui que se van celebrar os xoves deste mes de maio ás 19 h no salón de actos do seminario menor. Javier Argüelles da ANPA de Guillarei deunos hoxe todos os detalles.

Seguimos recibindo convidados do festival Play Doc. Hoxe estiveron connnoso Haden Guest con que falamos das 4 películas Richar P Roger que pertencen ao archivo de Colección do Arquivo Cinematográfico de Harvard, e Eva Lindeman quen nos contou coma Bruce Weber realzou "O Tesouro da súa mocidade: as fotografías de Paolo Di Paolo" que se proxecta mañá ás 22.30h. Tamén nos acompañou Ángel Sánchez, cod...

Mañá dende ás 9.30 h celébrase no pavillón do IES San Paio o I Torneo San Telmo de Bádminton, organizado polo Bádminton Tui. A súa presidenta, Marisa Giráldez, deunos hoxe todos os detalles.

A sesión das 17.30 h de hoxe venres en Play Doc ábrese coa proxección de “MEMORIA” de Nerea Barros, unha curta de quince minutos que compite na sección Galicia. É a primeira peza de Nerea Barros coma directora e está dedicada aos seus avós. Este audiovisual lévanos a Urzbekistán coa historia dun avó, unha neta e un mar que xa non existe.

No programa especial de Día a Día dende Play Doc hoxe estiveron connosco Martin Pardo e Vela Álvarez alumnos, e Enrique, profesor do Colexio Marcote, que asistiron esta mañá á proxección de "Europa".

Entre os convidados que nos acompañaron esta mañá no especial Play Doc estivo Andrés Goteira que onte presentaba o seu primeiro documental “Welcome to Ma Maison”, que se proxectou onte á noite.

Ás 17.30 h proxéctase no Seminario Menor o resultado do obradoiro "O imaxinario da fronteira" no que veciños e veciñas de Tui retrataron o seu concepto de fronteira. Ao fronte do obradoiro estivo o director Eloy Domínguez Serén, quen hoxe no especial Play Doc nos contou coma foi esta experiencia.

Un festival con identidade e recoñecemento. Así se refería hoxe a Play Doc, Ángel Sánchez, codirector do festival. Falaba dun gran festival que precisaría de máis tranquilidade orzamentaria. Tamén se refería ao impacto económico que xera Play Doc máis aló do ámbito cultural e da proxección internacional que realiza de Tui. Daba conta tamén das viaxes que poderemos realizar a través das películas q...

Sara García, codirectora de Play Doc estivo hoxe no programa especial Día a Día que realizamos dende a sede do festival. Sara García falaba dos retos que afrontan cada ano, e da excelente programación que presentan neste 2022. Recomendaba especialmente a retrospectiva de Antonio Campos.

A alcaldesa de Tomiño, Sandra González, estivo hoxe no programa Día a Día, onde abordou distintos asuntos da actualidade tomiñesa. Dende o bo índice de compostaxe que rexistran, ao estado das obras da futura biblioteca, ou o proxecto de áreas de autocaranvas entre outros.

A Plataforma en Defensa da Sanidade Pública de Tui celebrou reunión informativa este luns. Hoxe a súa voceira, Conchi Martínez Aguilera, lamentaba a escasa participación rexistrada na mesma. Neste encontro informaron das accións realizadas e das que van levar a cabo. Lembraba amais a manifestación en defensa da sanidade pública que terá lugar o próximo xoves 12 de maio ás 20 h en Vigo.

Esta mañá visitáronnos alumnos e alumnas do IES Indalecio Pérez Tizón de Tui e do IES de Castelo Branco que están a realizar un intercambio escolar. Contáronnos os obxectivos desta actividade e como está a ser a experiencia.

Quedan pouco máis de 24 horas para a inauguración de Play Doc, que cumpre 18 anos. A inauguración será mañá mércores ás 20.30 h. Ángel Sánchez, codirector do festival, lembrou hoxe as retrospectivas dedidcadas ao portugués Antonio Campos e á alemá Helke Miseikvic. Mañá ás 20.30 h comeza o XVIII Play Doc. Ángel Sánchez, codirector do festival lembrou a xornada inaugural e falou das retrospectivas d...

Hoxe ás 20 h, na zona anexa da Sala Municipal de Exposicións inaugurarase a mostra “Lebres coma gacelas” promovida pola Deputación de Pontevedra. A deputada de Igualdade e Cultura, Victoria Alonso, explicaba hoxe coma esta mostra naceu para homenaxear a Xela Arias, partindo da súa obra “Tigres coma cabalos”. Esta tarde haberá un recital de poesía e música, a cargo de Miriam Ferradáns e Lorena Cond...