RSG Kuns

Christelle Webb-Joubert besigtig Cow Mash se uitstalling, ditšwatšhemong, by die Javett-UP gallery in Pretoria saam met kurator Storm Janse van Rensburg.

Die akteur Tiaan Rautenbach vertel van die vele rolle wat hy al vertolk het oor die jare – veral in musiekteater. Hy vertel ook van sy rol in Pretty Woman.

Die Soweto opstande van 1976 is al op verskillende maniere herdenk deur 'n musiekspel en talle rolprente. Nou is daar 'n nuwe toneelstuk, RISE '76. Terrance April gesels met Ben Albertyn oor dié werk wat by die Baxter en die Markteater aangebied sal word.

Die akteurs, Frank Opperman en Margit Meyer-Rodenbeck, is saam op die verhoog te sien in die toneelstuk, Eerste vir Alles. Hulle gesels met Christelle Webb-Joubert.

Die kunstenaar Hermien van der Merwe het vir sewe weke saam met ander kunstenaars kuns geskep op Tafelberg. Die werk wat geskep is, word in Mei uitgestal in die Kaap.

Die musiekspel, Ons vir Jou, is na 18 jaar weer op die verhoog te sien. Die sanger en akteur, Bok van Blerk, vertolk die rol van De la Rey. Aktrise Nadia Beukes gesels saam.

Christelle Webb-Joubert stap verder saam met die kurator, Storm Janse van Rensburg, deur die uitstalling, Orchard of the Imagination by Javett-UP.

Die toneelstuk, Eugene, wat by die Suidoosterfees open, is gegrond op 'n roman van Kirby van der Merwe. Dit het die Eugene Marais Prys in 2023 gewen. Kirby het ook 'n skildery geverf, wat die temas van sy boek verder uitbeeld. Saartjie Botha het die boek verwerk vir die verhoog. Terrance April gesels met Kirby van der Merwe.

Creative Round Art Academy is ‘n nuwe toevoeging by die Rust-en-Vrede Galery. Die hoof, Hamlin Jansen van Vuuren, vertel wat hulle alles doen.

Christelle Webb-Joubert besoek die Javett-UP Galery in Pretoria. Die kurator, Storm Janse van Rensburg, gee die agtergrond van die uitstalling, Orchard of the Imagination.

Die Hermanus FynArts-fees vind van 6 tot 14 Junie plaas. Christelle Webb-Joubert gesels met die feesdirekteur, Eon de Vos.

Gehore in Johannesburg kan in Mei uitsien na verskeie kooroptredes deur die Universiteit van Johannesburg se koor saam met 'n aantal besoekende kore uit die buiteland. Terrance April gesels met die koorleier, Sizwe Mondlane, oor die reeks optredes.

Kurator Donavan Mynhardt vertel van die drie uitstallings wat tans te sien is by die Rust-en-Vrede Galery in Durbanville.

Aktrise Willa van Schalkwyk vertel van die eenvrouvertoning, EK, OUER. Dit gaan oor ‘n vrou wat haar man aan die dood afstaan, en skielik ‘n alleenouer is.

Terrance April en Adriaan Fuchs, bestuurshoof van die Kaapstad Filharmoniese Orkes, sit hule gesprek voort oor die orkes se herfsseisoen.

Kunstenaar Eri-Kah van Breda gesels oor haar passie vir vuur en fynbos, en hoe sy dit uitbeeld in haar kuns. Sy vertel ook van die werkswinkels wat sy aanbied.

Skrywer Riana Scheepers gesels oor die klassieke musiekdrama, VIVALDI EN DIE VONDELING. Niël Rademan is die regisseur. Hy vertel ook van ‘n ander produksie waarby hy betrokke is by vanjaar se Suidoosterfees.

Aanhangers van die ikoniese ROCKY HORROR SHOW kan weer saamsing tydens vertonings van dié musiekspel in Kaapstad en Johannesburg. Terrance April gesels met Tjaart van der Walt oor die produksie wat onlangs in Kampsbaai geopen het.

Regisseur Eloise Clasen vertel van Reza de Wet se toneelstuk, Diepe grond, wat eersdaags aangebied word in Johannesburg.

Kunskoors word in 2026 vir die tweede keer aangebied. Die kunstenaar Zuanda Badenhorst vertel waarna gehore kan uitsien in Jeffreysbaai.

Die kunstenaar Maggie Laubser is op 14 April 1886 gebore. Deon Oliver, voorsitter van die Maggie Laubser Stigting vertel wat hulle alles op dié dag beplan in Malmesbury.

Die dirigent van Con Spirito Filharmonies, dr. Sjoerd Alkema, vertel van die spesiale Mozartkonsert wat hulle aanbied.

'n Groep Suid-Afrikaanse akteurs het onlangs na een van die Balkanlande gereis om saam met plaaslike akteurs daar 'n nuwe verhoogwerk te skep, wat die verband tussen die twee lande ontgin. Terrance April gesels met Greg Homann, artistieke direkteur by die Markteater oor die stuk, UNDER THE SHADE OF A TREE I SAT AND WEPT.

Christelle Webb-Joubert kuier by die beeldhouer, Anton Smit. Hy gesels oor sy uitstalling wat te sien is by die Kunsvereniging van Pretoria.

Een van die organiseerders van die Clarens Kunstefees, Elna Rossouw, gesels oor vanjaar se hoogtepunte.