Regsake

12 Oktober 2026: Tiaan Joubert fokus op die werksaamhede van die Aktekantoor. Est-Marié McCallahan bespreek ‘n onlangse hofuitspraak wat te doen het met die Verbruikerswet en verskaffers wat sekere klousules in kontrakte baie duidelik onder 'n verbruiker se aandag moet bring, en dit nie net in die fynskrif kan wegsteek nie.

5 Oktober 2026: Prokureur Tiaan Joubert praat oor die rol en werk van ‘n gesinsadvokaat. Elsa Kruger Willemse beantwoord ‘n luisteraarsvraag oor die strik van lewenslange vakansieklub-kontrakte.

28 September 2026: Prokureur Tiaan Joubert bespreek die werksaamhede van die balju. Arbeidsregkenner Johan Botes praat oor ‘n onlangse hofuitspraak wat handel oor ‘n werknemer in Kaapstad wat R2,8 miljoen aan haar werkgewer moet terugbetaal omdat sy gejok het oor haar werkservaring.

21 September 2026: Prokureur Tiaan Joubert bespreek die werksaamhede van die Meester van die hof. Familieregkenner Elmari Richter verduidelik wat die reg oor peetouers sê.

14 September 2026: Elsa Kruger-Willemse praat oor die kuns van gee, en wat jy moet weet van skenkingsbelasting in Suid-Afrika. Volker Kruger bespreek die geldigheid van 'n testament sonder 'n datum, inkomstebelasting by trusts, die verkoop van 'n huis sonder die erfgename se toestemming, en ander vrae oor testamente, boedels en trusts.

7 September 2026: Prokureur Tiaan Joubert praat onder meer oor die voortslepende agterstand van die Meesterskantoor in Johannesburg. Boedelspesialis Volker Kruger praat oor die regte van lewensmaats in terme van die intestate erfreg, onderhoudseise teen bestorwe boedels en eise vir verlies aan onderhoud ná die dood van 'n lewensmaat in 'n motorongeluk.

31 Augustus 2026: Prokureur Susan de Wet praat in die die laaste episode van die reeks oor vroue en die reg oor die ontwikkeling van vroue se erfreg. Familieregkenner Riëtte Oosthuisen praat oor surrogaatskap in Suid-Afrika.

24 Augustus 2026: Prokureur Est-Marié McCallahan praat in die vierde episode oor vroue en die reg oor maritale mag. Prokureur Susan de Wet beantwoord ‘n luisteraarsvraag oor die Padongelukkefonds, wat verband hou met ‘n eis wat na jare nie uitbetaal is nie, en ‘n boedel wat as gevolg daarvan nie afgehandel kan word nie.

Est-Marié McCallahan praat in die derde van vyf insetsels oor vroue en die reg, oor die ontwikkeling van vroue se stemreg. Prokureur Elsa Kruger-Willemse praat oor nuwe wetgewing, en hoe dit die veiligheid van kinders sal beïnvloed in ‘n wêreld wat deur sosiale media oorheers word.

10 Augustus 2026: Prokureur Est-Marié McCallahan praat in die tweede aflewering vroue en die reg oor Vrouedag. Dr. Gerrie Ebersohn bespreek ‘n onlangse saak oor WhatsApp-boodkappe wat aangestuur is, en of die aanstuur daarvan moontlik haatspraak aangehits het of nie.

3 Augustus 2026: In die eerste van vyf aflewerings in ‘n reeks oor vroue en die reg vertel prokureur Est-Marié McCallahan oor hoe die regstelsel ontwikkel het sodat vroue ook toegang kon kry tot regsberoepe. Strafregkenner dr. Llewelyn Curlewis verduidelik wat bekentenisse in die Suid-Afrikaanse reg behels.

27 Julie 2026: Prokureur Tiaan Joubert praat in die laaste van ons reeks van vier episodes oor die Regspraktykraad en ander belangrike liggame in ons regslandskap. Arbeidsregkenner Johan Botes praat oor afwesigheid weens siekte en sieknotas, na aanleiding van getuies by die Madlanga-kommisie wat sieknotas ingehandig het om hulle afwesigheid te regverdig.

20 Julie 2026: Prokureur Tiaan Joubert -praat in die derde van ons reeks van vier episodes oor die Regspraktykraad. Hy fokus op wat dit in praktyk vir regspraktisyns beteken om deur dié raad gereguleer te word. Boedelspesialis Volker Kruger bespreek ‘n hofsaak wat handel oor of ‘n koper die verkoper vir verborge gebreke aanspreeklik kan hou in weerwil van 'n voetstootsklousule.

13 Julie 2026: Prokureur Tiaan Joubert praat in die tweede van vier episodes oor die Regspraktykraad. Hy verduidelik wat hierdie regsliggaam vir jou kan beteken. Prokureur Est-marie McCallahan praat oor wat jy mag en nie mag doen met die neem van foto’s en video’s in openbare plekke.

6 Julie 2026: Tiaan Joubert verduidelik wat die Regspraktykraad is, die raad se verhouding met die publiek en praktisyns, en watter ander regsliggame daar is om van bewus te wees. Prokureur Susan de Wet bespreek ‘n saak wat handel oor of die Padongelukkefonds aanspreeklik is wanneer 'n ongelukslagoffer later selfdood pleeg.

29 Junie 2026: Dr. Gerrie Ebersohn praat oor arbeidsreg en personeelafleggings. Elsa Kruger-Willemse verduidelik die hierargie en die werking en toeganklikheid van Suid-Afrikaanse howe.

22 Junie 2026: Boedelspesialis Volker Krüger bespreek ‘n saak wat handel oor wanneer jy skadevergoeding van die Staat vir onregmatige arrestasie en aanhouding kan eis. Tiaan Joubert verduidelik of jou werkgewer jou summier mag wegjaag. Hy beantwoord onder meer vrae oor wat substantiewe billikheid behels, wanneer ‘n verhoor moet plaasvind, en of dit waar is dat jy eers drie waarskuwings moet kry vo...

15 Junie 2026: Patentprokureur Bianca Luwe praat oor outeursreg, wat mense soms dink slegs op skrywers, kunstenaars en musikante van toepassing is. Dr. Gerrie Ebersohn bespreek die arbeidsreg met betrekking tot jou aftreeouderdom.

8 Junie 2026: Prokureur Tiaan Joubert praat oor die Inligtingsreguleerder se konsepgedragskode oor toegangsbeheer by geboue en komplekse. Est-Marié McCallaghan praat oor onwettige bouery in komplekse, en gepaargaande boetes.

1 Junie 2026: Boedelspesialis Volker Krüger bespreek ‘n onlangse hofsaak teen die Kaapstad Munisipaliteit oor 'n ekstra heffing vir grondeienaars. Prokureur Elsa Kruger-Willemse praat oor hoe families hulle rykdom oor generasies heen bewaar.

25 Mei 2026: Arbeidsregkenner Johan Botes bespreek ‘n uitspraak van die Hoogeregshof in Polokwane oor laster in die werkplek. Susan de Wet bespreek ‘n saak oor wanneer die Padongelukkefonds aanspreeklik gehou kan word vir beserings wat tydens ‘n kaping opgedoen is. Sy bespreek ook ‘n saak oor ‘n passasier wat ‘n motor se handrem opgetrek het terwyl die bestuurde...

18 Mei 2026: Boedelspesialis Volker Krüger bespreek 'n hofsaak oor twee lewensmaats wie se paaie geskei het. Die vraag is of die vrou tussentydse onderhoud van die man kan eis, hangende die litigasie oor die verdeling van hulle bates. Prokureur Tiaan Joubert verduidelik wat met jou kan gebeur indien jy regsdokumentasie sou ignoreer.

Prokureur Elsa Kruger-Willemse praat oor erflatings en erfgename wat sterf. Prokureur Est-Marie McCallahan praat oor die beskerming van diere. Het diere regte in Suid-Afrika?

Igna Klynsmith bespreek ‘n luisteraarsbrief oor ‘n persoon wat geld in ‘n Ponzi-skema belê het sonder dat hy geweet het. Hy praat ook oor selfoonmaatskappye se verantwoordelikheid ten opsigte van bedrieglike boodskappe wat op hulle netwerke gedeel word. Igna groet Regsake ná 34 jaar. Hy deel van sy mooiste herhinneringe.

Igna Klynmsith praat oor regstelsels, en wat dit behels. Hy praat ook oor die anominiteit van minderjariges wat misdade gepleeg het.