Techne Podcast - تكني بودكاست

في الحلقة دي، بنتكلم عن الشراكة اللي بدأت منذ بداية تكني من ١٠ سنوات مع سفارة السويد و المشاركة الدائمة والمستمرة خلال السنوات السابقة مع سفير السويد السفير هوكان ايمسجورد ومن ضمن المبادرات رعاية المسابقة السنوية لصناعة الألعاب ومشاركة الحكام جيني ويوسف وخبراتهم في المجال وإنطباعهم عنه في السويد ومصر.

هنتكلم النهاردة مع داليا إبراهيم، رئيسة مجلس إدارة دار نهضة مصر للنشر ومؤسسة EdVentures، عن الخطوات اللي قادت للنجاح في مجالات النشر والتعليم. هنناقش كمان دور دار نهضة مصر في التأثير على الشباب، وإزاي EdVentures بتدعم الشركات الناشئة في مجال تكنولوجيا التعليم، ورؤيتها لطموحات الشباب ومستقبلهم

هنتكلم النهاردة مع محمد شهاب الدين عن فن التفاوض وازاي التفاوض مع الآخرين ومع النفس. هنناقش استراتيجيات التفاوض الفعالة اللي بتساعد في بناء علاقات قوية وبتحقق أهدافك، سواء في مجال الأعمال أو في الحياة الشخصية. كمان هنتعرف على تجاربه في التفاوض بين الشركات والمنافسات الكبيرة، وإزاي استخدم مهاراته لتوجيه الفرق وقيادة المفاوضات الصعبة.

هنتكلم النهاردة مع حسن منسي، اللي بدأ مشواره بريادة الأعمال من الصفر بعد ما عمل شيفت من الهندسة. حسن أسس شركة استشارات في عمر صغير، ووصل لـ100 عميل خلال سنة ونص بس عن طريق التسويق من عميل لعميل بدون أي ميزانية. كمان، هنتعرف على إزاي هو وزملائه في كيانات متعددة ساعدت أكتر من 200 ستارت أب وحققت نجاح ملحوظ

هنتكلم النهاردة مع كريم الحيوان عن بدايته في التصوير من شوارع مصر القديمة وحبه للمباني التراثية. هنناقش إزاي كريم بيستمد إلهامه من تفاصيل الحياة اليومية في مصر ويحاكي تاريخها من خلال عدسته. كمان هنتعرف على أهمية دور الفنانين في توثيق ثقافة مصر المحلية ونشرها قبل ما يتوجهوا للعالم.

هنتكلم النهاردة مع باسم عليوه عن معنى زكاة الشركات وإزاي الشركات تقدر تحسبها بشكل صحيح. هنناقش كمان مفهوم التمويل الإسلامي وإزاي تقدر تعمل بيزنس بشكل حلال. هنسأل كمان عن أهمية الزكاة للشركات،و إزاي توعية الناس بزكاة الشركات بتساعد في تحريك هذا العامل المؤثر في المجتمع.

هنتكلم النهاردة مع خالد حميدة عن رحلته في تأسيس شركات وهو في عمر صغير، وإزاي واجه مشكلة القرصنة بأسلوب جديد عن طريق مكافآت ذكية. هنناقش كمان شركته Digitised، واللي بتقدم تجربة مميزة بدمج عالم البيزنس والفن، وأفكاره المختلفة اللي صنعت فارق في المجالين.

هنتكلم النهاردة مع هاني نجيب عن كتابه "Mindset to Startup" اللي بيشرح إزاي رواد الأعمال يقدروا يبنوا شركات ناشئة ناجحة. هنناقش أنواع العقليات المختلفة في التفكير عند تأسيس شركة ستارت أب، وإزاي تبني عقلية مرنة تساعدك على مواجهة التحديات. كمان، هنتعرف على أهم الأدوات والاستراتيجيات اللي بيقدمها الكتاب لدعم أي حد عايز يبدأ مشوار ريادة الأعمال.

هنتكلم النهاردة مع بشرى عن رحلتها من عالم الفن لعالم ريادة الأعمال والإنتاج. هنعرف تفاصيل دخولها مجال البيزنس،إزاي واجهت التحديات وتخطتها، وكمان رأيها في تأثير الذكاء الاصطناعي على مستقبل الفن والإبداع.

هنتكلم النهاردة مع مدحت ياسين عن أسرار نجاح أي بيزنس. هنشرح إزاي تبيع المنتج، تحدد مين العميل المثالي واحتياجاته، وتدرس السوق عشان تعرف مكانة شركتك بين المنافسين. كمان، هنكتشف إزاي تحليل المنافسين وتقدير المصاريف بيساعدوا في إطلاق منتج ناجح ومميز.