Driesestig

Bradley Gibbons vertel vir Martelize Brink van die bedreigings vir bloukraanvoëls.

Professor Renata Schoeman vertel vir Martelize Brink hoe jy van uitbranding kan herstel.

Albie Klein vertel vir Martelize Brink van die gevare van asbes en wat die wet daaroor sê.

Dis alombekend op Oudtshoorn dat Vader Enrico Parry 'n uiters begaafde leerder was tydens sy skooljare in die jare tagtig. Sy oud-onnies op Oudtshoorn vertel nou nog hoe hy basies enige loopbaan sou kon najaag, indien hy wou. Hy het die geestelike pad gekies. Haidee Muller-Isaacs het met hom gesels oor sy destydse besluit, en hy bring ook 'n boodskap van hoop aan die moedeloses.

Willem le Grange vertel vir Martelize Brink van die pampoen van 867 kg wat hy gekweek het.

Dr. Winifred E. Bowman vertel vir Martelize Brink van Suid-Afrika se brandewynroetes.

Cintaine Schutte vertel vir Martelize Brink van haar ervaring tydens Flikker en Flash by die Woordfees op Stellenboch.

Haidee Muller-Isaacs vind meer uit oor die pragtige St. Saviour Katedraal op haar tuisdorp. Toeriste neem vandag nog foto's van hierdie indrukwekkende katedraal in Baron van Rheedestraat, en desjare het die mense van Oudtshoorn graag hulle troufoto's op die kerk se trappe geneem.

Joe Lishman vertel vir Johan Rademan en Martelize Brink hoe die administrasie van ambagte in die verlede gewerk het.

Ernst Muller vertel vir Johan Rademan en Martelize Brink hoe bye gevang word, en wie dit mag doen. En Kobus Kemp praat oor die wetlike aspekte van bye.

Ons het gehoor hoe die leerlinge van Alexander Road High en Setlaarspark Laerskool ‘n vioolvennootskap gevorm het danksy die sonderlinge Muzukidz-program wat jong, weerlose leerders deur vioolspel help bemagtig. Mariska Spoormaker het die stigter van Muzukidz, Maria Botha, in die musiekklas van Setlaarspark raakgeloop.

In 'n sonderlinge musiekprojek word die violiste van die Baaise Hoërskool, Alexander Road High, geleer hoe om vioollesse vir die kleintjies van Setlaarspark Laerskool, ook in Port Elizabeth, te gee. Die hoërskoolmusiekjuffrou aan stuur van hierdie vioolprojek is Elmarie van der Vyver. Mariska Spoormaker het by Alexander Road High gaan inloer om die storie te kry.

Kenne Loubser vertel hoe jou emosies jou finansiële gedrag beïnvloed.

Johan Oldenburg gesels met Johan Rademan en Martelize Brink oor sy suksesvolle skuif van die finansiële wêreld na die modebedryf.

Anton Goosen gesels met Johan Rademan oor Silver de Lange, en die rol van grafte as monumente. En Maryna Viviers gesels oor haar oorlede man, Gerhard Viviers, se graf wat onlangs opgeknap is. Sy deel ook 'n paar herhinneringe van hom.

Jako van Tonder vertel vir Johan Rademan van die rol van ‘n familieslaghuis en waar 'n slagter sy opleiding kry.

Maryke Musson verduidelik vir Johan Rademan en Martelize Brink wat gelei het tot die massa visvrektes by die V&A Waterkant in Kaapstad.

Verlede week het ons gehoor hoe die Maranatha Jeugsentrum in Port Elizabeth jong volwassenes gereed maak vir die werk- en grootmenswêreld. Mariska Spoormaker gesels nou met Samantinio Gabriel wat as jong kind 'n lewe op straat bo een van dissipline en skool verkies het. Toe beland sy by Maranatha, begin weer leer en is nou, op 21, besig om haarself as sjef te kwalifiseer.

Dr. Linda-Louise Geldenhuys praat oor die groei van aanlynopvoeding tydens die pandemie.

Estelle du Preez vertel vir Martelize Brink van die eienskappe en die produksie van Boerenkaas.

Leani Jansen van Vuuren vertel vir Martelize Brink van die Love my Valley-inisiatief van welwillendheid in die Kaapse Wynlande.

Prof. Johan De Villiers, ‘n wiskundeprofessor, en sy vrou Louwina is die stigters van die gerekende Libertaskoor op Stellenbosch. Die twee vertel vir Haidee Muller-Isaacs hoe alles begin het. Ons hoor hoe hulle tydens die grendeltyd moes oefen, en Haidee het gaan loer hoe die groep nou (steeds gemasker) in die De Villers-egpaar se huis op Stellenbosch oefen.

Prof. Clark Scholtz praat oor die belangrikheid van insekte vir die mens se welstand.

Ilze Soutter praat oor die verantwoordelikheid van eienaars van skole en voorskoolse onderrigsentrums om hulle personeel vir opleiding in outisme te stuur.

Annarise Wolmarans gesels met Martelize Brink oor die palinggat by die Stilbaai toerismekantoor waar jy wilde palings kan voer.