Dalğa FM

“İnvestisiya gündəliyi”ndə qonaq olan treyder Qismət Salayev ilə birlikdə ticarət bazarlarının ritmini, səhmdən kriptovalyutaya qədər sərmayə imkanlarını və uğurlu qərarların arxasındakı analitik düşüncə tərzini müzakirə etdik.

"Sənətin səsi" verilişində Azərbaycan Yazıçılar Birliyinin üzvü, şair Kəmalə Abıyeva ilə yazdığı şeir kitablarından, poeziya yolundan, sözlərinə bəstələnmiş mahnılardan və bəstəkarlarla olan iş birliyindən bəhs etdik.

"Sənətin səsi" verilişində aparıcı Vüsalə Səid və Dövlət Sosial Müdafiə Fondunun İctimaiyyətlə əlaqələr departamentinin müdiri Rəşad Mehdili ilə mətbuatın cəmiyyətdəki rolu, jurnalistikanın bugünkü durumu, medianın ictimai rəy formalaşdırmasına təsirindən, həmçinin jurnalistlərin üzləşdiyi çətinliklərə qədər bir çox mühüm məsələlərə toxunduq.

"İnvestisiya gündəliyi"ndə qonaq olan iqtisadçı ekspert Fizuli Əliyev ilə birlikdə səhmlərin aktuallığı, yerli və qlobal bazarlardakı tendensiyalar, sərmayə qoyarkən diqqət edilməli məqamlardan danışdıq.

"İnvestisiya gündəliyi"ndə qonaq olan satınalmalar üzrə ekspert Orxan Abıyev ilə birlikdə dövlət və özəl sektorda satınalma proseslərindən, ekoloji məsuliyyətli iqtisadi davranışlardan biri olan yaşıl satınalma haqqında danışdıq.

"İnvestisiya gündəliyi"ndə qonaq olan iqtisadçı ekspert Ruslan Atakişiyev ilə birlikdə KOB (Kiçik və Orta Biznes) klasterləri anlayışını, sahibkarlara olan üstünlüklərini, əməkdaşlıq modelinin biznesə faydasını, tətbiqi və gələcək perspektivlərini müzakirə etdik.

"Sənətin səsi" verilişində müğənni Naid Şadxanın sənət yolundan, duet və ifalarından, “Səs Azərbaycan” layihəsindəki çıxışları və təəssüratlarından danışdıq.

"Sənətin səsi" verilişində müğənni Nərmin Kərimbəyova ilə musiqi yolundan, sənət dünyasındakı çağırışlardan, şəxsi inkişafından, maraqlı xatirələri və musiqiyə olan sevgisi haqqında danışdıq. 

"İnvestisiya gündəliyi"ndə qonaq olan kriptovalyuta üzrə ekspert, UNEC Biznes məktəbinin müəllimi, "Crypto Consulting" şirkətinin direktoru Elnur Quliyev ilə rəqəmsal investisiyaları, onların mexanizmlərini, bazarın dəyişkənliyini və gələcək trendləri müzakirə etdik. Bitkoin, altkoinlər, blokçeyn texnologiyası və kripto sərmayənin riskləri barədə danışdıq.

"Sənətin səsi" verilişində tar ifaçısı Humay Qədimova ilə tar ifaçılığı sənətinin incəlikləri, bu yola necə qədəm qoymağı, sənətkar kimi formalaşmasında rol oynamış ustad müəllimləri və yaratdığı musiqi qrupu haqqında ətraflı söhbət etdik. O həmçinin Laçına səfəri zamanı keçirdiyi duyğuları bölüşdü və tarda məşhur “Qara dəniz” mahnısını canlı ifa etdi.

"İnvestisiya gündəliyi"ndə qonaq olan Azərbaycan Vəkillər Kollegiyasının üzvü, idman sahəsində vəkil Elcan Həsənli ilə birlikdə idman hüququ, müqavilələri, idman klublarına edilən investisiyalar və bu sahədəki boşluqlardan danışdıq, idmanın təkcə oyun və nəticədən ibarət olmadığı, arxa planda ciddi hüquqi və maliyyə mexanizmlərinin olduğu haqqında müzakirə etdik.

"İnvestisiya gündəliyi"ndə qonaq olan biznes məsləhətçisi, sahibkar Fəridə Əsgərzadə ilə birlikdə sahibkarların qarşılaşdığı çətinlikləri, uğurlu biznes strategiyalarını və bazarda rəqabət aparmaq yollarını müzakirə etdik.

"Sənətin səsi" verilişində Əməkdar artist, Azərbaycan Dövlət Milli Gənc Tamaşaçılar Teatrının aparıcı aktrisası Gülər Nəbiyeva ilə aktyorluq sənətindən, teatr fəaliyyətindən, rol aldığı tamaşalardan, kino və seriallarda canlandırdığı obrazlardan bəhs etdik.

"Sənətin səsi" verilişində Qədim Musiqi Alətləri Dövlət Ansamblı və "Aypara" caz-folklor ansamblının solisti, nəfəs alətləri ifaçısı Teymur Abdullayev ilə sənət yolundan, fəaliyyət göstərdiyi ansambllardan, ifa etdiyi nəfəs alətlərindən və klassik əsərləri bu alətlərdə səsləndirməsindən bəhs etdik.

"İnvestisiya gündəliyi"ndə qonağımız olan turizm eksperti Ceyhun Aşurov ilə birlikdə Azərbaycanda və dünyada turizmə sərmayə qoyuluşunun potensialı, riskləri və gələcək imkanları barədə danışdıq.

"İnvestisiya gündəliyi"ndə qonağımız olan "SABAH.fund" vençur kapital fondunda investisiyalar üzrə baş məsləhətçi Məsud Alısoy ilə birlikdə vençur kapitalı sahəsində risklərin necə idarə olunduğu, investorların startaplarda nə axtardığı və Azərbaycanda bu bazarın inkişaf potensialı barədə müzakirə etdik.

"Sənətin səsi" verilişində Əməkdar artist, aktyor Şövqi Hüseynov ilə teatr fəaliyyətindən, rol aldığı tamaşalardan, kino və seriallarda canlandırdığı obrazlardan, pedaqoji fəaliyyətindən, həmçinin xarici ölkələrdə təşkil olunan festivallardakı çıxışlarından bəhs etdik.

"Sənətin səsi" verilişində müğənni İlhamə Qasımova qonağımız oldu. Veriliş zamanı İlhamə xanım yeni mahnılarından danışdı, cənab Prezidentin doğma torpaqlara səfəri zamanı “Ey Vətən” mahnısını dinləməsi ilə bağlı yaşadığı təəssüratları bölüşdü. Həmçinin sənət yoldaşları ilə əməkdaşlıq etdiyi layihələr və sənət fəaliyyətindəki yaddaqalan xatirələri barədə danışdı.

"İnvestisiya gündəliyi"ndə qonaq olan "Unicapital İnvestisiya" şirkətinin direktoru Tələt Kalayev ilə birlikdə investisiyaya yeni başlayanlar üçün risklər, gəlir gözləntiləri, doğru sahəni seçmək, diversifikasiya və ilk addımlar haqqında danışdıq.

"Sənətin səsi" verilişində Əməkdar artist, skripka ifaçısı Səlim Abbasov ilə sənət yolundan, Zeynəb Xanlarova ilə tanışlığından və onun rəhbərlik etdiyi ansamblda göstərdiyi fəaliyyətindən danışdıq. Eyni zamanda Səlim Abbasov sənətdəki maraqlı xatirələrini bölüşdü və proqram boyunca skripkada canlı ifalar etdi.

"İnvestisiya gündəliyi"ndə qonaq olan "ABB İnvest" şirkətinin icraçı direktoru Nadir Babazadə ilə birlikdə investisiya risklərindən, yatırımlar zamanı diqqət etməli olduğumuz məqamlardan danışdıq.

"Sənətin səsi" verilişində Əməkdar artist, xanəndə Təyyar Bayramov ilə muğam sənətindən, pedaqoji fəaliyyətindən və qazandığı nailiyyətlərdən bəhs etdik.

"Sənətin səsi" verilişinin buraxılışı Bakı Bələdiyyə Teatrının aktrisası, Əməkdar artist Hüsniyyə Mürvətovanın aktrisalıq fəaliyyətinə, canlandırdığı obrazlara və bədii qiraətlərinə həsr olundu.

"Sənətin səsi" verilişinin buraxılışı xanəndə Güllü Muradovanın sənət yoluna, “Muğam” Televiziya Müsabiqəsindəki qalibiyyətinə və ifalarına həsr olundu.

"Sənətin səsi" verilişində Azərbaycan Milli Konservatoriyasının dosenti, Əməkdar artist, qanun ifaçısı Çinarə Mütəllibova ilə sənət yolundan, qanun alətinin inkişafından və Ağdam Muğam Mərkəzinin açılışı ilə bağlı təəssüratlarından bəhs etdik.