ESPERTA VALLADARES

Esta fin de semana a axenda está repleta, que o domingo son as fogueiras! Empezamos na casa, que mañá pola tarde hai xuntanza moteira no torreiro que organizan dende o Grupo Motero 4 Amigos, e despois damos unha volta coñecer as propostas de festa, que son moitas!

O San Xoán chama ás portas e no centro cultural xa están a organizar a fogueira. Falamos coa xente de Ecoloxistas en Acción que xa deron a coñecer as súas bandeiras negras. E conversa co IKFEM, que este ano estrean Orquesta Sinfónica da Eurorrexión.

No deporte, quedamos na casa que venres é o fin de curso do patinaxe! Ademais, falamos das propostas de escape room que ofrecen dende EuRural e imos ata Ortigueira coñecer a lenda do seu dragón.

Conversa coa xente de Nós Mesmas, que estamos no mes do Orgullo Crítico LGTBI+. Ademais, falamos con Zeltia Irevire, que anda metida nun novo proxecto, “Desfacer o medo”. E miramos cara o mar, coñecer da man do IEO que son e como están os fondos de maërl das rías galegas.

Un paseo pola natureza coa Senda do Moucho para empezar ben o luns. Ademáis, coñecemos a proposta desta edición do Sinsal, #sinsalsenrastro e o espectáculo “Universo entre Canciones”, que fusiona arte e ciencia.

Unha volta pola casa, ver a que andan no piso de arriba, que nós estamos nun recunchiño da cafetería. E paseo da man da ONG Igaxes por Panxón que teñen exposición de fotografías de Fuco Reyes.

Todo pode pasar cando o #espertavalladares baixa a Vigo. Desta volta paramos na Galería Maraca. Ademais, coñecemos as bicicletas de Beadebikes, un revival das de hai 200 anos. E conversa con Caruncho, que presentan disco e están de 30 aniversario.

Conversa con Santi Vieitez sobre o fútbol femenino, que ven de presentar un libro sobre as súas características difenciais. E xa que estamos lectores proposta: “52 días a bordo del Botafogo”, de Yago Presa Tomé. Ademáis falaremos con Javi Maneiro, que sacou disco en solitario.

Cando viaxades… sodes de traer souvenirs para vós ou para a familia? No Liste teñen unha exposición temporal sobre eles! Ademáis un café no Paparra, que eles son de coleccionar matrículas. E imos ata Vaidhé, unha tenda de cousas bonitas, incluidos recordos de Vigo.

Un ratiño de conversa coas Fillas de Cassandra, que volveron a Radio Valladares. Ademáis paseo pola biblioteca coñecer a sección de adultos, e unha recetiña, que hai que aprender a cociñar!

Conversas variadas: . unha de música, a de Guadi Galego . libros, un paseo coñecendo a biblioteca do Centro Cultural . maxia, coa xente de Magia en la Manga que nos recibiu na súa casa

50 anos de matrimonio… a ver quen chega! Recibimos na radio aos que o celebraron este ano, Antonio e Saladina, Abel e Benedita e Gregorio e Nieves, e máis a Tere e Marisa, que estiveron na organización da festa… que eso tamén ten historia!

Tivemos visita no recunchiño da radio, recibimos a Juan del Arco, xogador de balonmán, que esa tempada decidiuse a deixar as canchas. Dese proceso, do seu futuro… conversa de vagar. E tertulia a carón dunha partida de dominó.

Visitamos a EMAO. O edificio en si xa ten moito que contarnos, pero o seu contido é do máis variado, percorremos a exposición do mapa do coiro en España… todo un descubrimento. E coñecemos a receita do leite mazado.

Historias para comenzar o mes de xuño. Conversa con José Alberto Pina compositor da Lenda do Maracaibo, unha das pezas que máis gustan na Unión Musical de Valladares. E falamos con Simone Saibene sobre a súa película documental “Pelerinaxes”, a viaxe realizada por Otero Pedrayo, Risco e Ben Cho Sey entre Ourense e Teixido.

#espertavalladares de venres: coñecemos a proposta de Xardín Desordenado, que actúan o sábado no auditorio (20:00). Imos ata Sabarís a mirar unha exposición de bicicletas, e proposta no Casco Vello Alto, aprender a contar historias con Kame Clases de Cómic.

Botámonos ao monte. Imos ata Vincios falar das vacas cachenas que andan limpando o monte Galiñeiro e algunha proposta forestal máis, setas nos montes de Vigo. E xa que estamos, paramos un despacho de pastas a tomar o café.

Bufandas para animar ós rapaces do Valladares fútbol sala. E ademáis, conversa de vagar con Suso Cameselle Ben, que anda rematando unha triloxía das lendas de Redondela e ven contarnos a da Coca.

Aproveitamos o programa deste martes para facer un resumo das actividades da fin de semana. Falamos con Anxo Xoan Rajó, que viu presentar ao clube de lectura do CVC de Valladares o seu libro sobre Luisa Villalta. E conversa con Miguel Riaño, director de “La ciudad de la Selva”, sobre os guerrilleiros no Casaio.

Arrincamos a última semana de maio… e seguimos coñecendo as propostas do CVCV, o venres hai obradoiro para os nenos “Debuxando a Luisa Villalta”. Ademáis, conversa con María Méndez, que presenta ‘No me gusta como hablas’. E paseo pola natureza, imos mirar ao ceo ás cegoñas que andan polo estuario do Miño.

Festival musical para este #Esperta de venres. Seguimos a celebrar as Letras Galegas no auditorio de Valladares con dous concertos: o sábado Beatriz Martínez e Langarika, e o domingo a banda que trae o proxecto “Unha noite de amor con Lela”. Ademáis cita cos The Rapants no Festival de Cans.

O domingo hai Asemblea de socios do Centro Veciñal e Cultural… búscase nova xunta directiva! E xa que andamos pola casa coñecemos a Miguel Anxo Alonso Diz, que ven contar un conto aos rapaces da ludoteca: “O país da choiva”

Mércores, deportes… desta volta petanca, falamos coa Federación Galega para coñecer esta disciplina. Ademáis, conversa coa xente de Adega sobre o Proxecto Ríos. E quedamos na casa, coñecer o traballo que fan cos rapaces nas aulas de apoio.

Propostas para un martes de primavera. Ir ata a Asociación de Veciños de Lavadores, que teñen un mercado de productos da casa. Ademáis, cruzamos a ría para coñecer un barco prehistórico, a borna, que xa estaba representado nos petróglifos de Moaña. Falamos coa xente da Illa dos Ratos que nos achegou esta historia.

Luns… Conversa sobre o proxecto “Aférrate a la vida” de Alborada de prevención do suicidio. Ademáis falamos con Anxo Pintos que este venres Sondeseu presenta o seu novo directo “Entreterras”.