KulturSharea

Mendiko gaitza izenburupean dator Idoia Garzes idazleak ondutako lehen eleberria. Nobela beltz atipiko bat da, poliziakoa. Arlet Anaut da protagonista, asperger sindromea duen emakume gazte bat. Garzesek Augustin Zubikarai nobela beka lehiaketa irabazi zuen iaz liburu honen proiektuarekin.

Antigone edo Ezetzaren beharra da Horman Posterren antzezlan berria. Kolektiboak bihar egingo du obraren aurrestreinaldia, Ozaetako Garaion Sorgingunean, Azaroaren 5ean, berriz, Bilboko Arriaga antzokian izango du estreinaldia. Antigona historian zehar gehien taularatua izan den klasikoa dugu, baina euskaraz lehen aldia izango du. Igor de Cuadra eta Maite Aizpurua Horman Poster kolektiboko kideek...

Egurra S.A dugu Toti Martinez de Lezea idazlearen azken eleberria. Bilbora heltzen den familia baten gorabeherak kontatzen ditu intrigazko nobela honetan. Familiak argitaletxe bat jarriko du martxan eta horrek senideen arteko liskarrak ere ekarriko ditu.

Gazteen proiektu kulturalei bultzada emateko, ‘Batera, kultur proiektuak elkarrekin’ deialdia martxan da. Euskal Herriko 16 eta 30 urte bitarteko edozein gazte euskaldunei zuzenduta dago egitasmoa. Abenduaren 20ra arte egongo da izena emateko epea zabalik.

Bilboko Nazioarteko Txotxongilo Jaialdiak azaroaren 21etik 29ra izango du 36garren edizioa. Jaialdiarekin batera, antzezle, txotxongilolari eta arte eszenikoen sortzaileei zuzendutako Nazioarteko Formakuntza zikloa ere antolatu dute.

Mazoka’ Marrazki Azokan parte hartzeko deialdia zabalik da. Oraingoan, azokaren webgunea izango da marrazkiak ezagutzeko eta eskuratzeko trafiko-iturri nagusia. Mazokalari izateko urriaren 23ra arte egongo da izena emateko epea zabalik.

Galder Perez antzerkigileak ‘Lurrun-minez’ antzezlana estreinatuko du Bilboko Lan Fundicion aretoan. Perezen antzezlanak Gabon gau batez gey sauna batean dauden hiru gizonen arteko harremanak ditu oinarri. Antzerkigileak Cafe Bar Bilbao saria irabazi zuen iaz obra honen gidoiarekin.

Azpeitiko Dinamoak Ikusle Taldea martxan jarri du. Edozein eratako irudien gainean hitz egitea da ekimen berri honen asmoa: artelanak, argazkiak, iragarkiak, aldizkari edo liburuen azalak, filma zatiak, memeak, GIFak… Irudiei buruz hitz egitea da kontua, eta irudia pentsatzea.

Uxue Alberdi idazleak Dendaostekoak izeneko liburua argitaratu du. Denda baten kronika literarioa da Alberdik dakarrena eta, bide batez, garai batena ere bai. Memoriaren dendaostetik.

Asel Luzarragak Bahiketa, bere bederatzigarren nobela argitaratu du Txalaparta argitaletxearen eskutik. Zientzia fikziotik aldendu eta istorio errealista bat ondu du oraingoan idazle bizkaitarrak. Honetan oroimenaren ahuleziaz, iraganaren mamuez, traizio txikiez eta kontzientzia txarrez mintzo da Luzarraga.

Tartean Teatroak ‘Ez dok ero’ antzezlana estreinatuko du azaroan, Bilboko Arriagan. Patxo Telleriak eta Mikel Martinezek osatzen duten EzDok3-ren lan guztietan bezala, ikuskizun honetan ere euskara eta euskal kultura izango dira osagai nagusiak.

Fito Rodriguezen 'Hain zara eder' liburuaren errezital musikatuak eta Miren Agur Meaberen 'Nola gorde errautsa kolkoan eztulik egin gabe' poema liburu berriaren ikus-entzunezko errezitalak osatzen dute aurtengo Poesia Egunak. Irailaren 7an eta 9an izango dira emanaldiak Donostiako Victoria Eugenian.

Udarako ‘Kultur Uheri’ ekimena antolatu dute Ondarroan. Ikuskizunak balore zehatzak lantzeko tresna gisa aurkeztu dituzte: berdintasuna, euskara, aniztasuna, topiko sexistak haustea, estereotipoak… horiez gain umorearentzako tartea ere egongo da.

Nahia Zubeldia hautatu dute Nekatoeneako egonaldia egiteko. Idazlea 2020ko azaroaren 23an hasi eta hilabete batez, Hendaiako Nekatoenea baserrian egongo da olerki bilduma bat lantzen.

Eva Perez-Ponsek ‘Zaharkitze programatua’ poesia liburua plazaratu du. Perspektiba feminista batetik heldu dio liburuari Lemoako idazleak. Perez-Ponsek Blas de Otero-Bilbo Uria nazioarteko poesia saria irabazi zuen iaz lan honekin.

Miren Agur Meabe idazleak eta Ane Pikaza ilustratzaileak Begiak zerumugan poesia liburu ilustratua aurkeztu dute. Begiak zerumugan jarrita, haize-arrosa batek gidaturiko bidaia proposatzen digute Meabek eta Pikazak, “jolas batean bezala, poemetako bakoitzari darion musikari jarraituz osatuko du irakurleak liburu honen pentagrama”.

Urmuga, Euskal Herria zeharkatuko duen mendi ibilaldi musikatua aurkeztu dute. Musika eta mendizaletasuna uztartuz, egitasmoak Euskal herrian zehar osatuko den bidai barneratzaile eta integratzailea izan nahi du.

Amaia Telleria idazleak ‘Haize-lekuak’ eleberria aurkeztu du. Egileak muinean bere amonaren umetako oroitzapenak dituen kontakizun bat ondu du, Gerra Zibilean girotuta.

Ekainaren 24an ‘Bi urte, lau hilabete eta egun bat’ dokumentalaren aurrestreinaldia egingo dute Donostian. Estreinaldia berriz, Iruñean izango da. Emanaldi honen data oraindik ez dute zehaztu.

Euskarazko ehun hitz aurkitu dituzte 1610garren urtean Suitzan idatzitako liburu batean. Nafarroako Mintzoa argitaletxeak Italian eskuratutako argitalpen batea topatu dituzte hitzok Euskal Herriko hainbat erreferentziarekin batera

Musikaren munduan ibilbide luzea du egina Iker Laurobak (Donostia, 1975). Musika pasioa da donostiarrarentzat. Hainbat saltsatan murgilduta ikusi dugu; bakarlari gisa aritzen da, beste musikari batzuekin batera ere badabil, Izaro edo Sonakay taldearekin kasu, eta Itxialdiari soinu banda jartzeko asmoz, Nork ostu dit apirila? proiektua ere sortu du Jon Martin, Ane Narbarte eta Eñaut Aiartzaguenarek...

Aguxtin Alkhatek Hutsaren hatsa izeneko diskoa plazaratu du. Lanak momentu zailenetan ere zerbait berri eta hobeagoa sor daitekeela erakutsi nahi du.

Maddi Ane Txoperena idazle, bertsolari eta kazetariak bere lehen liburua aurkeztu du: Ene baitan bizi da eleberria. Lan honetarako, literaturan gutxitan landu izan den gaia hartu du hizpide: 1950.eko hamarkadan Ipar Euskal Herrian eta Frantzian neskato ibilitako emakumeen errealitatea. Eleberria Parisen ikasten ari den neska gazte baten eta Beran bizi den bere amatxiren arteko harremanean oinarrit...

Euskara ardatz hartuta, ‘Geroa euskaratik’ kanpaina abiatu du Kontseiluak. Kanpainak Gizarte berdinzale eta demokratikoagoa eraikitzeko, euskarak ere erdigunean egon behar duela eskatuko du.

Hitzaren eskolan izena emateko epea ireki dute. Iñigo Aranbarri, Maddi Barber, Haizea Barcenilla, Andoni Egaña, Xabier Erkizia eta Arantxa Iturbe ariko dira irakasle, bakoitza hitzaren adierazpide batetik. Ekainaren 7ra arte egongo da izena emateko aukera zabalik.