Día a Día

A sesión de hoxe venres Play Doc abriuse coa proxección de “Frente a Guernica” de Yervant Gianikian e Angela Ricci Lucchi que forma parte da Competición Internacional do Festival. Falamos da mesma con Chema González, comisario e programador do Museo Reina Sofía que produciu esta película.

Onte proxectouse en Play Doc "O Auto das Ánimas" de Pablo Lago. Hoxe no programa especial Play Doc agradecía a acollida que tivo onte a película cun público moi activo.

"Os espazos en branco" é o título da película que o director vigués Bruno Arias presenta en Play Doc. É o seu primeiro traballo como director no que buscaba renderlle homenaxe a súa tía Xela Arias. O resultado é un traballo moi intimo e familiar no que fala tamén da relación entre as persoas.

Poucas entradas quedan xa para os catro pases de Cinema Percorridos desta noite. Así nolo contou o codirector do festival, Ángel Sánchez, que tamén, no programa especial Día a Día dedicado ao Festival Internacional de Cine de Tui, nos deixou as súas recomendacións para a fin de semana.

Beatriz Rodríguez, psicóloga de AFAGA, será hoxe a encargada da formación sobre a enfermidade de Alzheimer que vai ter lugar ás 16.30 h na Sala Félix Rodríguez. Falarán tanto do azheimer coma doutras demencias, dos síntomas, tratamentos e recursos. Vai dirixida a familiares de persoas que veñen de ser diagnosticadas, aos propios enfermos e á cidadanía en xeral.

‘Entre viñas e viños no val do Rosal’ é o título do libro da historiadora tudense Sara Quintana e o ilustrador rosaleiro Xosé Tomás editado polo Concello do Rosal. Hoxe falamos con Sara Quintana e Xosé Tomás desta obra que recolle a orixe, tradición, historia, das viñas e do viño do Rosal.

Este venres, ás 18 h, terá lugar en Tui unha demostración aeronaval a cargo da Unidade de Guerra Naval Especial da Armada, xunto con helicópteros da Flotilla de Aeronaves. A demostración levarase a cabo con motivo do 160 aniversario da permanencia da Armada no río Miño. A demostración realizarase fronte á Comandancia Naval e o Club Náutico.

Este mércores, 1 de maio, ás 20.30 h terá lugar a inauguración oficial de Play Doc. Desta sesión inaugural, pero tamén doutros momentos especiais do festival falaba hoxe o seu codirector, Ángel Sánchez, no programa Día a Día.

O próximo luns abre o prazo de solicitude de praza para o Campamento de Verán Igual É + que organiza o Concello de Tui. Así o lembrou hoxe o concelleiro de Deportes, Rafael Estévez, quen amais deu conta doutros campamentos que haberá tamén este verán en Tui.

Boa acollida está a ter a "Casa dos libros orfos" que o Concello de Tui abriu esta semana na praza da Inmaculada. Así o explicou hoxe a concelleira de Cultura, Sonsoles Vicente. Esta iniciativa forma parte da programación de Tui en Letras que até xuño brinda un amplo programa de actividades no que destaca a XXV Feira do Libro Galego o 17 de maio.

“Sombras” é o título da nova sección que Play Doc abre nesta viséxima edición dedicada a recuperar a historia do cinema galego. Este ano céntrase na figura de Tony Román. Así nolo contaron Ángel Sánchez, codirector do festival, e Pepe Coira, guionista, escritor e produtor.

O cinema brasileiro está presente nesta viséxima edición de Play Doc a través da figura de León Hirszman, que foi un dos creadores do coñecido coma cinema novo brasileiro. Así nolo contou hoxe Ángel Sánchez, codirector de Play Doc, quen deu conta das curtas de David Gladwell LADWELL, a restauración dunha película de Viola Stepahn e a proxección de “As armas e o povo”. Lembrou que están á venda de...

Este domingo comezan as Rutas pola Natureza organizadas polo Concello de Tui. A concelleira de Turismo, Ana Núñez, explicounos a oferta proposta de trece rutas que terán lugar até finais de xuño.

A Asociación do Párkinson do Baixo Miño vai celebrar este sábado ás 17.30 h no Liceo Casino o Día Mundial do Párkinson que tivo lugar o pasado 11 de abril. O evento será conducido por Rodolfo e Olivia. Contarán cunha charla coloquio “Como coidar o noso cerebro: Os piares básicos” a cargo de Sonia Gayoso, psicóloga especialista en demendas e dano cerebral adquirido, sorteo e uns petiscos. Así nolo...

O 2 de maio ás 17 h no Liceo Casino terá lugar a taller “Fame Emocional" a cargo da psicóloga Alba Fernández e da nutricionista e farmacéutica Clara Hernández. Ofértanse 12 prazas. O prezo é de 25€ para socios do Casino e de 30 € para non socios.

Play Doc, na súa vixésima edición do 1 ao 5 de maio, dedica unha retrospectiva a William Friedkin. Hoxe Ángel Sánchez, codirector do festival, falounos deste cineasta que dirixidou entre outras French Conection ou O Exorcista. Estas son dúas das películas que poderemos ver en Play Doc, xunto tamén a un documental no que se entrevista a William Friedkin.

Hoxe, 23 de abril, é o D'a do Libro. Por este motivo acheg'ámonos a unha das librarías tudense, Libraría Iris. Loli Fernández contounos coma viven esta xornada na que teñen un desconto do 10% nos libros, e deunos conta dos máis vendidos nestes momentos.

O próximo 4 de maio celebrarase a XX Andaina Tudense organizada polo club Andatui. José Martínez Tato deunos conta hoxe do percorrido a realizar, novidoso, dende a rúa Olímpicos Tudenses ao cumio do Aloio, a regreso ao punto de partida. Anticípase a hora de saída ás 9 h. A inscrición está aberta até o martes 30 en andatui.es

Hoxe abrimos en Día a Día un espazo no que ao longo desta semana iremos coñecendo todo o que nos vai ofrecer Play Doc, o Festival Internacional de Cinema de Tui do 1 ao 5 de maio. Facía fincapé Ángel Sánchez nos 20 anos do festival, e tamén e nos eventos máis aló das proxección que nos ofrece Play Doc.

No tempo que cada luns compartimos coa mestra composteira de Tui Sara Luque hoxe deunos conta da mellora do servizo de recollida de cartón para establecementos comerciais que se presta. Tamén avanzou que no mercado dos xoves se vai proceder a implantar un sistema de recollida selectiva dos residuos que se xeran.

Máis de 60 persoas asistiron onte á asemblea da Plataforma en Defensa da Sanidade Pública de Tui, e na que se renovaron dous membros da directiva. Conchi Martínez Aguilera valoraba na nosa sintonía esta asemblea, e as detallaba as demandas, e a situación actual no Centro de Saúde de Tui.

“Voces de un pueblo represaliado” de Jose Antonio Bao é o libro que hoxe ás 18 h se presenta na Sala Félix Rodríguez en Tui. Esta mañá no programa Día a Día falamos co seu autor.

A Banda de Acordeóns Metropolitana formada por 43 instrumentistas e 21 voces, ofrecerá un concerto mañá sábado, 20 de abril, ás 18 h no Centro Dotacional do Medio Rural en Torroso, Mos. Será dentro do VII Concerto Audición no que tamén participarán a Asociación Música Vica, Norberto Magín, a Orquestra de Acordeóns Hauspoka de Navarra, e alumnado das Escolas de Música de Irurtzun e Bulada- Villava...

Isabel Prado - Reapertura do Centro Goianés Isabel Prado - Reapertura do Centro Goianés

A Plataforma en Defensa da Sanidade Pública de Tui celebra mañá xoves, 18 de abril, ás 20 h, na Sala Félix Rodríguez asemblea para dar conta das accións realizadas, das próximas actividade e renovar a directiva, entre outros asuntos. Falamos da reunión coa voceira da Plataforma, Conchi Martínez Aguilera.