Día a Día

A sesión das 17.30 h de hoxe venres en Play Doc ábrese coa proxección de “MEMORIA” de Nerea Barros, unha curta de quince minutos que compite na sección Galicia. É a primeira peza de Nerea Barros coma directora e está dedicada aos seus avós. Este audiovisual lévanos a Urzbekistán coa historia dun avó, unha neta e un mar que xa non existe.

No programa especial de Día a Día dende Play Doc hoxe estiveron connosco Martin Pardo e Vela Álvarez alumnos, e Enrique, profesor do Colexio Marcote, que asistiron esta mañá á proxección de "Europa".

Entre os convidados que nos acompañaron esta mañá no especial Play Doc estivo Andrés Goteira que onte presentaba o seu primeiro documental “Welcome to Ma Maison”, que se proxectou onte á noite.

Ás 17.30 h proxéctase no Seminario Menor o resultado do obradoiro "O imaxinario da fronteira" no que veciños e veciñas de Tui retrataron o seu concepto de fronteira. Ao fronte do obradoiro estivo o director Eloy Domínguez Serén, quen hoxe no especial Play Doc nos contou coma foi esta experiencia.

Un festival con identidade e recoñecemento. Así se refería hoxe a Play Doc, Ángel Sánchez, codirector do festival. Falaba dun gran festival que precisaría de máis tranquilidade orzamentaria. Tamén se refería ao impacto económico que xera Play Doc máis aló do ámbito cultural e da proxección internacional que realiza de Tui. Daba conta tamén das viaxes que poderemos realizar a través das películas q...

Sara García, codirectora de Play Doc estivo hoxe no programa especial Día a Día que realizamos dende a sede do festival. Sara García falaba dos retos que afrontan cada ano, e da excelente programación que presentan neste 2022. Recomendaba especialmente a retrospectiva de Antonio Campos.

A alcaldesa de Tomiño, Sandra González, estivo hoxe no programa Día a Día, onde abordou distintos asuntos da actualidade tomiñesa. Dende o bo índice de compostaxe que rexistran, ao estado das obras da futura biblioteca, ou o proxecto de áreas de autocaranvas entre outros.

A Plataforma en Defensa da Sanidade Pública de Tui celebrou reunión informativa este luns. Hoxe a súa voceira, Conchi Martínez Aguilera, lamentaba a escasa participación rexistrada na mesma. Neste encontro informaron das accións realizadas e das que van levar a cabo. Lembraba amais a manifestación en defensa da sanidade pública que terá lugar o próximo xoves 12 de maio ás 20 h en Vigo.

Esta mañá visitáronnos alumnos e alumnas do IES Indalecio Pérez Tizón de Tui e do IES de Castelo Branco que están a realizar un intercambio escolar. Contáronnos os obxectivos desta actividade e como está a ser a experiencia.

Quedan pouco máis de 24 horas para a inauguración de Play Doc, que cumpre 18 anos. A inauguración será mañá mércores ás 20.30 h. Ángel Sánchez, codirector do festival, lembrou hoxe as retrospectivas dedidcadas ao portugués Antonio Campos e á alemá Helke Miseikvic. Mañá ás 20.30 h comeza o XVIII Play Doc. Ángel Sánchez, codirector do festival lembrou a xornada inaugural e falou das retrospectivas d...

Hoxe ás 20 h, na zona anexa da Sala Municipal de Exposicións inaugurarase a mostra “Lebres coma gacelas” promovida pola Deputación de Pontevedra. A deputada de Igualdade e Cultura, Victoria Alonso, explicaba hoxe coma esta mostra naceu para homenaxear a Xela Arias, partindo da súa obra “Tigres coma cabalos”. Esta tarde haberá un recital de poesía e música, a cargo de Miriam Ferradáns e Lorena Cond...

Este mércores remata a inscrición para a segunda edición da Carreira Solidaria e inclusiva Revirando, organizada polo Colexio PP. Somascos e o Colexio San Xerome Emiliani que se vai celebrar este domingo na Guarda. Falamos da proba con David Alonso, coordinador da proba, e con Yaiza, alumna que forma parte da organización.

Este mércores terá lugar unha emocionante inauguración do Play Doc segundo explicaba hoxe o seu codirector Ángel Sánchez, con que falamos a dous días de que comece o festival. Da man de Eloy Domínguez Serén varios veciños e veciñas de Tui están a realizar distintas pezas audiovisuais reflexionando sobre a fronteira. Tamén nos deu conta dos 14 títulos galegos que se van proxectar.

A Plataforma en Defensa da Sanidade Pública de Tui convoca hoxe ás 20.30 h unha reunión na Sala Félix Rodríguez. Conchi Martínez Aguilera explicaba o obxectivo desta reunión e cómo está a situación agora mesmo.

Todo preparado para a celebración mañá do XII Enduro Cidade de Tui Trofeo Ibérico Eurocidade. Coma novidade o regreso do parque pechado e da saída á Corredoira. Unha proba na que van participar 160 pilotos, entre eles Steve Holcombe sete veces campión do Mundo. Deunos os detalles Adolfo Pereira, presidente Moto Club Randufe.

Este domingo celébrase a romaría "Os nosos fariñeiros: burros e muíños" organizada pola Asociación de Muiñeiros do río Tripes. Está previsto amplo programa do que hoxe nos deron conta Miguel Méndez e Cristián Lago.

A Compañía Ensalle presenta mañá ás 21 h no Auditorio de Goián "Antes de la llegue la bestia", unha obra que estrearon 15 días antes do funcionamento. É unha proposta multidisciplinar coma explicaba o director da compañía Pedro Fresneda. A entrada terá un prezo de 5€.

Hoxe de 16 a 21 h e mañá de 10 a 15 h estará en Tui a unidade móbil de ADOS. Faise un especial chamamento aos grupos 0 + e A + segundo nos explicaba José Mª Vázquez, encargado de Unidades Móbiles. En Tui a taxa é de 42 doazón / 1000 habitantes.

Play Doc foi un dos festivais que hoxe particippu na presentación do Rías Baixas Film Fest. Así nolo contou hoxe Ángel Sánchez, codirector de Play Doc, quen tamén destacou a presenza do cinema galego xa dende a xornada inaugural , así coma a retrospectiva de Antonio Campos, coa que buscan pór en valor o vínculo con Portugal.

Este domingo a partir das 10 h celebrarase en Equigalia unha proba do Campionato Interclubes de Salto. O público poderá gozar do espectáculo con xinetes e amazonas dende os 4-5 anos. Unha probas nas que cada vez hai máis nivel.

O próximo mércores, 4 de maio, será inaugurado Play Doc. Un acto inaugural do que hoxe nos falou o seu codirector, Ángel Sánchez. Tamén avanzou que están á venda as entradas para o festival na web wwww.play-doc.com e afondou na retrospectiva que dedican a Danny Lyon.

Esta mañá acompañáronnos en Día a Día Teodoro e Rubén do grupo Armonía da Asociación de Alcohólicos Anónimos. Faláronnos da sobriedade e tamén da convención anual que este venres van celebrar en Santiago.

O alcalde de Tui, Enrique Cabaleiro, felicitou hoxe as festas de San Telmo na nosa sintonía. Repasou o programa previsto a aposta por facer uns festexos máis populares para gozar na rúa.

Este domingo ás 17.30 h na Catedral de Tui recupérase a misa medieval de San Telmo da man do grupo dos Países Baixos Seconda Pratica e nunha iniciativa promovida polo festival Música no Claustro. Hoxe coñecemos máis da recuperación desta misa con Jonatan Alvarado, Sofía e Samuel Diz.

Do mércores 4 ao domingo 8 de maio celébrase en Tui a XVIII edición de Play Doc. Hoxe Ángel Sánchez, codirector do festival, avanzounos parte da programación que poderemos gozar nun par de semanas.