Driesestig

Lelanie van der Berg gesels oor grootword op Genadendal, haar pad tot op die wêreldverhoë, en haar produksie by die Woordfees.

Sydney Maree gesels met Martelize Brink en Johan Rademan oor sy atletiekloopbaan, sy wêreldrekord in die 1 500 m wat langer as 40 jaar gestaan het, en straatmyle. Francois Fouché vertel van die Dagbreek-straatmyl.

Albert Frost vertel dat hy tromme gespeel het voor hy kitaar toe geskuif het.

John Morris vertel van Stellenbosch Universiteit se Mariendahl-proefplaas, waar hulle ook kommersieël met skape boer.

Felix Spies praat oor die konsep dat ‘n woord ‘n vorm kan hê.

Dean Balie en Bianca Flanders vertel vir Martelize Brink en Johan Rademan hoe hulle as ‘n paartjie bymekaar gekom het, en van hulle produksie, Prima, by die Woordfees.

Die Upingtonse skrywer, Anzil Kulsen, gesels oor aspirantskrywers van die Noord-Kaap, wie se stories nou ontgin word. Haidee Muller-Isaacs het ook gaan hoor hoe van die skrywers oor dié gulde geleentheid voel.

Janelle en Ian de Kock gesels met Martelize Brink oor vye kook. By Soet Tand werk hulle met groenvye, ryp vye en swartvye.

In Hong Kong is daar tans ’n opwip-weergawe van Swede se Museum vir Walglike Kos. Dis duidelik dat kultuur ‘n invloed het op watter kos mense dink walglik is.

Irene Snell-Carroll, Age-in-Action se direkteur vir die Wes-Kaap, is onlangs deur Nation Builder vereer deur hulle Proteas of Mzanzi-projek.

Dr. Lana Bouwer vertel vir Martelize Brink van maniere om die vagussenuwee te stimuleer, en toestande waar dit kan help.

Singapoer het ’n nuwe vlerksleepwebblad vir staatsamptenare tussen die ouderdomme van 21 en 35. Dit word gedoen om te help om die land se geboortesyfer te verhoog.

Adele Johnson staan aan die hoof van Soetmelksvlei, en deel hulle erfenis uit 1897 se uitbeelding van die plaas wat eers as Donkerhoek bekend gestaan het in die Franschhoekvallei. Johan Rademan het met haar in die Jonkershuis oor die handvaardighede en gedeelde erfenis gesels.

Tanya Klopper vertel vir Martelize Brink hoe sy en ‘n vriendin grafte skoonmaak en onderhou. Hulle maak ‘n verskil, een graf op 'n slag.

Freek de Kock vertel vir Martelize Brink van Bothaville se Nissan en Datsun Erfenismuseum met meer as 200 voertuie.

In die VSA is verskeie mense in die nuus oor jaag, of dit nou is vir ontbyt, of omdat hulle nie langer kon knyp nie.

Braam Gerber vertel vir Martelize Brink van sy 18 maande in Shenzhen, China. Veral die Chinese se werksetiek en 12 uur werksdae is opvallend.

Magda Meyer van die Paarl vertel vir Haidee Muller-Isaacs hoe dit gebeur het dat sy deesdae weekliks 'n heilsame maaltyd vir 2 000 mense uit haar industriële sopkombuis kan aanbied.

‘n Man in New Hamshire in die VSA het ‘n brandweerwa gesteel terwyl die brandweer besig was om die brand by sy huis te probeer blus.

Dr. Gabriella Leighton vertel vir Martelize Brink van die Tilcayo-katspesie wat onlangs in Bolivië ontdek is.

In die landbounuus: Kwalifiserende privaatmaatskappye kan bek-en-klouseer-entstof vir die Landbounavorsingraad vervaardig; Plaaslike melkproduksie styg effens in Augustus; Nuwe tegnologie kan boere help om rooijakkalse se gedrag beter te verstaan; en Winterstorm Kuilvoer skenk 1,5 ton per maand aan Kultuurtuiste.

Felix Spies vertel van die Stanford-eksperiment. ‘n Weergawe van dié omstrede navorsing in nagebootste gevangenisomstandighede sal binnekort op Netflix te sien wees.

Geïnspireer deur Alaska se vet beer-week waar die publiek vir die vetste beer kan stem, het Indië nou ’n weergawe vir honde, Fat Dogs of Delhi.

Destyds, toe sy in haar vroeë veertigs 'n pos as hoof van 'n laerskool op Heidelberg gekry het, is daar omtrent gegons en gefrons. Haidee Muller-Isaacs hoor Cynthia Roberts het haar goed van haar taak gekwyt, ten spyte van die teenkanting.

Kos- en kultuurhistorikus Hetta van Deventer-Terblanche vertel van die opmerkings van ‘n Engelse dame in haar boek, Life At The Cape A Hundred Years Ago, oor kos aan die Kaap in die 1800’s.