Día a Día

De excelente noticia cualificaba o alcalde de Tui, Enrique Cabaleiro, a aprobación onte no Consello da Xunta do Plan de Dinamización da Área Rexurbe redactado polo Concello de Tui. Deu conta tamén da súa presenza en FITUR e dos desafío que o turismo presenta na cidade. Referiuse amais a outras cuestións coma as obras da Avenida de Portugal e ao aparcamento soterrado.

O Restaurante Beldade, ubicado no Remesal en Tui, sitúase no 16º posto do TOP 100 de Forks, sendo o primeiro establecemento galego. A súa chef, Inma López, amosaba hoxe a súa satisfacción por este feito que se suma ao recoñecemento obtido anteriormente ao ser recomendado pola Guía Michelín. Con ela falamos en Día a Día.

Da man do coronel Miguel Cortés Calvo, subdelegado de Defensa en Pontevedra, hoxe no programa Día a Día realizamos unha visita guiada radiofónica á exposición "Cartografía da Raia" que se pode visitar na Sala Municipal no edificio Francisco Sánchez en Tui.

O dr. Miguel Quevedo Bisonni recibiu o Premio ao Mellor Artigo Inédito do Ano outorgado pola Fundación Dental Española. No programa Día a Día falounos do artigo titulado “Utilización de la tecnología Tooth Transformer y los dientes incluidos del paciente como material de injerto en un tratamiento multidisciplinar” , explicándonos en que consiste esta técnica e a súa aplicación.

O investigador salcedense Alejandro Gómez Paz está arestora nas illas Shetlands do Sur na Antártida investigando a evolución dos glaciares ao longo dos últimos miles de anos no proxecto Parantar. En concreto empresa novas tecnoloxías para coñecer a evolución da capa de xeo e as súas consecuencias. No programa Día a Día falamos con el desta primeira experiencia antártica.

Este sábado, 27 de xaneiro, celébrase no cumio do Monte Aloia a romaría de San Xulián. Haberá misa ás 10 h e a solemen ás 12 h. Tras a mesma queren recuperar as poxas co obxectivo de recadar cartos para levar a cabo o mantemento do exterior da capela. Así nolo contou Sebastián Gómez Rodríguez.

Esta mañá falamos co piloto Ricardo Ramiño que vén de rematar o seu terceiro Rallie daka en T4, Buggys. Falounos da dureza da experiencia, de como foi a competición e as distintas etapas.

Esta mañá no programa Día a Día compartimos uns minutos con Dolores Diz Solleiro, veciña de Tui, que onte cumpriu 100 anos. Quixemos así felicitala a través das ondas. Onte recibiu na súa casa a visita do alcade, Enrique Cabaleiro, e do concelleiro de Servizos Sociais, Ismael Diz.

A moza tudense de 15 anos Inés Martínez presenta esta tarde na Sala Félix Rodríguez o seu primeiro poemario "Mis dos amores". Esta mañá falamos con ela no programa Día a Día, deste libro e da súa obra poética.

O Liceo Casino de Tui acolle este domingo de 11 a 20.30 h unha xornada de portas abertas dedicada a vodas e comuñóns baixo o título de “Un día máxico”. Neste evento participarán provedores locais para vodas e comuñóns coma fotógrafos, floristas, dj, planificadores de bodas, perruquería, tocados, vestidos, animación infantil. Así nolo contaron Laura Urceira de Peluqueria Xelas, e Gema Fernández de...

O mago tomiñés Samuel Moreno, estrea este sábado no Auditorio de Goián o seu novo espectáculo ‘Etéreo’. A entrada é de balde. As portas do auditorio abrirán ás 19.30 h e o espectáculo comezará ás 20 h. Falamos con Samuel Moreno deste novo espectáculo.

A Fada do Aloia realizará mañá sábado unha ruta solidaria coa Protectora de Animais Aloia de Tui. Sairá mañá ás 12 h e contará cunha duración de hora e media. Está recomendada a partir dos 3 anos. É preciso inscribirse no 619 96 90 90. Falounos da Ruta A Fada do Aloia, e Pepin Solleiro, da Protectora Aloia, explicaba como podemos axudar con comida, podendo realizar tamen aportacions economicas.

Esta semana están en Tui os cineastas nacionais e internacionais participantes na segunda edición de Ventura, un proxecto posto en marcha pola asociación cultural Enfoques, organizadora de Play-Doc. Coñecemos todos os detalles de Ventura, con Ángel Sánchez, Eloy Enciso e Diana Toucedo.

Setenta e cinco expositores de Galicia, Asturias e Portugal van participar esta fin de semana na IX Mostra da Camelia Cidade de Tui no Claustro da Catedral de Tui. Falamos da mesma con ntonio Luis e Jose Montes de ATUCA, Amigos Tudenses da Camelia, organizadores do evento, e con Carmen Salinero, presidente da Sociedade Española da Camelia.

Este sábado, 20 de xaneiro, a partir das 11 h, celébrase a 43ª Regata Miño Internacional. Unha proba espectacular de remo na que en embarcacións 8 e 4x participarán clubs de Galicia e Portugal. A saída será dende Currás e a liña de meta, tras un percorrido de 6 quilómetros, estará fronte ás gradas da rúa Olímpicos Tudense. Con este evento o Remo do Miño, organizador da proba, comeza a celebrar o s...

O nome de Enrique Míguez escríbese en maiúsculas no deporte local pero tamén a nivel nacional e internacional. Medallista olímpico en Los Ángeles 84, conquistou ao longo das últimas catro décadas ducias de medallas a nivel nacional e internacional, anuncia a súa retirada da competición profesional. Hoxe falamos con el no programa Día a Día da súa longa carreira, dos momentos máis doces, e tamén da...

O Concello de Tomiño pon en marcha a terceira edición de ‘Enche o teu monte de vida autóctona’, unha campaña a través da que se entregará planta forestal frondosa e autóctona á veciñanza para contribuír a repoboar as 900 hectáreas das franxas secundarias de xestión da biomasa. Van repartir 1.800 árbores que se sumarán aos máis de 2.600 exemplares como cerdeiras, nogueiras, érbedos, castiñeiros, ca...

Ao ritmo de "Satisfaction" dos Rolling Stone comezará este domingo, ás 17 h, no IFEVI, a súa actuación a Rondalla O Mosteiro de Pexegueiro. Os máis de cen integrantes desta agrupación realizarán mañá o último ensaio antes do concurso no que participarán 15 rondalla da área metropolitana de Vigo. Falamos desta cita con José Solleiro, un dos integrantes da Rondalla O Mosteiro.

Os primeiros pellets, en cantidades escasas, comezaron a chegar á costa do Baixo Miño. Na praia de Area Grande e no Muíño rexistráronse xa os primeiros microplásticos procedentes do contedor que caeu do Tuconao. Falamos desta situación con Agustín Ferreira, presidente de ANABAM. Deu conta da prospección da costa que están a realizar xunto co concello do Rosal e tamén de consellos para recoller de...

Ás 17 h sairá a Cabalgata Internacional de Reis dende Valença. Debido á incerteza do tempo haberá un cambio no tramo final do percorrido xa que a comitiva real non rematará na Corredoira sino que dende Augusto González Besada xirará cara a rúa Lugo, Ourense e rematará diante do Teatro Municipal, onde os Reis Magos recibirán a nenos e nenas. Así nolo confirmou a concelleira de Cultura de Tui, Sonso...

A San Silvestre Solidaria de Tui reunirá este domingo a 1.200 persoas. Unha cita deportiva e festiva que está chamada a consolidarse no calendario anual. O concelleiro de Deportes de Tui, Rafael Estévez, facía un chamamento a acudir con antelación a recoller o dorsal, e agradecía o labor do @clubatletismotui. Ao remate da carreira haberá chocolate con rosca e tomaranse as uvas coas badaladas das 1...

O grupo Kediran de música tradicional e cancións de autor actuará mañá sábado ás 19 h no Mercado de Nadal na Corredoira na festa pre-fin de ano. Hoxe falamos con Daniel Pazos, un dos membros de Kedirán, do grupo e do concerto que mañá van ofrecer en Tui.

Hoxe venres e mañá sábado está en Tui, na rúa Casal Aboy, a unidade móbil de doazón de sangue. Dende ADOS fan un chamamento especial para doazón ante a diminución nas reservas e a necesidade de entre 400 e 500 doazóns diarias nos hospitais. Así nolo contou a doutora Ana Seoane, responsable de hemodoazón e aférese de ADOS.

La Timba Mullallo actuará este sábado ás 21 h na festa Pre-Fin de Ano no Mercado de Nadal , no Paseo da Corredoira. Hoxe falamos con Roberto Santos e Ramiro García, dous dos integrantes do grupo.

Manuel Madarnás presentará este sábado no Centro Cultural de Guillarei, ás 20 h, o seu disco La MMarca Vol. II. Será no concerto de Fin de Ano que organiza a Banda de Música Popular de Tui.