Kompas

Daar word al van kleins af vir kinders vertel hoe belangrik lees is, maar wat maak dit so belangrik? Skole en ouers moet anders oor lees dink, en hulle kinders op ander maniere motiveer om te lees. Digkuns deur jongmense - bestaan dit nog? Waaroor dig die jeug van vandag?

Hoe kry jy werk sonder dat jy vir ‘n lang periode werkloos is? Arehan Brand praat met Johann van Niekerk, die Afrika-spanbestuurder by ‘n finansiële konsultant, oor vaardigheidsontwikkeling. Hy vind ook uit hoe die nie-winsgewende organisasie, Harambee Youth Employment Accelerator, jong Suid-Afrikaners help om werk te kry.

Mar-li van der Merwe praat met Trevor Adams, senior onderwyskundige vir Elektriese Tegnologie in die Wes-Kaap, oor hierdie vak. Hy gee wenke om leerders te help met die voorbereiding vir die eksamens. Dr. Armand du Plessis, ‘n elektriese ingenieur, vertel wat hierdie beroep alles behels.

Arehan Brand gesels met Yulienke Jacobs, Miss Teen International South Africa 2022, oor skoonheid- en modelkompetisies. Wilan Basson is onlangs as die o/17 Suid-Afrikaanse Vierkampkampioen aangewys, en hy kuier ook saam. Die Noord-Kaap se Junior adjunkpolisiekommisaris, Danelle Jacobs, vertel van dié amp, asook al haar ander prestasies in taal-, kultuur- en dramadinge.

Grant Jefthas, ‘n skywer, en Melicia Sny, ‘n maatskaplike werker, het dinge glad nie maklik gehad in die lewe nie, maar daar is nie ‘n opgee-haar op hulle koppe nie. Kom ons put inspirasie uit hulle stories!

Sowat 345-miljoen mense wêreldwyd het kroniese hepatitis. Hepatitis A (geelsug) is geneesbaar, maar Hepatitis B tot E is nie. Wat is Hepatitus? Hoe beskerm ek myself?

Charl Davids, die waarnemende direkteur van die Universiteit Stellenbosch se Studentevoorlightingsentrum, deel gesonde druk- en stres-hanteringsmeganismes en praktyke. Arehan Brand kry raad vir ouers, en wat hulle rol in dié verband in hulle kinders se lewe is. ‘n Paar studente vertel ook van hul stresgewoontes.

Mar-li van der Merwe praat met Sarelda Koopman van die Wes-Kaapse Onderwysdepartement oor die drie-stroom-model, wat leerders beter keuses bied om hulle skoolopleiding te voltooi op grond van hulle aanleg, vermoëns en belangstellings. Dr. Erna Gerryts, 'n opvoedkundige sielkundige by die Sentrum vir Studentevoorligting en -ontwikkeling by Stellenbosch Universiteit, vertel van ongewone loopbaankeus...

Wiandré van Deventer, die kaptein van die nasionale o/19 mansjukskeispan, vertel vir Arehan Brand wat dié sport behels. Zachary Wangra, een van die tienersterre in die kortfilm, Kloon, vertel waaroor die film handel en gesels ook oor dramadinge.

Huiskoop is nie kinderspeletjies nie. Chrislynn Sias gesels met Grazelde Langeveld oor haar soektog na haar droomhuis en haar ervaring met die koop van haar eerste huis. Wynand van Vuuren, 'n kenner op die gebied van huise en versekering, gesels saam.

Wat doen ‘n traumaberader? Hoe word jy een?

Arehan Brand gesels met jongmense oor die uitdagings wat hulle in hulle loopbane ervaar. Clirissa Olivier, ‘n werwingsagent, bespreek sommige van hierdie uitdagings, en gee raad en wenke om sukses te bereik.

Mar-li van der Merwe gesels met Ashric Don van die Wes-Kaapse Onderwysdepartement oor nuwe tegnologie in die onderwys. Hy praat oor die waarde van kodering en robotika vir leerders, en wat binnekort in skole in die hierdie kurrikulums verwag kan word. Candice Amon van Life Choices Academy verduidelik waarom dit belangrik is om koderingsvaardighede aan te leer, en vertel van ‘n opwindende koderings...

Athina Jansen gesels met akademiese uitblinkers, en met aktrise Mienke Ehlers oor haar loopbaan.

Ons bespreek hoe die misbruik van drank, dwelms en enige ander middel jou geestesgesondheid kan beïnvloed. Alishia Prins vertel van haar geestesversteuring, en hoe sy uit ‘n siklus van verslawing moes breek. Robertha Lakay, ‘n sielkundige en welstandpraktisyn, het raad.

Fotografie is baie mense se passie en stokpertjie, maar kan jy dit ‘n beroep maak? Fotografie word beskou as die beste ding wat uitgevind is ná gedrukte nuus. Ons gebruik fotografie as ‘n onderrigmetode, kommuniklasiemetode en ‘n manier van selfuitdrukking.

Elzáhn Dorfling, ‘n lewens- en verhoudingsafrigter vertel hoekom jong mense moet prioritiseer en doeltreffende beplanning doen. Sy verduidelik ook hoekom ons take uitstel,. en gee raad en tegnieke wat vir sukses sal sorg. Jadelee Jacobs, ‘n 17-jarige entrepreneur gesels oor entrepreneurskap in moeilike tye. Mandeladag is ook in die kollig.

Mar-li van der Merwe praat met Abdurouf Aziz, assistentdirekteur van e-infrastruktuur en tegnologie-ontwikkeling by die Wes-Kaap Onderwysdepartement, oor slim klaskamers. Akteur en onderwyser, Ian van der Westhuizen, vertel van sy ervaring met die gebruik van tegnologie in 'n slim klaskamer. Dr. Marlena Kruger praat ook oor die sinvolle gebruik van tegnologie in die klaskamer.

Athina Jansen gesels met sport-, akademiese- en kultuuruitblinkers.

Hoekom besluit al hoe meer jongmense om oorsee te gaan werk? Watter werksgeleenthede is in die buiteland beskikbaar? Arehan Brand vind meer uit oor die werk van ‘n au pair in Europeuse lande. ‘n Woordvoerder van ‘n au pair-agentskap beantwoord sy vrae, en ‘n paar jongmense gesels oor hulle oorsese werkservaring.

Hoe minder ons nou doen om klimaatsverandering aan te pak, hoe meer sal ons in die toekoms moet doen. Hoekom is klimaatsverandering ‘n probleem? Hoe kan jongmense die probleem aanpak?

Arehan Brand gesels met Elzáhn Dorfling, ‘n lewens- en verhoudingsafrigter, oor hoe om tydsbestuur baas te raak. Hulle gee tegnieke wat vir oud en jonk kan werk, en kyk na steurnisse wat jou aandag kan aftrek en momentum kan breek. Kyle Vernon Hendricks, projekbestuurder van Youth Voices in Grabouw in die Wes-Kaap, vertel van hulle jeugberaad wat op Jeugdag plaasgevind het om aktiewe burgerskap on...

Mar-li van der Merwe gesels met Susan Hanekom oor die dienste wat EDULIS, die Wes-Kaapse Onderwysdepartement se biblioteekdiens. bied. Hulle kyk ook na die belangrikheid van lees. Jongmense vertel of hulle elektroniese of regte boeke verkies. Hulle gesels ook oor hul gunsteling herinnering van die biblioteek, en vertel of hulle steeds die biblioteek gebruik.

Athina Jansen gesels met sportiewe uitblinkers van Kakamas, Worcester en Mitchellsplain, en met ‘n dramauitblinker Tiffany Saterdaght van Outshoorn, wat onlangs aangekondig is as deel van die NATI jong sterre-mentorskapprogram vir 2022.

Chrislynn Sias gesels met Ryan Daniels en Natasha Rooi, wat terugploeg in hulle gemeenskappe. Soms word ons so vasgevang in ons eie wêreld, dat ons nie dink aan iemand wat dalk honger gaan slaap of iemand wat ‘n drukkie nodig het nie. Of sommer net iemand wat hulp benodig om die een of ander aansoek te voltooi. Hierdie twee jongmense inspireer ons om meer te doen!