Brêkfis met Derrich

Prof. Rialet Pieters van die Noordwes-Universiteit praat oor karnivoorplante, soos die slingerplant van Wes-Afrika, Triphyophyllum peltatum, wat, sover bekend, die enigste karnivoorplant is wat kan kies om karnivories te wees of nie.

Andries Maree het die jongste hengelnuus.

NIco Smit praat oor openbare laaiplekke vir elektriese motors.

Tuinboukundige JJ Janse van Rensburg van Gardenworld praat oor orgideë en die maak van kompos. Die plant van die week is Escallonia Pink Elle.

Prof. Rialet Pieters van die Noordwes-Universiteit praat oor die plan om groot hoeveelhede koolsuurgas uit die lug vas te vang in plantmateriaal, en dan om die plante met sout te droog en te begrawe. Onder die voorgestelde plante is ornamentele grasse en dennespesies.

Andries Maree het die jongste hengelnuus.

Nico Smit praat oor die veiligheid van kinders in motors. Hy beantwoord ook ’n vraag van ’n luisteraar oor die ritgehalte van sy viertrekvoertuig.

Tuinboukundige JJ Janse van Rensburg van Gardenworld praat oor die beskerming van plante teen ryp; en potplante vir Moedersdag. Hy waarsku ook teen die natmaak van tuine in die laatmiddag of aand in die volgende paar maand, want die grond en oppervlakvog moet droog word voor die aandtemperature daal. Die plant van die week is Phormium Ruby Tuesday.

Prof. Rialet Pieters van die Noordwes-Universiteit praat oor bakterieë wat plastiek kan afbreek. Sommige van hulle is vrylewend, maar ander kom in die spysverteringstelsel van inseklarwes voor.

Andries Maree het die jongste hengelnuus.

Nic Smit beantwoord 'n luisteraarsvraag oor die 4x4-funksie in sy bakkie.

Tuinboukundige JJ Janse van Rensburg van Gardenworld praat oor grasdraer termiete en die plant van winterbolle. Die plant van die week is Nandina Dragon Flame.

Prof. Rialet Pieters van die Noordwes-Universiteit praat oor fregatvoëls wat aan die slaap raak om blitsige ruskansies te neem terwyl hulle vlieg.

Andries Maree het die jongste hengelnuus.

Nico Smit verduidelik wat hy doen om sy motor skoon te hou.

Tuinboukundige JJ Janse van Rensburg van Gardenworld vra wanneer is dit ‘n goeie tyd om plante, meer spesifiek bome en struike, te plant. Die antwoord is nou, en nie in die lente nie. Een van die vrae wat JJ gereeld kry, is of mens professionele hulp soos ‘n landskapsargitek moet kry om jou tuin uit te lê, of kan jy dit self doen. Die plant van die week is Primula acaulis, wat as die English Primr...

Prof. Rialet Pieters van die Noordwes-Universiteit praat oor die verskillende aanpassings van mariene soogdiere, ondermeer die olifantrob, om in die oopsee genoeg slaap te kan kry. Sy noem ook van die ander aanpassings wat dit vir hulle moontlik maak om sulke lang duike te onderneem.

Andries Maree het die jongste hengelnuus.

Nico Smit praat oor elektriese motors.

Tuinboukundige JJ Janse van Rensburg van Gardenworld sê dis nou is ‘n goeie tyd om in te spring en jou tuin ‘n goeie skoonmaak te gee. Nog ‘n tuintaak wat jy in die herfsmaande kan aanpak, is die opdeling van risome soos agapanthusse, clivias, amarylis, baardirisse, varkore en somervuurpyle. Hy praat ook oor Aardedag. Vanjaar se tema is BELÊ IN JOU PLANEET. Die plant van die week is Aloe Sunrise.

Prof. Rialet Pieters van die Noordwes-Universiteit praat oor kelkiewynvere, en hoe hulle geheime dalk aangewend kan word om misbanke se waterdruppels vas te vang vir droogtegeteisterde gebiede.

Andries Maree het die jongste hengelnuus.

Nico Smit praat oor dokumentêre programme oor motors en motorsport.

Tuinboukundige JJ Janse van Rensburg van Gardenworld praat oor herfs wat die perfekte tyd is om hardehout-steggies van bladwisselende plante te maak; plante om jou herfstuin mee aan te vul; en die aanpassing van die hoeveelheid water en die tyd waneer jy natgooi as jy ‘n outomatiese besproeiingstelsel het. Die plant van die week is Aloe Peri Peri.

Prof. Rialet Pieters van die Noordwes-Universiteit praat oor intelligensie by diere, en word die vraag ondersoek of mens die soorte intelligensie kan beskryf en vasvang in 'n struktuur wat soortgelyk is aan die periodieke tabel vir elemente.