Día a Día

Un espectáculo emotivo, divertido e sorprendente. Así definía Fran Núñez, director do CDG a obra "Terceiro acto" que añá ás 21 h representa no Teatro Municipal de Tui o Centro Dramático Galego. Falamos con el e coa concelleira de Cultura, Sonsoles Vicente, hoxe no programa Día a Día. As entradas están á venda en tui.gal.

Coñecer a realidade do Camiño Portugués, e de forma especial no tramo tudense, é o obxectivo do estudo que está a realizar ao longo deste ano Alfonso Ferreira da Asociación Iacobus. Hoxe coñecemos con el que datos está a recoller, as anécdotas destes meses de traballo e tamén o que máis lle ten sorprendido.

“A Horta en Outono” é o título do obradoiro que este domingo, 3 de novembro, de 10 a 14 h se vai celebrar nunha finca situada na Avenida da Concordia Tui. Será impartido por Lorena Franco, de Biophilia, que nos contou todos os detalles. É precisa inscrición previa.

Hai sete anos que Marta Salgueiro se puxo ao fronte de La Bella Aurora. Un establecemento, situado na rúa Colón, dedicado a vestir a noivas, noivos, madriñas, padriños, comuñón, nenos de arras, e a todas as persoas para eventos destacados. Sinalaba que son tenda multimarca e destacaba que ofrecen unha atención totalmente personalizada e asesoramento para a vestimenta completa, contando amais co ta...

Hoxe martes a aula da UNED acollerá a segunda película do Cine Club Tui. Será "One cut of the dead" de Schinichiró. Haberá dúas sesións ás 18.30 h e ás 20.45 h cun prezo de 4,5€ para o público en xeral e 2€ para socios. Javier Argüelles do Cine Club Tui falounos da película elixida para esta tarde e tamén fixo balance do inicio das proxeccións hai unha semana.

Mañá martes ás 18 h a Catedral de Santa María de Tui vai acoller un concerto do Coro Anton Bruckner, que chega dende Londres e fai parada, por primeira vez, en España. A entrada será gratuíta e libre até completar aforo. Falamos cun dos integrantes da formación, William Dawe.

O Centro Sociocomunitario de Tui acollerá dous cursos de competencias dixitais básicas, impartidos por Pedro Fernández. Un será o próximo martes 5 de novembro, sobre o emprego do móbil, cun prezo de 10 euros; e o outro desenvolverase todos os mércores de novembro, sobre competencias dixitais, e cun prezo de 25 euros. É precisa inscrición previa no Centro Sociocomunitario.

Hoxe estivo no programa Día a Día Iván Carral, presidente de ACITUI, con motivo do Truco ou Trato que polo Samaín haberá o próximo xoves 31 pola tarde no comercio local. Tamén falamou da Lotería de Nadal.

Coral Martínez impartirá mañá na Sala Municipal de Exposicións un obradoiro de manga dentro do programa Boas Vibes. Será eminentemente práctico e as persoas participante ao longo da mañá poderán crear unha personaxe e mesmo un comic como explicaba hoxe Coral Martínez. Alí contarán con todo o material. É preciso inscrición en igualdade@tui.gal.

O músico Manuel Madarnás ofrecerá o primeiro concerto da súa xira Mmarca Opus este domingo en Melide, e fará parada o 17 de novembro no Rosal. Estará acompañado pola Banda de Música Popular de Tui e polos artistas Sic Salem, Jorge Pimentel, Juan Díaz e Iris Abril. Déronnos todos os detalles Manuel Madarnás e Eloy Carrera, director da Banda de Música Popular de Tui.

A empresa ValoraT céntrase en impartir diferentes actividades fóra do horario escolar (tanto para nenos e nenas como para adultos), enfocándose nos valores e na creatividade. Valentina González, unha das impulsoras desta iniciativa, contounos todos os detalles deste proxecto que se vai desenvolver nas instalacións do Liceo Casino de Tui.

Mañá xoves chega a Tui o proxecto Nós para recoller as voces da cidadanía, rexistrar as variedades fonéticas e dialectais de Tui para que a lingua galega estea tamén presente nas novas tecnoloxías. Por exemplo que podamos falar en galego con SIRI, Alexa ou o GPS. Así o explicou hoxe Rubén Cela, do proxecto Nós.

Carlos Fer é artista, cineasta e tamén tudense. Esta semana está expoñendo a súa obra nun festival internacional, o Certame Intersección, na Coruña. Alí participa con dúas obras: "Pliegue tectónico II" e "Un cuadro con subtítulos". Falamos con el sobre este festival e sobre futuros proxectos.

O vindeiro sábado 2 de novembro celebrarán no Centro Cultural Seixos Albos de Areas un novo curso de cogomelos. A actividade comezará ás 9:30 e terá unha parte teórica e outra práctica, cunha saída ao monte. É preciso inscribirse previamente en seixosalbos@gmail.com ou no 722 166 198. O prezo é de 10 euros, tendo desconto os comuneiros. Deu os detalles Lito Pereira, o presidente da Comunidade de M...

A Agrupación Musical do Rosal vén de acadoar a máxima puntuación no Certame Galego de Bandas de Música organizado pola Federación Galega de Bandas de Música e proclamouse gañador da sección primeira, cunha proposta musical moi arriscada e complexa. Falamos deste éxito co director da Agrupación, Javier Alonso.

A cabaza xunto a outros produtos de outono serán os protagonistas da IV Feira da Cabaza que este sábado 26, domingo 27 e xoves 31 se vai celebrar no Mercado de San Antonio. Amais do mercado destes produtos haberá tamén un amplo programa de actividades coma showcooking, obradoiros, catas e espectáculos. Así o explicaba esta mañá a concelleira de Comercio e Mercado, Ana Núñez.

Ao do luns 21 de outubro foi un programa moi especial do Día a Día. Jose Font xubílase e a mañá estivo repleta de lembranzas, de voces que amosaron cariño, recoñecemento e agradecemento cara a persoa que leva tres décadas ao fronte deste programa e da Radio Municipal de Tui.

O 20 de outubro conmemórase o Día Internacional das Probas Cribado do VIH. Dende Trans Miño LGTBIQ+ porán unha mesa informativa no Concello da Guarda o luns día 21 para potenciar que as persoas se fagan ditas probas e sexan conscientes do que é o VIH. Xermán Cordero deunos todos os detalles.

“O Tui das mulleres esquecidas” é o nome do roteiro histórico que mañá vai celebrarse en Tui. Partirá ás 18 h dende a praza da Inmaculada, e estará guiado polo historiador Suso Vila. El contounos hoxe a importancia de coñecer estas historias. A actividade está organizada pola Asociación de Mulleres Feministas Berra e é solidaria, cun custe de cinco euros.

Mañá sábado comeza o programa Boas Vibes en Tui, con propostas de música, danza, poesía, cómic, skate e rolling. A primeira cita será cunha exhibición de danzas urbanas. Será ás 19 h de mañá 19 de outubro no exterior do Mercado de San Antonio. Yara Juncal, da escola Boombox Dance Studio explicou polo miúdo en que vai consistir.

Areas celebra festas na honra á Virxe do Rosario a próxima fin de semana do 26 e 27 de outubro. Cunha comisión renovada e xove, Óscar Fernández, o seu presidente, e María Benavides, secretaria, presentáronnos o programa completo de festas.

Hoxe na nosa sintonía estreamos o novo tema musical do artista tomiñés G Face, "Lo mismo". Falamos con el tamén sobre o documental que estivo gravando no seu municipio con temas en galego.

Un espectáculo musical e teatral para público familiar é o que chega mañá venres ao Teatro Municipal de Tui dentro da programación de outono. Será “A trompa non é só cousa de elefantes” da man de Catro cores. Esta formación integrada por Ana Vergara, Aida Lozano, Mónica García e Alma Sarasola é o único cuarteto de trompas de Galicia. Mónica García deunos os detalles.

Solidariedade Galega co pobo saharauí fai un chamamento solicitando apoio urxente ante a crise humanitaria que está a afectar aos campamentos de refuxiados saharauís ante as intensas choivas que sufriron. Dende SOGAPS van comprar material sanitario e o 24 deste mes viaxará aos Campamentos a Comisión Sanitaria de Galicia.

Este domingo ás 12 h na súa sede en Guillarei a Escola de Música da Banda de Música Popular de Tui realiza a inauguración do curso escolar 2024/25 cun concerto de Manuel Madarnás xunto a Sic Salem, guitarra, e Narrayan Corrios, saxofón e caixón. Deste evento falamos con Eloy Carrera, director da Banda de Música, e Manuel Madarnás.