Driesestig

In die landbounuus: SA Canegrowers vra die minister van finansies om die suikerbelasting af te skaf; Sampro stel sy jongste marktendensverslag bekend; Zimbabwe se regering sê hy het reeds R8,45 miljard se vergoeding aan wit boere betaal; 54,3% van Namibië se vrugte- en groente-uitvoere is in 2025 na die EU.

Felix Spies verduidelik vir Martelize Brink die werking van die IceCube Neutrino-observatorium waarvoor Francis Halzen die Nobelprys vir Fisika in 2026 ontvang het.

Die Stadsraad van Birmingham het per ongeluk met die verkoop van ‘n drieslaapkamer huis, wat grens aan ‘n laerskool se sportvelde, die skool by die transaksie ingesluit. Nou soek hulle die skool terug.

Koos van der Merwe gesels oor sy nuwe album, My hande maak holtes, wat in November bekendgestel word. Dis ook die naam van sy vorige digbundel. Sy jongste digbundel is Die Armkant van Rykdom.

Lohra de Waal en Heidi Eloff demonstreer vir Martelize Brink en Johan Rademan hoe Nordiese Stap werk, vertel van hulle medaljes by die wêreldkampioenskappe in Finland, en die naweek se Velddraf met Woorde by die Woordfees.

Prof. Marena Manley vertel wat sy beoog met haar termyn as voorsitter van Raad van die Suid-Afrikaanse Akademie vir Wetenskap en Kuns.

Laudo Liebenberg gesels met Martelize Brink en Johan Rademan oor musiek, films en saam met Frank Freeman, en produksies by die Woordfees.

Brigitte du Preez laat Martelize Brink en Johan Rademan proe aan heuningbostee uit verskillende streke. Hierdie fynbostee is eers redelik onlangs kommersieel begin verbou.

Mimi Seyffert-Wirth wys vir Martelize Brink en Johan Rademan van die skatte wat in die Stellenbosch Universiteitsbiblioteek is, soos CJ Langenhoven se das wat hy kort geknip het.

Frank Freeman gesels oor musiek maak vir jouself, en dan vir ‘n gehoor. Hy vertel van sy Woordfeesproduksie, Wie is Bernoldus Niemand, met sy groep, VOLK.

Kabous Meiring gesels oor die filmbedryf en die Toyota Stellenbosch Woordfees se gesprekke oor die bedryf.

Dannhauser van der Merwe vertel vir Martelize Brink en Johan Rademan van die Dagbreek Manskoshuis se Eiffelkoor, wat vanjaar die Atterbury Trust A Capella nasionale kompetisie gewen het.

Elmarie Rabe gesels met Martelize Brink en Johan Rademan oor die Stellenbosch Wynroete.

Biokinetikus Conrad Litch praat oor die voordele van weerstandsoefening vir ouer volwassenes.

Deon Meiring gesels oor Glaskas se 20 jaar-mylpaal, en sy solomusiekloopbaan.

Tom Dreyer vertel wat die werk van ‘n feesdigter behels, en hoe hy in sy IT-beroep beland het.

Kosghoeroe Isabella Niehaus vertel hoe sy in die kosbedryf beland het. Sy sê dis wat gebeur as jy nie weet hoe om nee sê nie.

Lucinda Rosa Bosch gesels oor die verskillende kunsvorme wat sy beoefen. Buiten musiek skryf en sing is daar onder andere ook pensketse en keramiek.

Dr. Zelda Bijzet vertel van die gedenktuin by LNR Infruitec-Nietvoorbij op Stellenbosch. Daar is ‘n boom wat van ‘n steggie gekweek is van ‘n 2 400 jaar oue olyfboom in Getsemane!

Schalk Joubert vertel vir Johan Rademan en Martelize Brink van Anton Goosen se invloed op musiek, en die verskeie produksies by die Woordfees waarby hy betrokke is.

Hennie en Rosa Faul vertel vir Martelize Brink en Johan Rademan van hulle lewe in Santiago in Chili waar hulle sewe jaar lank gewoon het.

Dr. Schalk van der Merwe vertel vir Johan Rademan en Martelize Brink van die eerste plate in Afrikaans, en ’n geskiedenis-gesprekreeks by die Woordfees waar hy betrokke is.

Lelanie van der Berg gesels oor grootword op Genadendal, haar pad tot op die wêreldverhoë, en haar produksie by die Woordfees.

Sydney Maree gesels met Martelize Brink en Johan Rademan oor sy atletiekloopbaan, sy wêreldrekord in die 1 500 m wat langer as 40 jaar gestaan het, en straatmyle. Francois Fouché vertel van die Dagbreek-straatmyl.

Albert Frost vertel dat hy tromme gespeel het voor hy kitaar toe geskuif het.