RSG Kuns

Tronk met ’n D. debuteer by Innibos 2026. Die vervaardigers, Johan van der Merwe en Ignatius van Heerden, vertel meer.

Christelle Webb-Joubert gesels met kunstenaar Martine Robinson oor botaniese kuns. Martine het onlangs ’n oorsese kompetisie gewen met twee van haar kunswerke.

Ashley Stone, die voorsitter van Swartland Toerisme, vertel waarom kuns en die kunstenaars in daardie omgewing so belangrik is vir toerisme. Christelle Webb-Joubert gesels ook met een van die plaaslike kunstenaars, Andries Dirks.

Aktrise Minke Marais vertel van die toneelstuk, Waterbrief, wat na 7 jaar weer op die verhoog te sien is.

Kaapstad Stadsballet is druk besig met repetisies aan hulle produksie van ORPHEUS IN DIE ONDERWÊRELD. Terrance April gesels met Kirstel Paterson, hoofdanser van die geselskap.

Aktrise Carla Smith het die toneelstuk, Crybaby, geskryf. Sy behartig ook die regie. Sy vertel waaroor dit gaan.

Dit is altyd verblydend om te hoor van 'n konsert of twee waar besoekende kunstenaars uit die buiteland voor plaaslike gehore optree, veral as hulle kragte saamspan met ons eie kunstenaars. Terrance April gesels met Johan van Zyl van Classical Movements oor só 'n geleentheid.

Matie van Graan het op 52 begin toneelspeel. Sy vertel vir Christelle Webb-Joubert hoe dit gebeur het. Sy gesels ook oor Pampelmoesmampoer, wat te sien is by Innibos 2026.

Cate Terblanche, Sasol se kurator en een van die beoordelaars, moedig opkomende kunstenaars aan om in te skryf vir die Nuwe Handtekeninge-kunskompetisie vir 2026.

By Innibos 2026 kan gehore gaan kyk na Sterstof. Die regisseur De Klerk Oelofse vertel meer.

Die feesdirekteur van die Vrystaatkunstefees, Michael Garbett, gesels oor 2026 se program.

Dit is tyd vir die volgende konsertseisoen van Kaaptad Filharmonies. Terrance April gesels met die bestuurshoof en artistieke direkteur, Adriaan Fuchs.

Sarita Hauptfleisch, dirigent van die Palisander Kamerkoor, vertel van hulle opkomende optredes in twee katedrale – een in Frankryk en een in Spanje.

Christelle Webb-Joubert kuier gesels met Sunieda Kelber en Magonjatjie oor hulle nuwe produksie oor boelies.

Salon Musiek se konserte keer terug na Pretoria. Die artistieke direkteur, Willem Vogel, vertel meer.

Die musiekspel, A Gentleman’s Guide to Love and Murder, is vir die eerste keer te sien in Suid-Afrika. Die musiekregisseur en akteur, Barend van der Westhuizen, vertel meer.

Mzansi Ballet het al talle produksies gedoen wat gebaseer is op kunstenaars soos Abba, Queen, Neil Diamond en Elvis Presley. Nou gaan gehore by die Pieter Toerien Teater by Montecasino die geleentheid kry om iets oor Michael Jackson te beleef. Terrance April gesels met Dirk Badenhorst, bestuurshoof van Mzansi Ballet, oor Heal the World.

Die musikant, John Reid Coulter, vertel van drie konserte waar vier klawesimbels te hoor is.

Christelle Olivier vertel van konserte wat in Kirstenbosch aangebied word. Dié konsertreeks was vir jare ‘n droom van haar klavieronderwyser, dr. Ingrid Gollom.

Terrance April gesels met musiekregisseur Daniël Butcher-Geddes oor die musiekspel, Pretty Woman.

Pianis en feesdirekteur Elna van der Merwe vertel van die tweede Gamka Klassiek in Prins Albert. Dit vind plaas van 5 tot 7 Junie 2026.

Atterbury Klassiek vind van 21 tot 24 Mei plaas. Pianis Charl du Plessis vertel van dié fees in Pretoria, asook sy drie konserte in die Kaap.

Innibos vind plaas van 2 tot 5 Julie in Mbombela. Die bemarkingsbestuurder, Naranda Leeuwner, vertel wat alles op die spyskaart is.

Christelle Webb-Joubert gesels met dramaturg en regisseur Louis Viljoen oor sy nuwe riller, The Killing of a Union Leader.

Maestro Richard Cock is baie bedrywig in Mei. Terrance April gesels met hom oor twee konserte waar hy as dirigent optree.