Día a Día

Hoxe estiveron na nosa sintonía Marisa Giráldez e Javier Argüelles, do clube Badminton Tui para contarnos que retoman a actividade de adestramentos o próximo martes 2 de agosto, de 10 da mañá ás 13 horas. Serán os martes e xoves no instituto San Paio de Tui.

“Volta ás Orixes” é o título do concerto que ofrecerán as irmás violinistas tudenses Sara e Raquel Areal Martínez xunto á pianista Karla Martínez ofrecerán este venres ás 22:15h na praza de San Fernando. Ao longo dunha hora interpretarán as obras que as teñen acompañado ao longo da súa carreira musical. Así poderemos escoitar composición de Vivaldi, Falla ou Sarasate.

Lino Martínez, policía local no concello de Tui, segue a acadar éxitos. Hai uns días voltou de Rotterdam, nos Países Baixos, onde colgou catro medallas máis para a súa particular colección no Mundial de policías e bombeiros.

Popy, Anna, Silvester, Valentino e Alejandra son as cinco persoas voluntarias chegadas de Grecia, Eslovaquia, Letonia, Italia e España que realizan este verán labores de sostenibilidade, interculturalidade e promoción da inclusión social no Camiño portugués en Tui. Os participantes estarán dous meses no municipio e contarán coa supervisión da Asociación guardesa Foco.

O 28 de novembro deste ano cúmprense 100 anos dos sucesos de Sobredo, que anualmente se conmemoran neste lugar da parroquia tudense de Guillarei. Ante este aniversario o Instituto de Estudos Agrarios Mártires de Sobredo organiza un ciclo que comeza esta fin de semana. Falamos con Xosé Manuel Estévez, sobre unhas revoltas que, dende Tui, afectaron a toda Galicia.

Este sábado ás oito e media da mañá sairá da praza de Frómista, xunto ao Teatro Principal, a andaina “Memoria: espazos e tempos do Congreso Agrario a Sobredo”. Esta actividade forma parte do ciclo “Sobredo 100 anos despois” que organiza o Instituto de Estudos Tudenses Mártires de Sobredo. Falamos na nosa sintonía con José Martínez Tato, do Club AndaTui, que guiará esta camiñata.

Este domingo celébrase na lagoa de Caldelas o 3º torneo Liga Galega 5x5 de kayak-polo organizado polo Club Penedo de Importa. Unha cita competiva para a categoría senior para tamén sub 16 na que amais do club Penedo participarán os equipos de Rodeira de Cangas e Combarro. Así nolo contaba hoxe Nerea Alonso, deportista e directiva do Club Penedo.

Este domingo, ás 22.15 h no Paseo Fluvial terá lugar o Concerto do Día de Galicia organizado polo Concello de Tui dentro da programación do verán cultural. Correrá a cargo da Banda de Gaitas San Xoán de Paramos. O seu director José Manuel Caballero, explicaba hoxe o repertorio que van interpretar, no que contarán coa actuación de Lara Villaverde, e no que anunciaba tamén haberá sorpresas.

O dúo Pärbo, formado por Begoña Riobó e Anxo Pintos actuará hoxe a partir das 20.30 h na igrexa románica de Santa María de Tomiño. Un concerto especial no que interpretarán música medieval pero tamén parte do seu repertorio de música tradiconal. Forma parte do ciclo "Música e Patrimonio" que organiza o Concello de Tomiño.

O presidente da Comisión de Festas de Malvas, David Besada, acudía esta mañá ao noso programa Día a Día para explicar a programación para a festividade desta fin de semana.

En Ribadelouro levan dende o mes de abril organizando as festividades na honra a Santa María Magdalena que se van celebrar esta fin de semana. Esta mañá contábamos na nosa emisora con Donato Lorenzo, presidente da Comisión de festas, quen explicaba a variedade de espectáculos que haberá nestas datas de celebración na parroquia.

O Concello de Tui presentará o próximo martes, 26 de xullo, o innovador programa Feminino Plural. Desenvolverase ao longo deste mes de xullo, agosto e setembro co obxectivo de impulsar a promoción da igualdade e previr a violencia de xénero. Ana Núñez, concelleira de Igualdade, explicounos nesta entrevista todos os detalles deste programa.

Esta fin de semana Tui e Valença vivirán nalgúns dos seus puntos máis emblemáticos diversos espectáculos de animación de rúa coa chegada do FIAR. Este festival internacional repite por segundo ano disposto a consolidar o seu cartel para todos os públicos. Repasamos coa concelleira de Cultura de Tui, Sonsoles Vicente, todo o que dará de si estes días de axenda cultural.

O historiador tudense Rafael Sánchez Bargiela ofrecerá mañá, 21 de xullo, unha videoconferencia sobre os Sambenitos de Tui no portal esefarad.com no que falará destas pezas únicas do legado sefardí que hai na cidade, pero tamén doutros elementos coma a menorá da Catedral. Deste xeito difundirase a través ESefarad, o principal portal sobre cultura sefardí, o dstacado patrimonio vinculado á presenza...

Borja Gómez Méndez non é un deportista máis. Este ponteareano de 20 anos segue rompendo barreiras. Ten Síndrome de Down pero compite en múltiples disciplinas e segue a demostrar que non hai metas inalcanzables. O pasado sábado cruzou a meta do seu primeiro triatlón, o do Porriño que tivo saída en Tui. Falamos con él e o seu pai, Calis Gómez, das sensacións ao acabar esta carreira e das moitas expe...

Este sábado, 23 de xullo ás 17h, celebrase en Figueiró —Tomiño— unha Xuntanza de Grupos de Bombos e Treboadas do Alto Minho e do Baixo Miño, organizada pola Asociación Treboadas San Campio de Lonxe. Por este motivo, o secretario da Asociación Treboada San Campio de Lonxe, Xosé Manuel Álvarez, explica con todo coma se vai realizar esta primeira xuntanza.

Coincidindo co aniversario dos feitos acaecidos o 18, 19 e 20 de xullo en 2001 en Xénova a compañía BarroSanta representa hoxe, ás 21.30 h, no Teatro Municipal de Tui “Ragazzo”. A peza teatral conta con dramaturxia de Lali Álvarez, a dirección de Xavier Castiñeira, e en escena estará Anxo Outumuro. Este último explicaba hoxe que a obra aínda que ten un final tráxico está chea de vitalidade e enerx...

O Campus Antonio 'Toñín' Martín de fútbol sala pechará a edición deste ano o venres. Falamos con Xacobe Morais, un dos organizadores, Rafael Estévez, concelleiro de Deportes de Tui e coas futbolistas Silvia Aguete, María León e Pau, que estiveron presentes con máis pequenos falando da súa experiencia no deporte de élite.

Son moitos os labores que realizan os Voluntarios de Protección Civil para o benestar da cidadanía. En Tui actualmente están activos 14 efectivos, pero próximamente só quedarán 8. É por iso, que a Agrupación de Voluntarios de Protección Civil do municipio está a realizar unha campaña de captación de voluntarios.

O festival tudense de cinema, o Play-Doc, ven de anunciar as datas da súa próxima edición, que se celebrará entre o 26 de abril e o 1 de maio. Deste xeito, o certame volverá ás datas habituais na primavera tras unha pandemia que trastocou os seus plans. Ángel Sánchez cóntanos nesta entrevista como tiveron que traballar nunha presenza online para espallar os contidos en plataformas como Filmin ou D...

Tui é uns dos municipios polos que este ano pasa a Ruta Quetzal. Coincidindo co Ano Santo, realizan o Camiño de Santiago na Expedición Translatio. No programa Día a Día contamos hoxe con Íñigo Quadra-Salcedo —organizador da ruta— xunto con Amaia Lorenzo e Pablo Flores, dous dos 150 participantes na actividade.

Este venres terá lugar na adega Edmun do Val en Valença unha observación astronómica guiada por José Vicente Casado “El cazameteoritos”. Os e as asistentes poderán coñecer máis das estrelas pero tamén dos meteoritos xa que achegará algúns dos elementos que forman parte da súa colección. Para participar é preciso inscribirse no correo edmundoval@edmundoval.com. O prezo é de 15€ para persoas adultas...

A Plataforma en Defensa da Sanidade Pública de Tui iniciou unha campaña para reclamar a cobertura da praza de técnico de radioloxía ante a inminente xubilación da persoa que ocupa o posto neste momento. Para iso están levando a cabo unha recollida de sinaturas e convidan á poboación de Tui e os outros concellos do Baixo Miño a presentar reclamacións con esta demanda. Explicábao Conchi Martínez Agu...

O campo Álvarez Durán acolle mañá dende ás 10.30 h o Torneo de Fútbol Feminino Sara Tui, no que a propia xogadora tudense estará presente xunto a Andrea Mirón e Carol González, e Lombi. Falamos deste torneo e tamén da súa carreira deportiva con Sara Tui.

A Quinta do Ramo en Tomiño acolle mañá unha gala benéfica da Fundación Montserrat Caballé en favor dos xoves talentos da lírica. A velada iniciaráse cunha cea no xardín do restaurante, seguida dun recital ofrecido por Montserrat Martí Caballé, Isabel Pérez Dobarro e a tomiñesa Andrea Pousa. Precisamente falamos deste evento con Andrea Pousa.