Driesestig

Jacques Erasmus van Hemelhuijs vertel sitrusvrugte die beste is om in te lê, die kortpaaie en die regte verhouding tussen vrugte, suiker en water.

Haidee Muller-Isaacs gesels met oudskoolhoof Hubert Titus. Hy en sy vriende, onderwyser Lukas Minnie en motorwerktuigkundige Leon Hougard ry fiets van Rundu af in Namibië tot in Worcester as deel van ‘n fondsinsameling vir evangelisasie, asook 'n kosprojek vir haweloses. Hulle mikpunt is om 2 500 km af te lê, en hulle vorder fluks.

Spesialis dermatoloog dr. Barbara van der Westhuizen verduidelik waarvoor infrarooimaskers gebruik word, en of dit veilig en effektief is.

Oom Henry Slamet was 'n gewilde skoenmaker op Wellington. Hy was een van die Bolandse dorpie se bekendste en geliefde inwoners, en deel van Wellington se geskiedenis. Met sy knap vaardigheid en absolute toewyding het hy nuwe lewe gegee aan skoene wat ander lankal sou weggooi. Oom Henry is onlangs oorlede. Haidee Muller-Isaacs gesels met die skrywer Daniël Lötter oor sy herinneringe van dié besonde...

Dr. Mandie Uys vertel wat ons kan leer by Ethiopië.

Christine Coetzee en Lara Stepčić vertel van hulle ervaring van die Camino Francés in Spanje.

Maryke Musson van die SA Vereniging vir Marine Biologiese Navorsing, wat uShaka Marine World insluit, vertel van die magiese blouwalvis.

In hierdie week se landbounuus: Die rooivleisbedryf verwelkom die nuwe nasionale beheermaatreëls vir bek-en-klouseer. Kaapstad bied in 2027 die Royal Agricultural Society of the Commonwealth se landboukonferensie aan. Graan SA sê boere moenie die skuld kry vir hoë voedselpryse nie. ’n Ontwikkelingsprogram in die Noord-Kaap fokus op groter marktoegang vir opkomende wolprodusente.

Phillip Strydom, professor in vleiskunde by die Departement Veekundige Wetenskappe aan Stellenbosch Universiteit vertel van alternatiewe vleissnitte soos picanha, flat iron, denver, bavette en flank steak.

Rouan Ontong is ‘n tuiemaker by Soetmelksvlei, waar ‘n 19de eeuse werkende interaktiewe plaaswerf uitgebeeld word. Hy lewer daagliks demonstrasies. Rouan is een 1 van slegs 5 tuiemakers in die land, en hy is die jongste van ‘n handvol vakmanne wat nog die masjiene systap en self hand aan die ploeg slaan. Johan Rademan het by hom gaan inloer.

Annatjie Reynolds gee praktiese wenke oor die verwerking van wildsvleis.

‘n Vlieënier het vir 17 jaar lank by Air Canada as kaptein gewerk, sonder die regte lisensie. Sowat 900 vlugte later kom hulle dit toe agter.

Die Karl Bremer-hospitaal in Bellville in Kaapstad se noordelike voorstede is vanjaar 70 jaar oud. Haidee Muller-Isaacs het drie van die heel eerste bruin verpleegsters opgespoor wat desjare daar begin werk het, nadat die hospitaal oopgestel is vir almal.

Dieetkundige Valpré Huisamen vertel hoe moderne geprosesseerde kos ontwerp word in laboratoriums.

Die Nederlandse konseptuele kunstenaar, Wim T. Schippers, is verlede maand oorlede. Ter herdenking stal Museum Boijmans Van Beuningen sy werk, Pindakaasvloer, uit. Dit is 263 kg se grondboontjiebotter, wat 2 cm dik in die vorm van ‘n 25 vierkante meter heksagoon gesmeer is.

Op 78 is die bekroonde aktrise, Sandra Prinsloo, nog aan die gang in die vermaakbedryf. Trouens, soms kan sy self nie glo dat sy al sterk op pad 79 toe is nie. Haidee Muller-Isaacs het met haar gesels oor nuwe dinge in 2026, en oor die ou dae in die bedryf.

Dr. Mandie Uys vertel van die Koningin van Skeba wie se seun by koning Salomo die eerste van sy bloedlyn was, wat vir byna 3 000 jaar in Ethiopië regeer het.

In Rusland druk die ekonomie, en vroue verkoop hulle borsinplantings aanlyn op die tweedehandse mark nadat dit verwyder is. Jy kan egter nie die prostese weer vir iemand anders inplant nie.

Casper Kruger gesels oor die lewe in Băbana, naby die stad Pitești in Roemenië.

Alda Fourie vertel vir Martelize Brink van Engo Vrystaat se sorgverlatersprogram wanneer jongmense te oud word om in jeugsorgsentrums te bly.

Jalen Godard het in Maryland in die VSA sy rieme styfgeloop toe sy motor gesteel is terwyl hy inbreek by ‘n winkel. Toe hy die diefstal by die polisie aangee, sit hulle een en een bymekaar, en vir Jalen in boeie.

Dr. Elizna Boag praat oor troeldiere se tandgesondheid, en veral die aandag wat gegee moet word aan klein hondjies en katjies.

In vandeesweek se landbounuus berig ons onder meer oor pogings om die prestasie van die Kaapstad hawe te herstel; AgriSA se kommentaar op ‘n verslag van die Nasionale Energiereguleerder; die prestasie van Suid-Afrika se melkbedryf; en ‘n kommerwekkende verslag oor plaagdoderreste in talle alledaagse kossoorte.

Joanie Voss gesels met Martelize Brink oor haar ervaring as begunstigde van RSG se 2025 matriekafskeidveldtog saam met die Elizabeth Galloway Academy of Fashion.

Grimeerkunstenaar Claire Hobson het haar hond se as met pigment gemeng, en semipermanente oogomlyner daarmee laat tatoeër, met die idee dat hy steeds die wêreld deur haar oë kan ervaar.