Podcast Oñati Irratia

Master Cup txapelketako elite mailako final handia jokatuko du igandean Uxue Osesek. AlonaMendi saileko pilotariarekin hitz egiteko aukera izan dugu eguerdiko kirol tartean

Errealitate birtuala teknika erabiliz Arrikrutzeko koba ezagutzeko 12 minutuko material prestatu da. Betaurreko berezi batzuez baliatuta, koba barruan egotearen sentsazioa izango du bisitariak, leizezuloaren ikuspegi osoa, 360 gradukoa, eskainiz. Irisgarritasunean urrats berria suposatzen duen bitarteko honen ingurukoak eta asteburuan ospatuko den Kobazuloen XIII. egunaren ingurukoak azaldu dizkig...

Larunbatean, 19:00etan estreinatuko da Santa Ana aretoan "Sehaska kanta gorriari" izeneko antzezlana. Aktoreak eta zuzendaria entsegu betean harrapatu ditugu baina tartetxo hartu dute antzezlan berriaz eta orain arteko sormen prozesuaz gurekin berba egiteko.

17 urteren ostean, Resu Muruak gimnasia erritmiko saileko presidente kagua utzi du. Guraso talde berri batek hartu dio lekukoa saila kudeatzen. Zuzendaritza berriko bi kide eta entrenatzailea izan ditugu Oñati Irratian.

Mikel Begoña "Euskal kominigintza 1975-2020" erakusketaren komisarioetako bat da. Kultur etxean martxoaren 31ra arte ikusgai dugun erakusketaren inguruko xehetasunak eman dizkigu.

40 urte inguru ditu Errekalde herri eskolak eta hasieran egin ziren sukaldea eta jangela berritzearen premia zegoen. Kontserjearen etxea zena hartuta, espazioa zaharberritu ez ezik, handitu eta berrantolatu da. Lanak amaituta, sukaldea eta jangela berriak ikusten egon gara. Bide batez, eskolako jolasgunean Udalak egin asmo dituen lanak ere azaldu dizkigute Loreak eta Aintzanek, ikastetxeko zuzenda...

Apirilaren 12tik 26ra egingo dira Arte jardunaldiak baina antolatu diren tailer eta ikastaroetan izena emateko epea zabalik dago jada. Egitaraua ez da ordea tailerretara mugatuko eta zein beste ekintza antolatu dituzten azaldu digu Mikel Garaik.

Ernaik 10 urte bete dituela eta "Debagoienatik ari gara" aldarrikapen eta ospakizun egitaraua antolatu da larunbaterako. Ernai gazte antolakundeko bi kide, Aimar Loiti eta Eneritz Osinaga, hurbildu dira gure estudioetara, urteurrenaz, antolakundearen erronkez edota Elorrion apirilean egingo duten topaketaz aritzeko.

Berritasun ugari ekarriko ditu larunbatean, 30. Oñatiko Duatloiak. Ibilbide aldaketa, pantaila erraldoia, musika...Euskadiko txapelketa izango da gainera. Azken orduaren berri eman digu Xabi Luis antolakuntza taldeko kideak.

"Kontzertuak familian" ekimen berria martxan jarriko du Ganbara faktoriak larunbatean, "Orkestra barrutik ezagutzen" kontzertuaren haritik. Bezperan, ostiralean, "Kantari" udaberriko emanaldia eskainiko du Ganbara Kantu Eskolak.

Kultur etxeko zaharberritze lanak amaitu eta gutxira egokitu zen KZgunea Santa Marina plazako eraikinaren goiko solairuan. Bertan jarraitzen du egun. Zer nolako zerbitzuak eskaintzen dituzten eta 20 urte hauetan izan diren aldaketak azaldu dizkigu Aitor Madridek.

Elkar Hezi ikastetxeko hainbat ikasle sailkatu dira Euskadiko V. Filosofia olinpiadetako finalera, modalitate ezbedinetan. "Mugak eta justizia" gaiaren inguruan osatu dituzten lanei buruz berba egin dugu beraiekin.

Iñaki Iglesias, areto futboleko talde nagusiko entrenatzailearekin berba egin dugu, asteburuan liderraren kantxan jokatuko duten partidaz.

Oñatiko Musika Bandak kontzertu berria eskainiko du igandean: Musikaldia. Musikaletako doinuak nagusi izango dira eta Bergarako Candem Town Dance Studioko dantzariek parte hartuko dute. Kontzertuaren nondik-norakoak azaldu dizkigu Aitor Biain zuzendariak.

Gazteluaitzen, izenak iradokitzen duen gaztelurik egon ote zen jakin nahi du Antxon Arrietak eta Antxoka Martinez arkeologoarengana jo du laguntza eske. Martinezek zuzendutako kata-jarduna egingo da asteburuan eta zer nolako lana izango den azaldu digu Aranzadi elkarteko kideak.

1953ko martxoaren 8an jokatu zen Oñatin munduko ziklo kross txapelketa. Lasterketa bertatik bertara ikusi zuen Jerardo Elorza gonbidatu dugu eta probaren eta garaiko Oñatiko eta kirolaren kronika egin digu.

"Naturaren erritmoetara elikadura, natura eta ongizatea uztartuz" tailer zikloari dagokion hurrengo hitzordua larunbatean, martxoak 11, beteko da. 11:00etatik 13:30etara elikadura plana berrikusi eta aztertuko da eta, bereziki, geminatuak landuko dira. Gainera, sendabelarren erabileraren inguruan sakonduko dute Natur eskolako lagunek. Zikloari dagokion 5. tailerraz argibideak eman dizkigute Amaia...

"Erreusak" proiektuari esker egin zen fitxa osatze eta informazio bildumatik sortu da "ATZO,ETZI. Oñatiko kultur ondaren etnografikoa" liburua, Jerardo Elorza bildumako 4. zenbakia duena. Liburuan, 2021ean jaso zen informazioa laburbildu behar izan du Arantzazu Sagarzazu Sacristanek eta lana nola osatu duen azaldu digu.

Musika aukera zabala izango da martxoan ere Antixena gaztetxean, eta lehenengo asteburutik hasita, gainera. Hilerako dagoeneko lotuta duten egitarauaren berri eman digu Beñatek.

Agintaldiko azken ALKATEAREKIN BERBETAN saioa egin dugu Izaro Elorzarekin eta herritarren galdera asko ekarri ditugu mahai gainera: San Martinen ikusten ari diren exkabadoren arrazoia, energia komunitateak sortzeko aukera, konpostaren banaketa, Sancti Spiritus unibertsitatearen berritze lanak...

Laurunbatean aurkeztu zuen Aloña Mendik kategoria ezbedinetan izango dituen txirrindulari taldeak. Gainera, kadete eta jubenilek asteburuan hasiko dute denboraldia. guztiaz aritu gara Aloñako txirrindularitza saileko ordezkariekin.

Emakume asko protagonista dira martxoko Kontzejupetik aldizkarian, zenbaiti egindako elkarrizketen ingurukoak aurreratu dizkigu Iñigo Arregi lankideak.

Goiena telebistako "Kantari" saioaren 8. aldia Bergaran hasi zen, urtarrilean. Orduan grabatutako artista gazteen lehen saioak asteburuan eman dira. Baina telebista kamerak Oñatira, Gaztelekura, etorriko dira igandean, herriko 7-11 urte bitarteko haurren kantu eta dantzak grabatzera. Saioaren aurkezlearekin, Beñat Arizabaletarekin berba egin dugu.

Eta urteurren hori Oñatin dauden sahararrek nola bizi duten jakin nahi izan dugu 16 urteko Larbi Mohamed-ekin berba eginda. Historia errepasatzen ere lagundu digu.

Peio Bilbao fondako arduradunarekin berba egin dugu. Generoa erosi eta Urbiara autoz iristeko asmotan harrapatu dugu baina ikusi egin behar bidean zenbat elur berri pilatu den.