Día a Día

Esta fin de semana terá lugar na Adadía do Pelouro Axeito unha sesión de danzaterapia. Laura Llauder, bailarina, coreógrafa e danzaterapeuta, explicaba en qué vai consistir esta sesión que non ten límite de idade, e non é preciso experiencia previa. Será o domingo de 18 a 20h.

Xornada importante hoxe para o San Xerome coa constitucion da Cooperativa FOGARES SANXE, S. Coop. Galega da que forma parte un grupo de 38 persoas con diversidade intelectual e as súas familias. Falabamos esta mañá con Ciano Valcárcel, do San Xerome, deste importante paso.

Dende o Mediterráneo ao Atlántico viaxe Ulises en “O Barco de Ulises” do CDG. Unha obra que fala de emigración e da morriña pola terra. En Tui comeza mañá a xira desta montaxe que percorrerá vinte localidades galegas e portuguesas. Da obra falábanos esta mañá Santiago Cortegoso, autor do texto, e director da obra xunto a Marián Bañobre.

Cubertas as 20 prazas no curso de cogomelos que organiza a Comunidade de montes de Areas este sábado. Así o explicaba Manuel Pereira, presidente da Comunidade de Montes. Trátase da 10ª edición deste curso que levan a cabo.

O Parque Natural do Monte Aloia acollerá esta fin de semana o Trail do Aloia. Será o sábado pola tarde co Aloia Kids Trail que se incorpora este ano coma novidade, e o domingo á mañá co Trail na categoría absoluta. Serafín Martínez é o organizador da proba.

Este domingo celébrase o VI Concurso Pinta Tui con tres categoría de até 11 anos, de 12 a 17 anos, e maiores de 18 anos. José Luís Diéz, organizado do evento, explicaba os obxectivos e características deste certame. Os participantes deberán selar o soporte de 9 a 10 h na Oficina de turismo e terán até ás 18 h para realizar a súa obra.

Amancio Prada ofrecerá ás 20.30 h desta tarde o penúltimo concerto da súa xira "Camiño do meu contento" no Teatro Municipal de Tui. Con el falamos esta mañá deste concerto, pero tamén da súa ampla carreira musical. As entradas están á venda en www.tui.gal.

Últimos de días de matrícula na Escola de Música Municipal de Tui para alumnado dende os 7 anos en clarinete, gaita, frauta travesa, percusión, trompeta e trombón. As persoas interesadas poden contactar en horario de tarde, de 15.30 h a 20 h co 986 60 44 04 ou co 687 22 99 57.

O pavillón do IES San Paio acolle este sábado e domingo a I Feira da Cabaza. O evento, previsto inicialmente no Paseo da Corredoira, cambiou de emprazamento debido á choiva. As concelleiras Sonsoles Vicente e Ana Mª Núñez, xunto a Juan Carlos Boo, detallaron hoxe todo o programa previsto. "A caverna do terror" terá lugar no cárcere vello.

Con "Naialma" o compositor e pianista Alberto Vilas vén de gañar o Premio Martín Codax 2021 na categoría de Música Clásica e Contemporánea. Un galardón que emocionou ao compositor para un traballo que el mesmo definía hoxe na nosa sintonía coma "moi especial".

Este domingo terá lugar a derradeira visita a pozos e regadíos que se celebran ao longo do mes con motivo da I Feira da Cabaza. José Martínez Tato, do club AndaTui, avanzaba qué se poderá ver neste percorrido que sairá ás 10 h do pavillón San Paio

Co alcalde de Tui, Enrique Cabaleiro, completamos hoxe a rolda de conversas para valorar os dous anos transcorridos do actual mandato municipal.

76 fotografías dunha colección de máis de 500 expóñense estes días na Sala Municipal de Exposicións en Tui. Proceden dos fondos do Balneario de Caldelas, e retratan as xentes, as tradicións, as rúas de Caldelas e Tui de hai máis de 100 anos. Ana Rodríguez, xerente do Balneario, contounos a historia desta arquivo fotográfico.

José Ángel Fernández, voceiro do Partido Popular, estivo hoxe na rolda de conversas que estamos a manter cos voceiros dos grupos políticos presentes na corporación para valorar os dous anos transcorridos xa do actual mandato municipal.

"TDAH Máis aló do diagnóstico" é o título da conferencia que a psicóloga Paula Fernández, ofrecerá hoxe ás 20 h no Liceo Casino de Tui. Con ela falamos esta mañá.

Maica e Antonio acompañáronnos hoxe no programa Día a Día no tempo que cada quince días dedicamos á Asociación de Alcohólicos Anónimos. As persoas interesadas en contactar con eles pode facelo no 622 90 24 34, e na Sala Félix na Área Panorámica os martes de 10 a 11.30 h e os xoves de 20 a 21.30 h. Convidaban a aquelas persoas que poidan ter un problema co alcohol a dar o paso e contactar con eles.

Rockin' Gina and the Sentinels estiveron hoxe en directo no programa Día a Día presentando o seu novo traballo discográfico "Swampy Water".

Unha rocha onde se mallaba antigamente o trigo é unha das peculiaridades que mañá se verán na visita ás pozas e regadíos que sairá ás 17 h da casa cultural de Baldráns. O domingo ás 10 h sairá a ruta do centro cultural de Areas onde os participantes poderán ver o pazo das Marabillas.

Golfiños presenta hoxe no Teatro Municipal de Tui o seu novo traballo discográfico "O soño dos Golfiños", música para cantar, bailer, rir, soñar, viaxar. ... Falamos con Elena Paz que forma Golfiños xunto a Jesús Moares Lameiro, e Javier Ricardo Álvarez Fernández.

50 parellas e 160 bailaríns en grupos participan este domingo, dende ás 11.30 h n no VII Trofeo Eurocidade Tui-Valença de Baile Deportivo. Será no Pavillón Deportivo Municipal “Gustavo Rodríguez”. A entrada terá un prezo de 7€, 5€ para maiores de 65 anos e menores de 12 anos.

Hoxe foi a quenda da voceira do BNG na corporación municipal, Carmen Núñez, para facer balance dos dous anos transcorridos do actual mandato municipal.

Os tudenses Miguel Ángel Rodríguez e José Luis Ríos gañaron o 2º premio do VII Concurso de Proxectos Empresariales Semente Ribeira Sacra, con Circular Forest. Hoxe contáronnos en qué consiste esta iniciativa coa que propoñen transformar a biomasa residual dos bosques en cogomelos de alto valor comercial.

José Manuel Palacín. voceiro de C21 acompañounos no día de hoxe dentro da rolda que estamos a realizar para facer balance dos dos anos transcorridos do actual mandato municipal.

Co concelleiro de En Marea, Laureano Alonso, abrimos hoxe unha rolda de conversas cos voceiros dos grupos políticos presentes na corporación municipal para valorar a metade do mandato municipal que se cumpriu en xuño.

Tras a presentación do pasado xoves este venres iniciativa a súa actividade a CAI con Laura Villaverde no Espazo Xove de Tui. Por outra o xoves 28 comezará o curso de banda deseñada con Coral Martínez. En ambos quedan prazas vacantes. Contounolo esta mañá a directora deste centro xuvenil que tamén falou do carné xove e do programa Outono Xove.