Día a Día

O cambio de presidencia ao fronte da Red de Juderías e asinar un convenio con Paradores foron dous dos principais asuntos tratados onte na Asemblea Xeral da Red de Juderías de España, na que participou o alcalde de Tui, Enrique Cabaleiro. O rexedor tudense fixo balanzo dese encontro, e tamén avanzou o obxectivo da presentación que mañá terá lugar en SAlvaterra do proxecto Miño Destino Navegable.

A música ten protagonismo especial este Nadal na programación elaborada polo Concello de Tui. A concelleira de Cultura, Sonsoles Vicente daba conta do programa previsto e anunciaba novidades no mesmo.

A Fada do Aloia preparou actividades especiais para este Nadal, coma é o caso da ruta que vai realizar esta fin de semana na que contará aos participantes un conto de Nadal. Amais realizará un obradoiro de adornos de Nadal e hai un buzón viaxeiro por Tui para depositar as cartas de Papa Noel e os Reis Magos.

O Paseo da Corredoira acolle este venres, ás 19.30 h, o espectáculo "Un conto de Nadal" que se vai estrear en Tui. Serán 2 horas de música coa orquestra La Oca Banda e artistas convidados e agrupacións locais. Do mesmo falounos hoxe Dani Dopazo, director do espectáculo.

Mañá xoves, 16 de decembro, ás 20 h o Teatro Municipal de Tui acollerá o Concerto de Nadal do Conservatorio Profesional de Música de Tui e da Escola de Música, dentro da programación de Nadal do Concello de Tui. Deste evento falounos o director do CMUS Tui, Rubén López. A entrada é gratuíta e pode reservarse en www.tui.gal.

Esta mañá no programa Día a Día realizamos o sorteo dun lote de Nadal de produtos galegos de Maruxiños VK en beneficio de SOS Tomiño - Baixo Miño. Pilar Álvarez de SOS Tomiño Baixo Miño achegouse aos nosos estudos para facer o sorteo. O agraciado foi o número 19 que corresponde a Jesús Carrera.

O luns 20 ás 20.30 h na Sala Félix Rodríguez está convocada unha reunión para formar unha Plataforma en Defensa da Sanidade Pública en Tui. Desta convocatoria falounos hoxe José Martínez Tato, que participa na convocatoria pero que non estará ao fronte da plataforma.

No tempo que cada semana dedicamos á Educación hoxe falamos con Teresa Domínguez o novo bacharelato.

EmpreTui pon en marcha a partir do próximo luns unha campaña de Nadal na que os turróns artesáns veñen con premio. Este doce de Nadal elaborado pola Panadería Tudense vén con descontos, agasallos, descontos... nos establecementos participantes. Así nolo contou hoxe Abel Vila, presidente de EmpreTui.

Co alcalde de Tui, Enrique Cabaleiro, abordamos esta mañá distintos temas da actualidade local dende a incidencia da covid na cidade, á adhesión ao sistema VIOXEN, á confirmación da axuda para converter o cárcere vello en centro de acollida de visitantes ou os próximos proxectos a executar.

A situación da atención primaria na comarca ten levado a que nas últimas xornada se teñan convocado distintas concentración reclamando as melloras da atención primaria. Este mediodía a convocatoria tivo lugar diante do Centro de Saúde da Guarda. Manuel Moreira, responsable da CIG no Baixo Miño, explicaba o porqué desta convocatoria. O martes á mañá tivo lugar unha concentración en Tomiño convocada...

"A Historia da Luz" é o título do concerto que este sábado, ás 20 h, Mistura Vocal vai ofrecer no Teatro Municipal de Tui dentro da programación "Tui, o Camiño do Nadal". O coro está dirixido pola tudense Aloia Martínez, quen hoxe nos falou deste evento musical. As entradas poden reservarse de balde en www.tui.gal.

Alumnado do IES San Paio e do IES Francisco Sánchez está a participar esta semana nun Taller Formativo en Prevención das Violencias Sexuais a cargo de Zúa Méndez e Teresa Lozano, creadoras de Towanda Rebels. Con esta última falamos esta mañá.

O Voluntariado da Caridade realizará un rastrillo solidario esta fin de semana no colexio da Milagrosa, e ao tempo tamén estarán presentes no Mercado de Nadal no Paseo da Corredoira. Paz González, Luisa Alonso e Pilar Álvarez, explicáronnos que poderemos atopar. O obxectivo é reunir fondor para soster a Unidade de Hixiene e o Ropeiro que teñen en marcha.

O Teatro Municipal de Tui acolle mañá sábado ás 18 h un Festival Solidario a favor de SOS Tomiño Baixo Miño organizado por Protección Civil de Tui. Actuarán o grupo folclórico Xuntanz a de Randufe e as bandas de gaitas de Guillarei e Paramos. Do mesmo falamos con Juan González e José Quinteiro - Festival Solidario a favor de Sos Tomiño-Baixo Miño

Ás 18.30 h abrirá no Paseo da Corredoira o Mercado de Nadal organizado polo Concello de Tui. Até o próximo domingo 12 vinte postos ofrecerán produtos vinculados a estas datas dende decoración, agasallos ou gastronomía. Nolo contou a concelleira de Comercio, Ana Mª Núñez.

Hoxe ás 18.30 h na praza da Inmaculada terá lugar o acendido da iluminación de Nadal que marca o inicio da programación festiva. Tamén hoxe se estrea a decoración de Nadal á que este ano se sumaron as asociacións culturais

"76 kilómetros" é o título da novela de intriga que vén de publicar Ernesto García. Ambientada na Catedral de Tui e no contrabando entre Galicia e Protugal nos anos 50 e 60 é froito do traballo de investigación realizado nos últimos anos. Hoxe falamos con el da súa relación con Tui e da novela.

A Cruz Vermella no Baixo Miño iniciará o 22 de decembro unha actividade de Xestión Emocional en Tui. Terá lugar de 10 a 12 h. Da mesma falamos hoxe con Neli Rodríguez e Elsa Bugallo da Cruz Vermella Baixo Miño.

O vicedirector do AECT Río Miño, Uxío Benítez, lamentaba que cunha decisión que afecta a tantas persoas na zona fronteiriza non se envíe unha mensaxe clara por parte do goberno portugués, o que provoca dicía un "efecto espantada na fronteira".

Confusión e preocupación xerou en Valença a medida anunciada polo goberno portugués para acceder ao país veciño coa entrada en vigor esta pasada noite no Estado de Calamidade. Así o explicaba o presidente da Cámara, José Manuel Vaz Carpinteira. Aclaraba que neste momento con certificado covid da UE é suficiente.

O alcalde de Tui, Enrique Cabaleiro, pronuncíabase hoxe o paso a Portugal co pasarporte covid europeo. Daba conta tamén do empeoramento dos datos con respecto á covid, e lle preguntabamos sobre as obras de renovación de infraestructura e vía do tramo Estación de Guillarei-Frontera portuguesa que ADIF vén de sacar a licitación.

Con José Antonio Torres, director de Altos de Torona coñecemos dous dos produtos desta adega relacionados co Nadal coma son os Altos de Torona Brut e o Turrón de Albariño Bell Prazer.

A ANPA do Colexio Maristas de Tui organiza un rastrillo a favor de ASANOG, a Asociación de Nenos Oncolóxicos de Galicia, celebrarase os días 10, 11 e 12 de decembro no claustro do Seminario. Estes días están a recoller os xoguetes e libros que logo conformarán o rastrillo.

Este venres, ás 21.30 h Camerata Lírica presenta no Teatro Municipal de Tui "La Boheme" de Puccini dentro da xira que están a realizar por toda España. É unha adaptación desta ópera para que se poden adquirir as entradas en www.tui.gal aos prezos de 8€ e 6€.