Día a Día

A Feira Cabalar de San Telmo da este ano un salto cualitativo ao ampliar a súa duración a dous días, aumentar o recinto e aglutinar diversas actividades co cabalo coma protagonista. Amais haberá un espectáculo de nivel internacional a cargo de Miron Bococi. A cita será este domingo e luns. Así nolo contaron Rafael Estévez, concelleiro de Deporte, Marcos González e Hípica Marcos e o propio Miron Bo...

Rockin' Gina & The Sentinels estará en concerto hoxe ás 22.30 h na carpa no Paseo da Corredoira dentro das Festas de San Telmo. Ana Rodríguez e Klaus Villaroel contáronnos hoxe como van ser o concerto no que van interpretar boa parte do seu repertorio que nos levará á música dos anos 50'.

Hoxe ás 21 h o grupo de teatro Chirlomirlo de Xuntanza de Randufe será o encargado de pechar a XII Semana de Teatro Amador no Teatro Municipal coa estrea de “O enfermo imaxinario”. Da mesma faláronnos Noelia Solla e Alberto Sánchez, que nos contaron que é a terceira vez que montan esta obra que xa puxeron en escena hai 30 anos. Agora chega co espírito renovado.

Da man do festival Música no Claustro este domingo, ás 17.30 h haberá un concerto moi especial na Catedral que nos transportará até a Idade Media. Será da man de Secunda Pratica coa recuperación da misa de San Telmo do Pasionario Tudense. Déronnos todos os detalles Samuel Diz e Beatriz Fontán, que explicaron o traballo de recuperación desta misa e as condicións do concerto deste domingo que terá u...

Este domingo celébrase o Desfile Exhaltación do Traxe Tradicional. Recupera o seu percorrido entre a Glorieta de Vigo e a Catedral, e será a partir das 12 h. Pode participar calquera persoa con traxe tradicional, e ao remate terá lugar a ofrenda na Catedral, como explicaba Pilar Pazo, secretaria da Asociación do Traxe de Tui.

O pavillón de deportes de Valença acolle este sábado e domingo o VII Trofeo de Baile Deportivo e Hip Hop da Eurocidade Tui Valença. Falamos do mesmo con Arlindo Sousa, vereador de Desporto de Valença, Rafael Estévez, concelleiro de Deportes de Tui, e Miguel Abreu, da Academia de Baile Pasos.

Este domingo ás 10 h sairá da praza da Inmaculada a Andaina de San Telmo que abre o circuíto de Camiñadas da Eurocidade Tui-Valença. José Martínez Tato do Club Andatui, explicou o percorrido a realizar. A inscrición debe facerse en www.andatui.es/andainas-da-eurocidade e ten un prezo de 6€.

Hoxe ás 23.59 h remata o prazo de inscrición para a Carreira Popular e Solidaria de San Telmo que se celebra este sábado dentro das festas. Rafael Pérez, presidente do Club Atletismo Tui daba conta da boa inscrición que leva a unhas horas de rematar o prazo, e tamén explicaba os detalles da proba que recollerá alimentos para SOS Tomiño Baixo Miño.

O grupo de teatro San Fins de Rebordáns abre hoxe, ás 21 h, no Teatro Municipal da XII Semana Amador no Teatro Municipal, dentro da programación das Festas de San Telmo. Juana Dávila e Katia Rocha son dúas das actrices do grupo e hoxe avanzaronnos algo desta comedia. As entradas está á venda até ás 18 h en www.tui.gal e dende as 20 h no despacho de billetes

Esta mañá, Olga Montes, a persoa que ocupaba o posto número 5 na lista de Ciudadanos explicou a súa postura con respecto a acta de concelleiro deste partido que está vacante neste momento. Afirmaba que se hai tres anos se comprometeu con Ciudadanos mantén o seu compromiso até finais do mandato. Indicaba que o único responsable de que o partido teña neste momento un só concelleiro é Alejandro Carre...

Todo preparado en Tui para celebrar as Festas de San Telmo dende este sábado. A concelleira de Cultura, Sonsoles Vicente, repasaba o programa previsto para esta fin de semana marcado polo pregón con Luís Zahera, e a entrega dos premios Cidade de Tui a Alberto Romer e SOS Tomiño Baixo Miño, xunto aos primeiros concertos programados.

Maquetas da Catedral, de castelos, dun hórreo, un tableiro de xadrez... son algunhas das maquetas realizadas con pezas de Exin Castillos que se expoñen estes días na Oficina de Turismo de Tui. Luís Arias, de La Trastienda de Lupadás, é o autor da meirande parte das obras. Con el falamos esta mañá.

Diana Carballo, terapeuta ocupacional e Nerea Álvarez, logopeda, do Centro Anarela, con motivo do Día do Párkinson que se conmemora hoxe faláronnos desta enfermidade e das terapias das que se poden beneficiar os e as enfermas.

Do 7 ao 19 de marzo ACITUI desenvolveu a Campaña do Día do Pai. Hoxe no programa Día a Día realizouse o sorteo do 10 vales de 30€ entre 1.716 papeletas repartidas polo comercio local.

Dende mañá sábado 9 até o xoves 14 celébraase en Murcia o Campionato de España de Seleccións Autonómicas no que van participar varias xogadoras e xogadores tudensees. Serán os xuvenis Pablo Gándara, Eduardo Alonso e Juan Rodríguez, e o infantil Roque Estévez e a infantil Lía Salvado. Tamén o adestrador Ricardo Rodríguez, con quen falamos hoxe.

O alumnado de 2º e 5º recolleu onte máis de 1000 sinaturas demandando recuperar a parada de pasaxeiros na estación de tren en Tui. Mentres os seus compañeiros de 6º fixeron unha serie de enquisas para coñecer os hábitos da poboación para para o cambio climático, e organizarán unha recollida de lixo denominada "Actívate Tui".

O Centro Cultural da Guarda acolle este venres ás 19.30 h a presentación do libro “Aldea Buxán” de Francisco Álvarez Koki. Con el falamos no programa Día a Día desta nova obra.

O luns 18 e o martes 19 de abril estará en Tui a unidade móbil de Coidados Porta a Porta que realizará de forma gratuíta servizos básicos de Podoloxía, Audioloxía e Estimulación da Memoria, ás persoas maiores de 55 anos do municipio. Para asistir é recomendable pedir cita previa no 622 74 82 83 ou no correo coidadosportaaporta.policasocial@xunta.gal

A aula da UNED de Tui vai impartir do 27 de xuño ao 8 de xullo VI Campus Urbano “Inglés no meu entorno” dirixido a mocidade entre 10 e 15 anos. Elisa Cotelo, poñente do Campus, deunos hoxe todos os detalles.

Dende hai seis meses unha das actas de concelleiro/a de Ciudadanos na corporación municipal de Tui está vacante. Alejandro Carrera Barrera é a persoa que ocupaba o posto nº4, e a quen lle correspondería tomar posesión. Na nosa sintonía explicou hoxe a súa decisión, por problemas familiares, de non incorporarse á corporación e cal é a situación neste momento.

Play-Doc volve neste 2022 á primavera celebrarase do 4 ao 8 de maio. O festival ten arestora aberto o prazo de inscrición para dúas das actividades formativas que organizan: o I Seminario de crítica cinematográfica en formato podcast e O Imaxinario da Fronteira: Obradoiro de cinema comunitario. Falamos do festival e destas actividades co seu codirector, Ángel Sánchez.

Alberto Romer recibirá o Premio Cidade de Tui 2022 por, entre outras cousas, o seu traballo na promoción do muíños do río Tripes, ser o impulsor da romaría de “ Os nosos fariñeiros, burros e muíños” e promotor da Asociación de Muiñeiros do río Tripes.

O traballo xeneroso e altruísta dos numerosos voluntarios que integran esta Asociación, a colaboración interxeracional que promoven nas súas actividades e o amplo programa asistencial que desenvolve este colectivo, son parte dos méritos que tivo en conta o xurado dos Premios Cidade de Tui para galardoar este ano na categoría de colectivo á Asociación Asistencial SOS Tomiño Baixo Miño.

O alcalde, Enrique Cabaleiro, e a concelleira de Cultura, Sonsoles Vicente, presentaron hoxe no programa Día a Día as Festas de San Telmo 2022. Explicaron as novidades, as localizacións, e deron a coñecer os Premios Cidade de Tui 2022.

Está aberto o prazo de solicitude de axudas á rehabilitación de edificios e vivendas no ámbito da ARI, Área de Rehabilitación do Conxunto Histórico de Tui, correspondentes á fase 14ª. A técnica da Oficina de Rehabilitación, María Ferreirós, explicaba hoxe as características destas axudas e as obras que son financiables.