ESPERTA VALLADARES

Coñecemos a proposta que nos fan dende Sete Falares, o encontro de narración oral que cita en Pontevedra a contacontos de aquí e acolá. Ademais, sabemos das excursións que organizan este verán dende o Centro Cultural.

O deporte deste mércores no #EspertaValladares ten fins solidarios. Un trail facendo o percorrido da N-120, ou mellor dito, cubrindo a distancia entre o Hospital de Ourense e o Álvaro Cunqueiro, aproveitando sendas históricas como o camiño da Raíña... E ademáis coñeceremos EMRA, o proxecto que estaba detrás da exposición Escoitar que poñía en valor o traballo das redeiras galegas.

No #EspertaValladares deste martes daremos unha volta polo MARCO. Alí poderedes atopar ata finais desta semana a exposición polo 40 aniversario da Asociación Érguete.

Comezamos cunha proposta para a fin de semana. Marchamos coñecer ouvellas galegas en “El paseo de la lana”, que se vai celebrar do 6 ó 8 de xuño en Sarreaus (Ourense). Ademais, escoitaremos ós Robots da EEI Monte Alba que viñeron facernos unha visitiña. E tamén algo de toponimia local, 'carrexón' na Garrida.

Perro Futuro presenta mañá o seu novo disco en Vigo, e antes do concerto Suso Valcárcel o seu batería viu ata a radio a falarnos deste proxecto musical. E mais recordos de Castrelos, os primeiros concertos con Heredeiros.

Cantadelas de arredor… con este proxecto acudiu CéOrquesta Pantasma ao festival Raigame deste ano. Cargado cos instrumentos e as coplas que foi recollendo en Valladares, Freixo, Matamá… viu ata a recuncho da radio.

Mércores, deportes, desta vez o día que toca… o día que nós decidimos que toca. Conversa coa xente de clube Melgachos que organiza o 5 de xullo en praia América un torneo de rugbi-praia. E falamos con Úrsula Rial, que anda traballando na recuperación da Casa do Vilar no Courel.

Para o programa deste martes… conversa con Denigrantes Comediantes, que nos conten a que andan. Ademais, se nos escoitades, xa sabedes que andabamos detrás de saber cara onde voan os paxariños que pasan sobre nós… falaremos coa xente do Grupo Ibérico de Anillamiento.

Hoxe falamos con Miguel Balea, coordinador da oficina de voluntariado do Mundial Multideporte de Triatlón de Pontevedra. E tamén conversa con Fátima, a traballadora social do CVC de Valladares sobre as Instrucións previas sobre coidados e tratamento da saúde.

Baixamos facer a compra a Vigo… unha compra peculiar, nun supermercado cheo de productos asiáticos, así que fomos acompañadas por Suevia Sobral, xefa do departamento de xaponés na Escola Oficial de Idiomas. E xa que é venres, lembranzas de Castrelos.

O uso das novas tecnoloxías para axudar a detectar o deterioro cognitivo… a partir desa premisa naceu o videoxogo ‘The Mind Guardian’, detrás do que anda atlanTTic e o Instituto de Investigación Sanitaria Galicia Sur, é dicir, Carlos Spuch, con quen falamos para que nos explique todo ben.

Mergullarse, coa xente de Buceo Rías Baixas, pero tamén dende a superficie disfrutando dos deseños de ‘Las Joyas de la Raspa’, proposta deste Esperta Valladares

A quen non lle gusta o chocolate? De cacao, da súa orixe, das fincas onde se produce, da súa elaboración… de todo e algo máis conversamos con Ruth Meller cando baixamos ao Berbés a coñecer Cumboto.

Coas pandeiretas resoando na nosa mente, seguimos falando de música, decantareiras... E mais música, a das 'Cantigas de Santiago' de David Russell, a da previa de Balaídos de onte. E a dos maios, que o venres viñeron os rapaciños de preescolar Monte Alba e do centro de día da Garrida cos seus cestiños de flores. Ah! e algo de toponimia da zona, 'as chans', que en Valladares hai moitas.

Seráns, concertos, regueifas… de todo un pouco para celebrar as Letras Galegas de 2025. No auditorio da casa estarán as Cantareiras do Alba xunto coas Mouchiñas e Caramuxos da ACF O Fiadeiro. E un paseíño por Castrelos, que sempre presta.

Préstavos un paseo polas montañas? Mellor ben acompañadas, ven ata o recuncho da radio Nacho Pequeno, contarnos das súas andainas polo mundo adiante. E xa que saímos o mellor e saber orientarse, diso falaremos co profe de Educación Física do CEP Igrexa Valladares.

Vamos presumir de atletas viguesas, mañá falamos con Ester Navarrete, que ven de gañar a prata no Campeonato de España de 10.000 metros que se celebrou esta fin de semana en Mahón. Ademáis conversa con Silvia Calo, a man detrás de Toda Frágil, as xoias de cristal que forman parte do universo Hibernar de Fillas de Cassandra.

Hoxe o doce son das ‘Arpas Atlánticas’, unha proposta para o día das Letras Galegas da Orquesta Folk Sondeseu. Tamén ‘visita guiada’ por algúns muíños da zona, en Matamá. E algo de música en galego, coma sempre.

Comezamos a semana das Letras Galegas a golpe de música clásica. No #EspertaValladares conversamos coa Orquesta Clásica de Vigo, que ven de pechar o ciclo de actuacións para celebrar o seu 40 aniversario e teñen libro para conmemoralo! Ademais, como as cantareiras, petiscos de aquí e acolá cun moito de música.

#EspertaValladares os venres, sae cultureta. Ademais, dos recordos de Castrelos, paseo pola feira de Beade e pola axenda do centro cultural, que estamos no mes das Letras Galegas.

Hoxe collemos o coche… pero ben acompañadas. Falamos coa autoescola Quyaro, que sigue enseñando a conducir a xeracións de veciños da parroquia.

O balonmán femenino de Vigo e contorna está vivindo un gran momento, desto e da súa traxectoria deportiva falaremos con Fátima, a traballadora social do Centro Veciñal e Cultural que esta tempada xogou no Carballal. Aproveitaremos tamén para coñecer á Fundación Esplai e o seu traballo na nosa cidade.

Hai unha semana estabamos de resaca da apagada… no #espertavalladares deste martes retomaremos a conversa con Xoan Carlos Abad, sobre os rapaciños da contorna viguesa que marcharon coa ‘División Azul’. Ademais, descubriremos as rutas da andaina polos montes de Vigo o domingo. Falaremos con Javi Maneiro sobre ‘Anxos no inferno’, o seu último sinxelo.

Empezamos a semana falando coa plataforma de afectados pola ampliación do PTL, estiveron pola radio para explicarnos como vai o proceso, as súas reclamacións, en que punto se atopan as expropiacións…

Vai un especial musical cheiño de arrolos para ir celebrando día das nais e mais o mes das Letras Galegas.