RSG Kuns

Die toneelstuk, Die ander dogter, sou by 2025 se Woordfees debuteer, maar weens onvoorsiene omstandighede kon dit nie open nie. Die produksie debuteer wel by vanjaar se KKNK in Oudtshoorn. Christelle Webb-Joubert gesels met prof. Naomi Morgan oor die boek waarop die stuk geskoei is, en wat sy uit Frans uit vertaal het.

Liewe Heksie Word Gescam is te sien by die KKNK. Margit Meyer-Rodenbeck wat die stuk geskryf het en die regie behartig, vertel meer.

THE FIREBIRD/DIE VUURVOËL is 'n klassieke ballet wat in 1911 geskep is, op musiek van Igor Stravinski. 'n Splinternuwe kontemporêre weergawe van die werk word in Kaapstad opgevoer. Een van die uitstaande kenmerke van die werk is die poppe wat gebruiik word. Terrance April gesels met Janni Younge oor die produksie.

Die veelbekroonde ANNIE+HELEN is te sien in Pretoria. Christelle Webb-Joubert gesels met die dramaturg en regisseur, Hennie van Greunen, asook met Judi Hattingh, wat die rol van Helen vertolk.

Die artistieke direkteur van die Franschhoek Kamermusiekfees, Peter Martens, vertel van die tien konserte by vanjaar se fees, wat plaasvind van 12 tot 15 Februarie.

Mzansi Chamber Music Collective is 'n organisasie wat kamermusiek bevorder, met die aanbied van talle konserte waar plaaslike kunstenaars kan optree. Terrance April gesels met Francois Combrinck oor die verskillende konserte in die eerste helfte van die jaar.

Die aktrise Mandri Sutherland vertel van haar eenvrouvertoning, Vrou ens. 1.2

Die musiekspel, CATS, is tans te sien by Montecasino in Johannesburg. Christelle Webb-Joubert praat met musiekregisseur Louis Zurnamer oor sy werk en lewe.

Die artistieke direkteur van Kaapstad Opera, Magdalene Minnaar, vertel wat hulle vir 2026 beplan.

Christelle Webb-Joubert kuier vir die laaste keer saam met die kunsjoernalis en resensent, Diane de Beer. Diane vertel wat haar ontstel, en wat sy nog sou wou doen.

Die Suid-Afrikaanse Internasionale Balletkompetisie word vanjaar vir die 17de keer aangebied. Terrance April gesels met Dirk Badenhorst, bestuurshoof van Mzansi Ballet, wat ook die organiseerder is van dié ballethoogtepunt vir talle jong dansers.

Skrywer en regisseur Kristen Fichard vertel vir Christelle Webb-Joubert van die tragi-komedie, Akrasia.

In die derde deel van die gesprek met kunsjoernalis en resensent Diane de Beer, ptaat sy oor haar blog en haar man Dries de Beer.

NOBODY TOLD ME, 'n nuwe drama deur Luc Albinski, open 28 Januarie 2026 by Theatre on the Square in Sandton. Terrance April het met Liezl de Kock gesels, wat die hoofrol in die verhoogwerk vertolk.

Die tenoor en organiseerder Coert Grobbelaar vertel van ‘n konsert ter ere van die komponis, S. le Roux Marais.

Die Oppiwater Kunstefees vind plaas van 9 tot 14 April 2026. Daar is meer as 40 Afrikaanse teaterproduksies waaruit gaste kan kies, soos Dana Snyman se memoire, SEUN, wat verwerk is vir die verhoog. Christelle Webb-Joubert gesels met die regisseur Nico Scheepers.

Die musiekspel, CATS, het gehore in die Kaap bekoor, en nou is dit Johannesburg se beurt om saam met die katte te kuier. Christelle Webb-Joubert praat met die musikale regisseur, Louis Zurnamer.

Regisseur Johan van der Merwe gesels oor die produksie, PROOI/PREY, wat te sien is by 2026 se Oppiwater Kunstefees.

Joburg Ballet is vanjaar 25 jaar oud. Hulle gaan dit behoorlik vier met verskeie produksies en projekte. Terrance April gesels met Dane Hurst, die artistieke direkteur van die geselskap, Nicole Ferreira-Dill, assistentchoreograaf, en Savanaah Jacobson, senior danser, oor die jaar wat voorlê.

Christelle Webb-Joubert kuier verder saam met die kunsjoernalis en resensent, Diane de Beer. Sy vertel hoe sy by Pretoria News beland het, en haar werk as resensent.

Adriaan Fuchs is sedert 1 Januarie die nuwe bestuurshoof en artistieke direkteur van die Kaapstad Filharmoniese Orkes. Terrance April het met hom gesels.

Regisseur Ilne Fourie vertel vir Christelle Webb-Joubert van die eenman-komedie, Terug na Louis Trichardt.

Joernalis Diane de Beer is een van daardie mense wat sonder veel fanfare ‘n enorme bydrae tot die kunste gelewer het. Sy was van 1981 tot 2016 by Pretoria News, en het met haar pen die wêreld van die uitvoerende kunste aan lesers bekendgestel. In die eerste deel van die gesprek gesels sy oor haar naam, grootwordjare, studies en haar eerste werk.

Die Klein Karoo Nasionale Kunstefees, wat van 28 Maart tot 4 April 2026 in Outshoorn plaasvind, se feesprogram is verlede jaar bekendgestel. Christelle Webb-Joubert praat met die bestuurshoof en artistieke direkteur, Hugo Theart, oor die fees wat vanjaar 30 jaar oud is.

Franci van den Berg van Kaapstad Stadsballet vertel wat alles op hulle 2026-program is.