Driesestig

Dr. Donovan Kirkwood, kurator van die Universiteit Stellenbosch se Botaniese Tuin, is op 26 Augustus 2025 in die Jonkershoekberge oorlede nadat hy tydens ‘n plantkundige ekspedisie geval het. Hy het met CapeNature en besoekers van Cambridge Universiteit plantmateriaal versamel van ‘n spesie waarvan daar na raming minder as 50 oorgebly het. Entomoloog Marelise Faul van die Grootbos Stigting het ook...

Dieetkundige Valpré Huisamen praat oor die volgorde waarin jy jou kos behoort te eet, en waarom.

In Finland kyk mense stadige TV. ‘n Treffer daar is Pentu Live waar jy 24 uur ‘n dag kan kyk na hondjies. Vanjaar kon jy kyk hoe Hilkka haar ses kleintjies kry, hoe hulle die eerste keer drink, en andersins hoe hulle tot 20 uur per dag slaap.

Haidee Muller-Isaacs vind meer uit van die Afrikaanse Taalmuseum se kruiepraatjie wat eersdaags plaasvind. Heinrich van Wielligh, die koördineerder van besoekersdienste en geleenthede, en botanis Rupert Koopman het met haar gesels.

Lea Mastrogiuseppe vertel vir Martelize Brink van Mosselbaai se Super Veloce Timeless Masterpieces wat eksklusiewe koffiemasjiene maak, geïnspireer deur motorenjins en lugvaart. Van die masjiene is met goud beslaan en met diamante versier!

Brady Rogers van Kanada het ‘n komiese aanslag gehad in sy veldtog om tot die stadsraad verkies te word. Al het hy byvoorbeeld gesê: “Ek wil dit skaars doen”, het hy die vierde meeste stemme gekry in die stryd om agt raadsetels.

Elzette van Zyl vertel vir Martelize Brink van die lewe in Jeddah in Saoedi-Arabië, en die Jeddah-na-Taif-uitdaging wat sy en ‘n vriendin gaan aanpak, waar hulle meer as 200 km in ‘n aflos gaan draf.

Barbra Steyn vertel vir Martelize Brink hoe sy en haar man Eugene te werk gegaan het om met behulp van kunsmatige intelligensie sy gedigte te toonset.

‘n Kanadese toeris het in Las Vegas ‘n flamink ontvoer, wat hom vyf jaar in die tronk kan laat beland.

Rudi Steenkamp vertel vir Martelize Brink van die die Spinnekopklub van Suider-Afrika, en waarom hy so passievol oor hierdie misverstaande wesens is.

In die landbounuus: Die Johannesburg Aandelebeurs denoteer Tongaat Hulett; Die Departement van Water en Sanitasie beplan om die Benede-Oranjerivier tot ’n klas drie-waterhulpbron te gradeer; Rolspelers in die landbousektor kom byeen vir ‘n gesprek oor El Niño-voorbereiding; Die span spitbraaiers wat Suid-Afrika in die eerste Lamb Champs Invitational sal trotseer, is bekendgemaak.

Felix Spies praat oor rooi spriete, ‘n natuurverskynsel waarvan ‘n foto die wetenskapwêreld onlangs aan die gons gehad het.

Op 14 Oktober 2026, die dag van die honderdjarige viering van Winnie-the-Pooh se eerste publikasie, het ‘n beer ingebreek by ‘n biblioteek in Kalifornië. Nes Winnie-the-Pooh is hy reguit heuningpot toe.

Dit het alles begin met 'n braai op 'n duin op Lambertsbaai, waar daar net 'n long drop was. Nou heet hierdie einste plek Oppi Duin, want Martin Louw se familie het toe 'n pragtige gasteplaas en trouplek oor die jare organies daar' gebou. Haidee Muller-Isaacs het daar gaan kuier.

Kos- en klutuurhistorikus Hetta van Deventer-Terblanche gesels oor oesfeeste wat weer gewild is.

‘n Musiekgroep in Australië het ‘n nuwe Guinness-wêreldrekord opgestel met nege optredes in verskillende stede binne 12 ure. Hulle het sowat 700 km afgelê.

Nagenoeg 70% van die lewe op aarde, so word geraam, vind ondergronds plaas. Marelise Faul is ‘n entomoloog van die Grootbos Stigting in die Gansbaai-omgewing. Johan Rademan het met haar gesels oor van die projekte waarmee die stigting besig is.

Dr. Xen Ludick praat oor mans se gebruik van Botulinum-toksien. Hy sê mans se aanslag tot hierdie behandeling is tans waar vroue 15 jaar gelede was.

‘n Labrador genaamd Sgiath in die Skotse Hoogland is aangewys as die Internasionale Fonds vir Dierewelsyn se dier van die jaar. Sy het al honderde kolonies van ‘n indringerorganisme in die see opgespoor en uitgewys.

Sybill October vertel vir Haidee Muller-Isaacs van haar geliefde grootworddorp, Stanford, waar sy opgegroei het as een van 10 kinders. Sy het op die ou end 'n skoolhoof daar geword. Haar opleiding aan die destydse Athlone Opleidingskollege in die Paarl verruil sy vir niks.

Jeanne Fourie vertel vir Martelize Brink van Tru-Cape se Erfenisboord op Oak Valley in die Elgin- en Grabouw-omgewing. Daar is vrugtebome van historiese variëteite soos die Witte Wijnappel wat Jan van Riebeeck aan die Kaap geplant het.

‘n Paartjie in San Diego in Kalifornië het ’n webblad, Not a Wedding Crasher, begin waar jy ‘n uitnodiging na ‘n troue kan koop. Jy kry ’n partytjie, en help so betaal vir die bruilof.

Santie Terreblanche praat oor die sielkundige effek van heeltyd bang wees. Dis iets waaraan veral vroue in Suid-Afrika blootgestel is.

‘n Vlug tussen Italië en Australië moes uitgestel word weens bedluise, wat die mense op die vorige vlug van 17 uur lank gebyt het.

Rudi Riek gesels met Martelize Brink oor berede boogskiet, en die uitdagings van boogskiet terwyl jy perd ry.