Día a Día

‘Historias de pedra, Tui e as súas parroquias’ é o título do libro de Rosa María Vila, artista tudense que recolle nas súas páxinas máis de 20 debuxos de Tui e das parroquias. Este venres día 3, ás 19 h, o edificio Francisco Sánchez acollerá a presentación deste libro, á venda nas librerias tudenses. Hoxe mantivemos unha entrevista con Rosa María Vila na que destacou que esta idea naceu na pandemi...

Hoxe mantivemos unha entrevista co alcalde de Tui, Enrique Cabaleiro, sobre a sinatura do Acordo de Constitución da Rede España-Portugal de Cooperación Transfronteiriza, para o que viaxará mañá a Lisboa; sobre a visita da Secretaria de Estado de Comercio no día de onte a Tui; e sobre o proceso de licitación da construcción do novo Centro de Cooperación Policial e Aduaneiro.

Usados Camacho é unha tenda de roupa e enseres de segunda man que está en Valença, na avenida Sá Carneiro. Aurora e Rosi Camacho explicaron hoxe como funciona o seu establecemento, con roupa donada por particulares e asociacións, e con prezos simbólicos dende 50 cts a 2 euros. Tamén desempeñan un labor solidario donando o que se precise. Os teléfonos de contacto son 654 61 92 63 ou co portugués, 0...

Seis espectáculos conforman a programación teatral dos meses de febreiro e marzo no Teatro Municipal de Tui. Haberá tres obras de teatro, dúas para público adulto e unha para público infantil, celebrarase o undécimo aniversario da Eurocidade Tui-Valença cun concerto, a maxia chegará con perspectiva de igualdade e proxectarase o filme ‘Canta 2’. Sonsoles Vicente, concelleira de Cultura, explicounos...

Este domingo terá lugar na igrexa de Santa Comba de Ribadelouro un concerto solidario en favor de Cáritas. Acturán a Coral Ponte das Febres, o Coro Infantil CEIP de Pazos de Reis e a Coral Polifónica San Roque de Vigo. A entrada será un quilo de alimentos non perecedoiros.

Até este domingo está a ter lugar en Tui unha residencia cinematográfica dun novo proxecto da Asociación Cultural Enfoques chamado Ventura. Trátase dunha plataforma de traballo para que directores e productores presenten as súas propostas a profesionais do sector audiovisual.

Unha entrada máis luminosa, aseos accesibles, un plan de evacuación e protección contra incendios ou o aumento dun 48% de aforo, son algunhas das melloras que se levaron a cabo no pavillón da Sangriña na Guarda. Este sábado terá lugar a inauguración, e hoxe falamos co alcalde guardés, Antonio Lomba, sobre estas obras de renovación, que tiveron un investimento de 1.870.000 €.

O AECT Rio Minho é unhas das cinco rexións seleccionadas pola Dirección Xeral de Política Rexional e Urbana da Comisión Europea e pola Organización para a Cooperación e o Desenvolvemento Económicos (OCDE), para participar no lanzamento do proxecto ‘Construír rexións transfronteirizas máis resilientes’. Hoxa valoramos esta participación co seu director, Uxío Benítez.

Falamos agora de solidariedade, e facemos un balance do rastrillo solidario realizado o mes pasado polas ANPAS de todos os centros educativos de Tui no claustro do Seminario menor. Falamos con Eva Pazo, a presidenta da ANPA do CEIP de Pazos de Reis; Auri Fernández, da ANPA do Colexio Maristas Santa María; e con Jenny Rodríguez, de ASANOG.

O tomiñés Diego García Fontán é preparador físico e actualmente traballa no CD Guadalajara da 2ªRFEF. Charlamos con el co seu recente libro, 'Cómo ser mejor deportista', e tamén da importancia da preparación física no deporte de élite.

Hoxe ás 19.30 h presentarase na Biblioteca Municipal de Tui o libro “Xogos tradicionais galegos para tempos de recollida”, que foi elaborado durante a pandemia polo Observatorio do Patrimonio Lúdico Galego. Hoxe falamos con Xosé López, mestre do IES Indalecio Pérez Tizón, e Paco Veiga, da Asociación Galega do Xogo Popular e Tradicional.

Ricardo Rodríguez é tudense e adestrador no BM Caselas. A pasada semana colgouse a prata no Campionato de España de Seleccións Autonómicas como parte do staff técnico da Selección Galega cadete feminina. Hoxe pasou pola nosa sintonía para relatarnos esa experiencia.

Unha nova fortaleza do século XVII foi identificada en Tomiño, precisamente en Taborda. Unha fortificación que acredita a importancia do Baixo Miño na guerra con Portugal. Hoxe falamos con Rebeca Blanco, investigadora que onte participou na presentación desta identificación.

O Monte Aloia será un dos espazos naturais onde se vai desenvolver unha rede de seguemento de bolboretas impulsada pola Xunta de Galicia, e levado a cabo por voluntarios e voluntarias. Saba González, a coordinadora de Butterfly Monitory Screen Galicia, explica os detalles desta actividade.

O alcalde de Tui, Enrique Cabaleiro, explicou esta mañá no programa Día a Día a situación na que está a policía local de Tui. A baixa de tres axentes e do inspector xefe provocou que o corpo quedase en servizos mínimos. En breve agardan incorporar cinco novos policías logo de completar a súa formación na Academia Galega de Seguridade.

A Escola de Hostelería Baixo Miño ofrece formacións gratuítas que van dirixidas tanto para persoas desempregadas, como para autónomos e empregadas. Hoxe falamos con Jesús Castiñeira, da propia Escola, para explicar que cursos teñen activos.

Tui e Valença retomarán mañá a súa Cabalgata Internacional dos Reis Magos cun percorrido polas dúas cidades con recepción aos máis pequenos no Paseo da Corredoira. Hoxe puidemos falar con Sonsoles Vicente, concelleira de Cultura, sobre este evento que pechará a programación de Nadal.

A Guarda recibiu o luns a visita de Maica Larriba, a subdelegada do Goberno, e de Miguel García, o Xefe provincial de Costas da Xunta de Galicia, para valorar os danos provocados polas choivas da pasada fin de semana. Hoxe valoramos este encontro co alcalde, Antonio Lomba.

Hoxe fixemos balance das incidencias que deixo a tormenta da pasada fin de semana con Enrique Cabaleiro, alcalde de Tui, e José Manuel Carpinteira, presidente da Cámara de Valença.

Dende En Marea o seu voceiro na corporación municipal de Tui, Laureano Alonso, fixo hoxe balance deste 2022, e nos deixou os seus desexos e felicitación para 2023.

José Manuel Palacín voceiro de C21 na corporación municipal deixounos hoxe a súa felicitación para 2023, deunos conta dos seus desexos para o novo ano e tamén fixo balanzo deste 2022.

Carmen Núñez, voceira do BNG, acompañounos tamén esta mañá para facer balance deste 2022 e dar conta dos retos para o próximo ano. Tamén nos deixou a súa felicitación.

Esta mañá compartimos uns minutos con José Ángel Fernández voceiro do PP na corporación municipal de Tui. Deixounos o seu balance deste ano, os desexos e a felicitación 2023.

O Centro Social Fuscalho na Guarda acollerá mañá ás oito da tarde a presentación do proxecto “O val de Tebra: os fíos da historia” do xornalista Christian Villaverde. O acto está organizado pola Asociación Xuliva.

Innovación, ilusión, unión ...son parte dos elementos que estarán este venres, ás 20.30 h no concerto de Fin de Ano no Teatro Municipal. Así nolo contaron esta mañá os representantes da catro agrupacións que van participar - as corais do Centro Sociocomunitario, Ponte das Febres e San Telmo e a Banda de Música Popular de Tui - no programa Día a Día. A cita musical comezará ás 20.30 h e as entradas...